Hezkuntza Sailarekin ez dute akordiorik lortu sindikatuek
Unibertsitatez kanpoko EAEko hezkuntza publikoan baldintzak hobetzeko negoziaketetan, bilera egin dute apirilaren 18an Eusko Jaurlaritzak eta sindikatuek. LABen esanetan, administrazioak urratsak eman ditu, baina funtsezko hainbat gaitan ez. STEILASek dio Hezkuntza Sailaren proposamenak garapena eta bermeak behar dituela eta ELArentzat, euren proposamenetatik oso urrun dago Jaurlaritzaren eskaintza, eta "mobilizazio eta grebak berreskuratzea beste aukerarik ez dugu".
Bilera hau tarteko, datorren astean aurreikusita zuten aste osoko irakasle greba bertan behera uztea erabaki zuten sindikatuek, baina ELArentzat “onartezina da gure aldarrikapenetatik hain urrun dagoen proposamen bat ekartzea” eta ondorioz, “mobilizazio eta grebak berreskuratzea beste aukerarik ez dugu”.
ELArentzat, proposamenak “ez dio hezkuntza publikoaren egoera larriari erantzuten”
Hain juxtu, ELA mintzatu da gogorren. EPEra 500 lanpostu gehiago ateratzeko proposamena egin du Jaurlaritzak, Espainiako Estatuan sinatutako akordioa indarrean sartzera baldintzatuta. Sindikatuarentzat, “ziurra ez den neurri bat izateaz gain”, ez da nahikoa, behin-behinekoen tasa %28ra jaitsiko litzatekeelako, sindikatuek aldarrikatzen duten %6tik urrun. Langile kopuruari begira, aurreko proposamenei (tutoretza bikoitza LHn, 80 lanpostu berri Lanbide Heziketan…) beste bat gehitu die administrazioak: 3 urteko geletan irakasle erdi eta irakasle eta erdi bitarte gehiago esleitzea talde kopuruaren arabera eta 20 ikasletik gorako batez besteko ratioa baldin badago. “2010 urtetik eman den gelako ikasle ratio igoera ia bere horretan mantenduko litzateke”, dio ELAk. Ordezkapenei dagokienez, nahikoa ez den proposamena iruditu zaio sindikatuari, hirugarren egunetik aurrera egingo liratekeelako ordezkapenak DBH, Batxilergo eta Lanbide Heziketan, eta ez lehenengo egunetik aurrera. Eros-ahalmenaz, erretirorako pizgarriez eta bajak zigortzeaz proposamenik ez egitea ere leporatu dio Jaurlaritzari.
LABek funtsezkoak diren aldagaiak bota ditu faltan
LABek positiboki baloratu du Jaurlaritzak abendutik hona hainbat urrats eman izana, baina faltan bota dituzte haientzat “funtsezkoak diren aldagai batzuk: 60 urtetik gora irakastorduen 1/3ko murrizketa funtzionario eta ordezkoentzat bideratzea, ordezkapen guztiak kidego guztietan lehenengo egunetik betetzea, tutoretza bikoitzak etapa eta kidego guztietan ezartzea, Hezkuntza Sailak proposatzen dituen mahai tekniko horien zehaztapen handiagoa eta kronograma aurkeztea...”. Hezkuntza Sailaren proposamena aztertu eta aurrerago balorazio sakonagoa egingo duela iragarri du sindikatuak.
STEILASentzat, “Jaurlaritzaren esku dago gatazkari konponbide duina ematea”
STEILAS sindikatuak dio “hezkuntza komunitateak hasitako mobilizazio eta greba arrakastatsuek Jaurlaritza mugitzea” lortu dutela. Apirilaren 18ko bileran Hezkuntza Sailak aurkeztutako proposamenak “garapena, xehetasunak, bermeak eta ezarpenerako egutegia” behar dituela adierazi dute eta sindikatuarentzat, “argi geratu da Jaurlaritzak nahikoa baliabide dituela gatazka konpontzeko. Beraz, bere esku dago eskola publikoak behar dituen baliabideak indarrean jartzea eta gatazkari konponbide duina ematea”.
