Hitza ez den guztiaren garrantzia

  • Irailaren 30ean Seguran jokatu zen Txapelketa Nagusiko kanporaketaren kronika. Sailkapen taulak hau esan zuen: Jon Martin (673,5 puntu), Nerea Elustondo (665,5), Beñat Iguaran (665,5), Ander Fuentes "Itturri" (629,5), Unai Gaztelumendi (620) eta Felix Zubia (594).

Kepa Matxain @kmatxain
2017ko urriaren 06a

- Osea, normala irudiko zaik. Hik daukak kopeta.

Ulertzen nuen Ines sumintzea. Zer gutxiago, bi urtez kasu zipitzik egin ez eta saioan faborez nire ondoan esertzeko eskatuz deitu nion eta. Bi metroko belarriekin amaitu nuen Gipuzkoako Txapelketa, lagunaren oratoria pairatu beharraz. Denbora luzez egon nintzen insomnioak jota, ordu txikietan ohean zilipurdika, Inesen sermoi orojakileak buruan nituela, eta kontua amaitu zen nahiko larri: Orfidalak, begizuloak eta pijama sindromea. Hondoa jota, pare bat erabaki hartu nituen. Bat: “Ines nire bizitzatik atera behar diat, kosta ala kosta”. Bi: “bertso kronikak Rita Oilaskojaleak egingo ditik hemendik aurrera”.

- Orduan zergatik itzuli haiz?

- Tira, badakin, ARGIAkoek nahiko ondo ordaintzen diten…

Kontua da negoziazio prozesu luze eta estu baten ondoren, harrigarriki, lortu nuela Ines konbentzitzea –lezioak emateko duen berezko behar horrek gain hartu zion sumindurari, itxuraz–, eta elkarrekin joan ginela Segurara. Baleko saioa joan zen –puntu erantzunak salbu–: Unai Gaztelumendi lotu antzera, baina ideiaz bizi eta asmotsu; Nerea Elustondo bertsoak oso ondo josiz, ofizio guztietan primeran; Felix Zubiak ez zuen eguna eduki; Ander Fuentes 'Iturri' gorabeheratsu, baina ale onak utziz; Jon Martin oso aise kartzelakora arte; eta Beñat Iguaran borobil ofizio guztietan, eta kartzelakoan goia joz.

Baina Inesek bazuen zeresana, eta saioaren ostean, adiskidetu asmoz atera nion zerbezari dzanga luzea botata, bi ezten jaurti zituen:

  1. “Irakurri ditiat txapelketako epai irizpideak –bai, horretan pasatzen diat denbora librea–. Oso txukun eta egoki zagok dena, baina gauza bat ez dik jartzen: zientifikoki ezinezkoa dela bertso bati zenbaki bat jarri behar dion epaileak irizpide horiek guztiak une berean kontuan hartzea. Bazakiat epaileentzako jarraibideak direla, asmo onez sortuak, baina unea iristean bakoitzak ahal duena egiten dik, eta iruditu zaidak gaurkoan irizpide batek hartu duela pisu handia: 'baliabide paratestualak' deiturikoak –broma gutxi terminologiarekin–. Sentsazioa zaukaat epaileek bereziki saritu dituztela egoki kantatzen dutenak, erritmoa eta isiluneak menperatzen dituztenak, eta, aldiz, behetik puntuatu dituztela auzi horietan traketsago ibiltzen direnak. Adibide garbiena Gaztelumendik hamarreko txikian egindakoa. Txukun asko aritu duk baina 126.5 puntu soilik eman zizkiotek, azken aurren. Ez zieat pisurik kendu nahi kantaera, isilune eta abarrei, baina gaurkoan emaitza desorekatu samar bat eragin dutela uste diat –edo bestela ulergaitzak zaizkidak puntuetan eman diren alde handi batzuk–".
  1. “Hitz egin beharko diagu alferrikako dramatismoaz ere. Epai irizpideetan kapitulu oso bat irekiko nikek horri buruz, nola derrepente hasi beharra dagoen zigortzen. Martinen eta Iguaranen arteko zortziko handia duk adibide garbia. Gaia: astebururo irteten zarete elkarrekin bizikletaz ibiltzera. Joan den asteburuan txirrindulari bat harrapatu zuten bihurgunetik pasatu berri zarete. Eta, lehen bertsoan, Martinek amaitzen dik: “zeinen agudo zimurtzen diren / loreak ta oroimena”. Ofizioak bi lagunen arteko elkarrizketak dituk, eta jar haiteke, testuinguruaren arabera, malenkoniatsuago edo metaforikoago, baina nik ez diat inor ezagutzen bizikletan bihurgune batetik pasa eta tankerako komentariorik egiten duenik. Bereziki estimatu nian Iguaranen erantzun irmoa –hain poetiko ez zaitez jarri / oraingoan Jon, arraio/ toki askotan gertatzen dira/ istripua deitzen zaio–, terrenoa zedarrituz. Erantzun horrek ofizioa tonu sinesgarriago baterantz bideratu zian, azkenerako Martinek berak ere lanaldia ederki borobilduz. Baina hasierako tonuari segiz gero, ez diat pentsatu ere egin nahi zenbat musuzapiren zintza adituko zuan Segurako harmailetan”.

