Israelek Gaza bonbardatzen jarraitzen du eta operazio “luze eta bortitza” iragarri du
Gazaren kontrako beste 160 eraso egin ditu Israelgo armadak astearte gauean. "Ertz Babesle" operazioa hasi zuenetik 430 eraso egin ditu guztira 30 ordu baino gutxiagotan, eta gutxienez 22 hildako eta ehunka zauritu utzi ditu.
Azken bonbardaketetan hainbat "militante islamiar" hil dituztela adierazi du armada israeldarrak. Baina Reuters albiste agentziaren iturrien arabera, hildakoen artean zazpi ume eta hamar zibil ere badaude.
Israelgo armadako bozeramaile Moti Almoz generalak irrati militar bati adierazi dionez, erasoen helburuak koheteak jaurtitzeko 120 gune, Hamasen 10 aginte-postu eta “tunel ugari” dira.
Benjamin Netanyahu Israelgo lehen ministroak adierazi du “operazio luzea, etengabekoa eta bortitza” agindu duela. Ez dute zehaztu zenbat denbora iraungo duen, baina ez dela egun gutxitan bukatuko adierazi du.
"Ertz Babesle" operazioa 2012tik Gazan egindako handiena da. Israel eta Gazaren arteko mugan 1.500 soldadu erreserbista daude, baina 40.000 gehiago deitu ditu Israelek.
Epaiketarik gabeko hilketak
Israelgo armadaren Twitter kontu ofizialak zabaldu du bideoa. Atzo Hamasen komando bateko lau kide bonbaz nola hiltzen dituzten erakusten du. Armadaren esanetan, Gazatik itsasoz sartu ziren Israelera ekintza armatu bat egiteko.
Sare sozialetan #GazaUnderAttack traolarekin egiten ari dira gertatutakoaren jarraipena
Egiptok Camp David-eko akordioa haustearekin mehatxatu du Israel, Rafah-ko operazioarekin aurrera egiten badu. Hegoafrikak Nazioarteko Justizia Auzitegiari eskatu dio agindu dezala Israel Rafah-tik ateratzeko.
Ehunka herritarrek egin dute bat hainbat hezkuntza zentrok, guraso elkartek eta sindikatuk antolatutako deialdiarekin, Palestinako umeak gureak ere badira. Genozidioa gelditu! lelopean. Sarea Euskal Herri osora zabaldu nahi dute sustatzaileek.
Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]
Aste nekagarri bateko igandea da. Gauza gutxi egiteko, nahiz eta beti egon zeregina etxean, urgentziazkorik ez oraingoan. Dolce far niente-rako aproposa, eguraldia ere dudakoa delako. Etxean geratzeko egun egokia. Herrian, baina, eguerdirako manifestaziora deituta dago Gazaren... [+]