Herritarrek Administrazioarekiko duten harremana euskaraz izatea ere ziurtatu nahi du Gobernuak
Euskara Administrazioan ziurtatzea helburu duen Foru Dekretua aurkeztu du Funtzio Publikoko Mahaian. Herritarrei eskaintzen zaien arretan, euskara ziurtatzea xede den Dekretua osatzea da helburua. Administrazioan dauden langileen eskubideak bermatu, baina, orain arte egin ez den bezala, herritarrek euskaraz arreta jasotzeko eskubidea ere ziurtatu nahi du Gobernuak.
Euskararen plangintzan aurrera segitzen du Nafarroako Gobernuak. Euskara Administrazioan ziurtatzea helburu duen Foru Dekretua aurkeztu du Funtzio Publikoko Mahaian. Herritarrei eskaintzen zaien arretan, "euskara ziurtatzea" xede den Dekretua osatzea da helburua. Euskararen erabilera arautzea da asmoa. "Administrazioan dauden langileen eskubideak bermatu behar dira, baina, orain arte egin ez den bezala, herritarrek euskaraz arreta jasotzeko eskubidea ere ziurtatuz", nabarmendu du Ana Ollo Erakunde eta Herritarrekiko kontseilariak.
Administrazion lanean ari diren langileen artean diagnostikoa eginen dute. "Jakin behar da, zenbat langile eman dezaketen arreta hori euskaraz". Gero, progresiboki arreta hori euskaraz ziurtatzeko aldaketak ezartzen joanen dira. Orain arte "ez da planifikaziorik inondik izan", eta "huts handiak daude euskarari begira Administrazioan".
Funtzio Publikoko mahaian proiektua jarrita, orain negoziatzeko bidea zabalik da eta herritarrek ere proposamenak egin ahal izanen dituzte. Tokiko entitateen kasuan, euren esku izanen da proiektuari atxiki edo ez.
Diagnostikoa eta planifikazioa egitera joko dute orain, ebaluazio bat lortu eta proposamenak egin ahal izateko. Orain arte ez baitira ziurtatu herritarren hizkuntza eskubideak Administrazioan.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Sarean jarri dute "Belarribizi eta Ahoprest" laburmetraia, joan den igandean itxi zen 2025eko Euskaraldiaren aitzakiarekin Oskar Alegria zinegileak Artazu herrian udaberri honetan filmatu duen lana. Belarriprest eta ahobizi kontzeptuen gaineko... [+]
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
Larunbatean Arguedasen ospatu zen Erriberako Euskararen Egunaren lehen edizioa. Kultura, auzolana eta festa uztartu ziren euskararen inguruan eskualdeko herriak batu zituen jardunaldi honetan.
Maiatzaren 17an Erriberako lehenengo Euskararen Eguna eginen da Arguedasen, sortu berri den eta eskualdeko hamaika elkarte eta eragile biltzen dituen Erriberan Euskaraz sareak antolatuta
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Goizez Nafarroako zubirik esanguratsuenak jendez beteko ditu Sorionekuak dinamikak. Arratsalderako mobilizazio herritarra deitu dute Iruñeko Kostarapea parketik Alde Zaharreko Takonera parkeraino.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Aurtengo Lokizaldeako Euskararen Eguna Murieta herrian ospatu dute, larunbatean, goizean hasi eta ordu txikiak handitu arte. Zita garrantzitsua eta gozagarria da Nafarroako Lizarra ondoko eskualdeko euskaltzaleentzako.
Nafarroako biztanle gehienak (% 63) "euskara sustatzearen aldekoak edo oso aldekoak" dira, eta %17 baino ez daude aurka, Xabier Erizek eta Carlos Vilchesek Eusko Ikaskuntzaren eta Nafarroako Gobernuko Memoria eta Bizikidetzako, Kanpo Ekintzako eta Euskarako... [+]
Prentsaurrekoan, maiatzaren 17an ospatuko duten Erriberako Euskararen Egunaren inguruko argibideak eman dituzte. Ume, gazte zein helduentzat zuzendua izango da. Ekimena, Erriberan egiten diren ekimenetan indarrak biltzeko eta euskararen normalizazioaren alde saretzeko... [+]
Nafarroako Ikastolen Elkarteak lehendakari berria du. Oier Sanjurjok hartu dio lekukoa Elena Zabaleta Andresenari. Beste zazpi kide izanen ditu alboan Sanjurjok.
Ez dira gutxi azken boladan euskara bere onenean ez dagoela eta bere transmisioa bermatuta ez dagoela ohartarazten ari diren ahotsak. Bestetik, inork ez du ukatzen hezkuntzak ezinbesteko betebeharra duenik euskara eta euskal kulturaren biziraupenerako. Erronka estrategikoa... [+]
Iruñeko haur eskoletako zuzendariek, EH Bildu, Geroa Bai, Zurekin Nafarroa eta PSNren arteko akordioa kritikatu dute. “Murgiltze ereduaren alde egin dugu beti, baina inoiz ez da gure iritzia kontutan hartzen” salatu du Euskalerria Irratian, Garikoitz Torregrosa... [+]