Urtea hasi berritan hil da ibilbide luzeko ekintzailea eta azken agurra egingo diote larunbatean Artzibarren eta Agoitzen senide eta lagunek.
Itoizko urtegiaren kontrako solidarioen borrokan hartu zuen parte Iñaki Garcia Kochek bete betean. Lehenago ordea okupazio eta desobedientzia mugimenduetan ere ibilia zen, tartean Iruñeko Euskal Jai ezagunaren inguruko mugimenduan. Duela bi hamarkada legez kontra eraikitzen ari ziren Itoizko urtegiaren kontra ekintza zuzenarekin erantzutea erabaki zuen beste hainbat lagunekin batera. Gogotik ordainarazi zioten hautu hori, kartzela eta sasia ezagutu baitzituen.
Joan den urtarrilaren 4an hil zen solidarioa Agoitzen, 53 urterekin. Euskalerria Irratiari bere lagun Julio Villanuevak esan dio kartzela urteek bereziki “markatu” zutela eta heriotza horri lotuta egon daitekeela.
Egindako ibilbidearen esker onez omenaldia egingo diote lagun eta herritarrek larunbatean. Goizean Artzeko zelaian ekitaldia antolatu dute, ondoren bazkari autogestionatua izango da, eta azkenik, Agoitzeko Merkatu plazan omenaldia arratsaldean.
Informazio osagarria:
Iñaki Garcia Kochi Mikel Asurmendik 2006an egindako elkarrizketa: "Otsailean 'libre' izango naiz eta borrokan jarraituko dut"
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]