Iruñeko Katakrak liburu dendak argitaletxea sortu du
Angela Davisen “Askatasuna, etengabeko borroka bat” eta Srecko Horvaten “La radicalidad del amor” lanekin ekin dio Katakrak-ek liburuak argitaratzeari.
Martxan jarri duen proiektu berri horretan Euskal Herriko eta munduko saiakerak lantzea izango da helburu nagusia. Horrela azaldu dute Katakrak argitaletxeko kideek azaroaren 29an Donostian egindako agerraldian.
Bi liburu argitaratuz ekin diote bideari: Srecko Horvaten “La radicalidad del amor” eta Angela Davisen “Askatasuna, etengabeko borroka bat”. Azken horren aurkezpena egin dute agerraldian.
Azaldu dutenez, munduko mugimendu sozial batzuk aztertzen ditu Davisek liburuan. Tokian tokiko gatazkak beste leku batzuekin konektatzen ditu, munduko hainbat borroka lotuz. Mugimendu berri batean lotu nahi ditu Davisek Fergusonen zapaltzen diren beltzak, emakume beltzak, langileak, emakume lesbiana beltzak, trans emakumeak, haur palestinarrak, presoak, baztertuak eta pobretuak.
Liburua kalean dago dagoeneko, eta salgai jarriko dute Durangoko Azokan, The Balderekin partekatuko duten postuan. Horrez gain, Katakrak argitaletxearen aurkezpen jaia ospatuko dute abenduaren 1ean 19:00etan Katakrak liburu dendan bertan.
Ramon Oleagak eta Jose Mari Esparzak egina, 300 mapa dakartza Imago Vasconiae izeneko bildumak eta Interneten ere kontsultagarri dago. Euskal Herriaren historiaren bilakaera irudikatzeko eta "ikerketarako jatorrizko materiala izateko" ezinbesteko tresna sortu dute... [+]
Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]
Abenduaren 1ean inauguratuko dute Gasteizko Alde Zaharrean Eva Forest Liburutopia kafe-liburudenda. Proiektua “pentsamenduaren eta kulturaren hedapen eta gozamenerako topalekua” izatea nahi dute bere bultzatzaileek. Hilabeteko programazioa aurkeztu dute jada... [+]
Akelarre saiakera argitaratu zuen 2021ean, eta, iaz, berriz, perla urregorrizko bat: Elurzuriren hiru heriotzak. Grimm anaien ipuin ezaguna berridatzi zuen, eskuizkriburik zaharrena abiapuntu harturik, Grezia zaharreraino joanez, eta Elurzuriren istorioko zenbait elementuri... [+]