“Etapa berri baten hasiera” eta “historikoa” moduko hitzekin aurkeztu du Eusko Jaurlaritzaren Hezkuntza Sailak Euskal Eskola Publikoa Eraldatzeko I. Plan Estrategikoa, Eusko Legebiltzarrean. Edukiak oraindik ontzeko eta zehazteko daudela, plana hamar... [+]
Araba, Bizkaia eta Gipuzkoako hezkuntza publikoko irakasleek urtarrilean abiaturiko greba zikloaren bigarren kolpea amaitu eta biharamunean deitu du bilera Eusko Jaurlaritzako Hezkuntza Sailak. Begoña Pedrosa sailburuak adierazi du "akordio bat lortzeko nahia"... [+]
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Aiaraldeko hainbat irakaslek mezua igorri diete ikasleen guraso eta familiei, dagoen informazio zurrunbiloan, grebarako arrazoiak modu pertsonalean azaltzeak euren borroka eta lanuztea hobeto ulertzeko balioko dielakoan.
Grebaren bezperan Hezkuntza Sailak “edukirik gabeko” mahaia deitu zuela eta sindikatu deitzaileak “errespetatu gabe” akordioa “antzezteko” gutxiengoa duten sindikatuak “erabili” nahi izan zituela salatu ostean, beste bi greba... [+]
Heldu zaigu EAEn 2025-26 ikasturterako ikastetxeetan matrikula egiteko garaia, eta etxe askotan etxeko txikienak urrats berria emango du hemendik gutxira, irailean, eskolaratzea, alegia. Euskal Eskola Publikoaz Harro Topaguneko kideok apustu sendoa egiten dugu eskola publikoaren... [+]
Hezkuntza publikoko lehen bi greba egunei ekin diete EAEn. Asteazken eta ostegun honetan irakasleen txanda da, eta lehenengo egunaren jarraipena %75etik gorakoa dela adierazi dute sindikatuek: "Grebak jarraipen zabala izan du". Eusko Jaurlaritzak berriz, jarraipena... [+]
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
Catering-enpresarik gabe jardun nahi duten eskolentzat bestelako eredu bat arautzea adostu zuen Eusko Legebiltzarrak 2019an. Horren ordez, catering-enpresen bidezko zerbitzua ematera derrigortzen ditu ikastetxeak Eusko Jaurlaritzak berriki argitaratu duen aginduak. Bitartean,... [+]
DBH 3 eta 4. mailako ikasleek datorren ikasturtean beharko dituzten ikasmaterialak diruz lagunduko ditu Eusko Jaurlaritzak lehenengo aldiz, EHIGE Euskal Herriko Ikasleen Guraso Elkartearen aldarrikapen historikoari erantzunez. Seme-alabak maila horietan dituzten familiek, beraz,... [+]
Euskal eskola publikoetan irakasleek sekulako lana egiten dute aniztasuna kudeatzen. Euren lana egiteko modua berrasmatu behar izan dute azken urteetan. Konplexuagoa bilakatu den mundu honetan pertsona izatea zer den esploratzeko laborategiak iruditzen zaizkit eskola publikoak... [+]
Lehen Hezkuntzako adin ezberdinetako sei ikasle baino ez ditu Zigako (Nafarroa) eskolak. Aukera baliatzen dute elkarbizitza lantzeko, tokiko curriculuma sustatzeko, landa ingurunea pedagogikoki aprobetxatzeko eta herria bera bizi eta dinamiko mantentzeko. Hori bai, ume gehiago... [+]
Hezkuntza eskumenak deszentralizatu eta tokian tokiko eragileek erabakimen handiagoa izatea: aspaldiko aldarrikapena praktikara ekartzen ari dira herri ugaritan, eta bide horretan aholkulari dabil Elhuyar. Uneotan hamar bat prozesutan buru-belarri dabiltzala eta eskaera gero eta... [+]
Legegintzaldi honetan bertan onartu nahi duten EAEko Hezkuntza Lege proiektuari zuzenketak aurkezteko epea astearte honetan amaitu da. Lege akordioa sinatu zuten alderdietako bat jausi da dagoeneko, barruan jarraitzen dutenen artean desadostasun nabarmenak dituzte eta hezkuntza... [+]