Isiltasun ozen bat erasotzaileei
Tolosako Plaza Zaharra txiki geratu da igande goizaldeko ustezko bortxaketa salatzeko deitutako mobilizazioan.
"Ez" eta kito. Hitzez baino, gorputzez azaldu nahi izan dute tolosarrek, ez dutela eraso matxista bakar bat onartuko. Erantzun zabala jaso du Tolosako Udalak Tolosako Emakume Taldearekin, karroza eta konpartsekin eta txosnekin elkarlanean egindako deialdiak eta, ehunka herritarrekin batera, hitzordua izan dira, Olatz Peon alkatea, udalbatzako alderdi guztietako ordezkariak eta Izaskun Landaida Emakundeko zuzendaria.
Isiltasun ozen batek hartu du kalea, eta jendetza elkartu da Plaza Zaharrean nahiz aldameneko kale eta zubietan. Txalo zaparrada batek biribildu du mobilizazioa.
Ertzaintzak atzo gauean 20 urteko gizonezko bat atxilotu zuen, Kalderero gaueko bortxaketaren ustezko egilea delakoan.
Albiste hau Tolosaldeko Atariak argitaratu du eta CC-by-sa lizentziari esker ekarri dugu ARGIAra
Nina iragarritako señorizidio baten kronika da –Irantzu Varelaren terminoa erabiliz–. Pantaila handira orain iritsiko den filmak kontatzen du nola 30 urteren ondoren emakume zauritu bat herrira itzultzen den eskopeta batekin, etengabeko hileko moduko batek... [+]
Gaur egingo diote autopsia gorpuari. Atxilotutako 37 urteko gizona espetxean mantenduko dute epaiketara arte. Prestatutako hilketa matxista izan dela frogatzen bada, biziarteko kartzela zigorra kontenplatzen du Frantziako legediak. Mobilizazioak egingo dituzte egunotan Euskal... [+]
62 urte ditu erasotzaileak, eta aurreko astean eraso zion 13 urteko mutil bati. Leioako campusean, bestalde, gizon bat atzeman dute komun batean irudiak grabatzen.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.