Hori esatearekin bat samurki begiratu zidan, eta supituan ohartu nintzen Inesen suminak asko zuela teatrotik, berak ere ez nauela bi urtean askorik faltetsi, baina txapelketa hasten denean, orduan bakarrik, nik bera behar dudan adina behar nauela berak ni.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Bertsolari txapelketa 2017  |  Segura

Bertsolari txapelketa 2017 kanaletik interesatuko zaizu...
2017-12-24 | Kattalin Miner
Bazterren aroa, behingoz

Oraindik BECekoa liseritu baino, irentsi beharrean nago. Zer nolako finala eman digun zortzikoteak! Hasi eta buka. Bejondeizuela eta eskerrik asko, egun paregabea biziarazi diguzue!

Beraz bai, pozik nago, oso pozik txapelketak utzitako gazi-gozoak kendu ditudalako igandearekin; Maialen Lujanbiorenarekin. Zeren, lagunok, bidea ederra izan da, baina urdaila ere uzkurtu izan zaigu batzuoi sarri. Izan ere, ez dakit badakizuen, baina Bertsolari Txapelketa Nagusian, apenas neurtzen ari garen nork... [+]


Beltza nagusi

Begirazun zorrotzez ebaki zuen hitz bakoitza Maialen Lujanbiok, eta larrurik beltzenei jarri zien ahotsa euskal plaza entzutetsuenean: amabakarra, prostituta, yonkia izatea hautatu zuen eta subjektu hauen bizitzetara eraman gintuen, erru, erruki zein epai moraletatik urrun. Autoritate nagusia irabazi zuen argudioekin sega pasatuta, hitzekin txiribuelta bikoitzak eginda eta modurik adierazkorrenean kantatuta.


2017-12-18 | Dani Blanco
Finaleko argazki galeria

Abenduaren 17an Barakaldoko BECen jokatu zen finala, Dani Blancoren iruditan.


2017-12-18 | Kattalin Miner
Bazterren aroa, behingoz

Abenduaren 17an BECen jokatu zen Txapelketa Nagusiko finalaren kronika. Sailkapen taulak hau esan zuen: Maialen Lujanbio txapeldun 1.756 punturekin. Aitor Mendiluze bigarren, buruz burukoa Lujanbiorekin eginda, 1.680,5 punturekin. Hirugarren Sustrai Colina 1.137,5 punturekin (buruz burukoa jokatzetik puntu erdira geratu zen). Amets Arzallus (1.136), Igor Elortza (1.124), Aitor Sarriegi (1.107,5), Beñat Gaztelumendi (1.076,5) eta Unai Agirre (1.072,5).


2017-12-18 | Kepa Matxain
Azken erromesaldia

Abenduaren 17an BECen jokatu zen Txapelketa Nagusiko finalaren kronika. Sailkapen taulak hau esan zuen: Maialen Lujanbio txapeldun 1.756 punturekin. Aitor Mendiluze bigarren, buruz burukoa Lujanbiorekin eginda, 1.680,5 punturekin. Hirugarren Sustrai Colina 1.137,5 punturekin (buruz burukoa jokatzetik puntu erdira geratu zen). Amets Arzallus (1.136), Igor Elortza (1.124), Aitor Sarriegi (1.107,5), Beñat Gaztelumendi (1.076,5) eta Unai Agirre (1.072,5).


2017-12-17 | Kattalin Miner
Amets Arzallus Antia
"Finalerako sorpresa bat bera ere ez egotea izan da sorpresa"

Abenduaren 17an BECen ikusiko dugu zein izango den hurrengo lau urtez Euskal Herriko txapeldun. Gaur gaurkoz, Amets Arzallus da txapeldun nagusia: 30 urterekin jantzi zuen lehena eta bigarrenaren bila joko du igandean. BECen kantatu duen hiru finaletan gailurra zanpatu du: hirugarren egin zuen 2005ean, Andoni Egañak Unai Iturriagarekin buruz-buru arituta bere azken txapela jantzi zuen urtean; Maialen Lujabiorekin buruz-buru arituta bigarren geratu zen 2009an, lehen emakumeak txapela... [+]


Oholtzako zirrikituak

Susmatzen genuen, baina aurtengo Txapelketa Nagusiak baieztatu digu: bertsoak eztabaidarako ematen du. Irailean banatu genuen pastela, Kattalin Minerrentzat kroniken erdiak, Kepa Matxainentzako beste erdiak. Geroztik bakoitza bere kasa ibili da, eta, orain, finalaren atarian, berriro elkartu gara txapelketaren aitzakian han-hemen atera diren eztabaidagaiez patxadaz solasteko. Segidan daukazue ia ordu beteko hitz-aspertutik berreskuratu duguna.


2017-12-14 | ARGIA
Zautela 05: Amets Arzallus
MULTIMEDIA - Zautela

Egungo txapeldun Amets Arzallus elkarrizketatu du Kattalin Minerrek Zautelaren bostgarren atalean. Prestakuntzaz, bertsogintzaren egungo erronkez eta BECen utzi nahi duenaz aritu da, besteak beste.


2017-12-11 | ARGIA
BECeko finalerako sarreren irabazleak zozkatu ditugu

Barakaldoko BECerako lau sarrera zozkatu ditugu ARGIA JENDEAren artean. Ondarroa eta Iturenera joan dira sarrerak.


Azkenak
EGILEA
Eguneraketa berriak daude