'Herri Unibertsitateari Mozalik ez!' dinamika abian jarri dute Bilbon

  • Mozal Legean oinarrituta 24.535 euro arteko isunak jarri dizkietela azaldu dute ikasle mugimenduko kideek. Hiru ikaslek helegitea jarri dute. Azaroaren 24an protestarako deia zabaldu dute.

Topatu.eus @topatu_eus
2016ko urriaren 06a

Ikasturte hasieran jakinarazi zuten Bilboko ikasleek 24.535 euro arteko isunak jaso zituztela. Mozal legea oinarri hartuta, martxoan San Mamesko Herri Unibertsitatean desalojaturiko 35 ikasleek jaso dute isuna. Horri aurre egiteko Herri Unibertsitateari Mozalik ez! dinamika jarri dute abian. Salatu dutenez, ikasle mugimenduak alternatiben eraikuntzan ematen duen urrats oro da erasotua, eta orain, gainera tresna berriekin: Mozal Legearekin, hain zuzen.

Azaldu dutenez, errepresio hori ez zaio soilik ikasle mugimenduari ezartzen: "Mozal legea Euskal Herriko mugimendu osoari eragiten dion arazo larria da". Adibide gisa jarri dituzte gazte mugimenduko 34 kideri eta Kortxoenea gaztetxea defendatzen aritutako zazpiri jarritako zigorrak. Hala eta guztiz ere, alternatibak eraikitzen segitzeko deia egin dute Bilboko ikasleek: "Herri mugimendua isilduko duzuela uste duzuenoi, argi eta garbi adierazi nahi dizuegu: jai daukazue!".

Azaroaren 24an, protesta EHUko errektoretzako hauteskundeak egingo dituzte azaroaren 24an, eta egun hori baliatuz protestarako deia egin dute Herri Unibertsitateari Mozalik ez! dinamikako kideek. "Ez gaurko errektoretzak, ez biharkoak ez diolako ikasleen eskariei erantzungo; arazoa ez delako errektore hau edo bestea. Arazoa unibertsitate hau edo bestea delako. Beraiek Mozalen Unibertsitatea! Guk Herri Unibertsitatea!".

Albiste hau Topatuk argitaratu du eta CC-by-sa lizentziari esker ekarri dugu ARGIAra.

Kanal hauetan artxibatua: "Mozal legea"ren mehatxua  |  Bilbo  |  Ikasle mugimendua

"Mozal legea"ren mehatxua kanaletik interesatuko zaizu...
Espainiako oposizioak ez du onartzen Mozal Legea mantentzeko PPren proposamena

Azaroan, Mozal Legea indargabetzeko eskatu zuen Espainiako Kongresuak bigarren aldiz. Legez besteko mozioa ontzat emateak, bestalde, ez du lege aldetik ondorio zuzenik izango.


"Epe luzerako estrategiak behar ditugu herri mugimenduetan, beti erantzuten ez aritzeko"

Euskal Herrian jaio, Madrilen hazi, eta 23 urterekin itzuli zen Donostiara Haizea Núñez. Zuzenbidea ikasten hasi zenerako, bazekien boterearen arma estrategikoa zela hura, eta ez guztiok berdin epaitzen gaituen justizia itsuaren eremua. Hala ere, abokatu-lanetan aritu da azken bost urtean eta babes juridikoa eskaini die hainbat mugimendutako aktibistei.


Garden plataforma sortu dute Tolosako auziperatuen gurasoek

Tolosako gazte auziperatuen gurasoen plataformaren lehen helburua plataforma ezagutaraztea eta ahalik eta guraso gehien gerturatzea da. Beren seme-alaben "eskubideen eta etorkizunaren defentsan, eta guztien erabateko askatasuna lortu arte" egingo dute lan.


Mozal Legea indargabetzeko eskatu du Espainiako Kongresuak bigarren aldiz

Mozal Legea indargabetzeko onetsi den bigarren mozioa da PSOEk azaroaren 29an agertu duena. Legez besteko mozioa ontzat emateak, ez du lege aldetik ondorio zuzenik izango.


Mozal Legea indargabetzeko eskatu du Espainiako Kongresuak bigarren aldiz

Mozal Legea indargabetzeko onetsi den bigarren mozioa da PSOEk azaroaren 29an agertu duena. Legez besteko mozioa ontzat emateak, ez du lege aldetik ondorio zuzenik izango. 2016ko apirilean ere hura atzera botatzeko proposamena aurkeztu zuen ERCk. Alderdi horren bozeramaile Gabriel Rufianen esanetan, Segurtasun Indarrei “esku hartzeko eta erabakiak hartzeko botere handiegia” ematen dielako, “berme judiziala baztertuz”.


2016-11-30 | ARGIA
Mozal Legeak ARGIAri jarritako isuna kentzeko eskatu du Espainiako Arartekoak

Axier Lopez ARGIAko kazetariari, Mozal Legea erabiliz, Espainiako Gobernuak ezarritako isunari buruzko iritzia eman du Espainiako Arartekoak, PDLI kazetarien elkarteak eskatuta. Argudio falta eta proportzionaltasun ezagatik zigorra bertan behera uzteko eskatu du.


2016-11-24 | Jon Torner Zabala
Poliziaren aurkako leloak, mozal legea salatzeko kamisetetan

Santi Ochoa argazkilariak 20.000 irudi paratu ditu jada Flickr kontuan, lelo edota marrazki deigarriak dituzten beste horrenbeste kamisetenak. Horietako 81 erakusketa batean bildu ditu, Madrilen. Poliziaren aurkako leloak erakusten dituzte guztiek.


2016-11-08 | Lander Arbelaitz
"Elkarbizitza gezurra da" aldarrikatuko dute Donostian Mozal Legearen isunei erantzuteko festan

Europako Kultur Hiriburutzaren aurkako Donostia Saldu eta Suntsitu kolektiboak, Letaman gaztetxeak eta hainbat musika taldek festa antolatu dute azaroaren 19an, Intxaurrondoko gaztetxean bertan. Jakinarazi dutenez, Mozal Legearen ondorioz, hirian 7.000 eurotik gorako isunak ezarri dizkie administrazioak herri mugimenduetako kidee, eta festan ateratako dirua kolektibo hauentzat izango da. “Elkarbizitza gezurra da!” oihu egingo dute, beren hitzetan, “elkarbizitza gezurra da,... [+]


2016-10-26 | Estitxu Eizagirre
Gipuzkoa Zutiki hirugarren isuna jarri dio Ertzaintzak: handiagoa eta identifikatu gabeko kide bati

Ertzaintzak 900 euroko isuna jarri  dion kide hau ez du inoiz identifikatu. Eta kasualitatea izan edo ez, kide honek isuna jaso baino lehen ertzain baten aurkako prozedura penala martxan jarria du, Gipuzkoa Zutikeko asanblada batean ertzain honengandik jasotako kolpeengatik.


2016-10-25 | ARGIA
Adierazpen askatasunaren mugak hizpide izango dituzte gaur ARGIAk, Diagonalek eta Eleakek

“Gizarte eraldaketarako #KomunikAkzioa” jardunaldietan parte hartuko du ARGIAk. Gaur arratsaldeko 17:00etan, “¿Límites de da libertad de expresión? Kazetaritza ez da delitua” solasaldia izango da EHUren Gipuzkoako campusean, Donostian. Ter Garcia Diagonal kolektiboko kidea, Eleak Mugimenduko Beñat Apalategi eta Axier Lopez ARGIAko kazetaria izango dira hizlariak.


Azkenak
EGILEA
Eguneraketa berriak daude