Hizkuntza ohiturez eta gizartea aktibatzeaz arituko dira Udaltopen

  • Donostiako Egian, Arrigorriagan, Errenterian eta Agurainen euskarari eusteko egindako egitasmoak azalduko dituzte, eta kaleko ekimenok beste eremu batzuetara moldatzerik dagoen aztertuko dute.


2017ko maiatzaren 05an - 10:23
Egia Euskaraz egitasmoaren bukaera ekitaldian gogoeta egiten. Argazkia: Dani Blanco.

Egia auzokoek abiatu zuten bideari protagonismo handia emango diote aurtengo Udaltop Udaletako Euskara Zerbitzuen topaketetan, maiatzaren 11 eta 12an, Lasarte-Orian. Egiatarren esperientzia Aitziber Gurutzeagak kontatuko du; Aguraingo 75 ordu euskaraz-i buruz Asier Lafuente arituko da; Arrigorriagako Baietz 365! egitasmoa Karmelo Ayestak azalduko du; eta Errenterian bukatu berri duten Aste BatZUK, euskararen eroaleak esperientzia Aitzol Perez de San Romanek kontatuko du.

Pello Jauregi EHU irakasleak Lasarte-Orian egindako Baietz 40 egun euskaraz! ikerketa-ekintzaren emaitzak emango ditu lehen aldiz topaketetan.

Topaguneak, AEK-k, Emunek eta Donostiako Piratek era horretako ekimenak beste eremu batzuetara zabal daitezkeen aztertuko dute.

Hizkuntza Politikarako Sailburuordetzak eta Euskaltzaleen Topaguneak proposamen berri bat egingo dute: Hizkuntza-ohiturak eta gizarte aktibazioa Euskal Herriko herri guztietan eta elkarrekin lantzeko proiektua.

Egitarau zehatza lotura honetan daukazue.

Egia Euskaraz ereduari buruz ARGIAn argitaratutako guztia Egia eredua kanalean irakur dezakezu.


Kanal honetatik interesatuko zaizu: Egia eredua
Ikasle gaztelania-hiztunak 48 orduz galegoz

Galiziako Oleiros udalerriko María Casares ikastetxe publikoko ikasleak dira. 12 eta 17 urte arteko 600 ikasletatik inork ez du eguneroko hizkuntza galegoa. Maiatzean erronka jo zuten hainbat irakaslek eta ikaslek: ea gai garen 48 orduz galizieraz aritzeko. 200 ikaslek... [+]


Hizkuntza ohiturak aldatzeko esperimentua

Azaroaren 23tik abenduaren 3ra bitarte egingo da 11 egun euskaraz ekimena. Eusko Jaurlaritza, Nafarroako Gobernua, Euskal Elkargoa, Euskararen Erakunde Publikoa eta Euskaltzaleen Topagunea dira antolatzaile.  Beren datuen arabera,
60.000tik gora pertsonak eman du izena.


2018-10-28 | Igor Agirre
Hizkuntza ohiturak aldatzeko ekimena
800 hernaniarrek hartu dute parte euskarari eusteko erronkan

Ezohiko egitasmoa dute martxan Hernanin otsailetik: urte amaierara bitarte, orain arte dituzten hizkuntza ohiturak irauli eta harremanak euskarara ekartzeko ahaleginean ari dira ehunka herritar. Hilero, 100 norbanako gehitzen dira ekimenera eta dagoeneko 800 herritarrek baino... [+]


Nerea Redondo, euskaraz bizi den egiatarra
"Edonork ez dauka gaitasunik edo baliabiderik hizkuntza-gatazka bati aurre egiteko"

Nerea Redondo eta bere ahizparen asmoa triatloia probatzea zen. Hala gerturatu ziren ekainaren 23an Donostiako X. Emakumezkoen Triatloira. Epailearen hitzek harri eta zur utzi zituen: “Por mis cojones que vais a hablar en castellano”. Alegia, bi ahizpen artean... [+]


Ekimen aitzindaria
Hernaniarrek urte osoz eutsiko diote euskarari

Lehenengo ehun erronkalariak otsailaren 3an hasiko dira. Gaztelaniaz dituzten harremanak euskarara ekartzen saiatuko dira. Hilero ehun pertsona gehitzea da helburua. Hala, 2018an 1.100 hernaniarrek hartuko dute parte aurrekaririk ez duen erronkan.


Eguneraketa berriak daude