Aurrekontu eta zerga politika goitik behera aldatzea eskatu du ELAk

Iker Oņate Aiastui @iker_onate
2016ko apirilaren 05a
Sindikatuaren aburuz tentuz landu behar da iruzurraren aurkako borroka.

Sindikatuaren aburuz, bi arazo larri ditu Hego Euskal Herriko fiskalitateak: diru-sarrera publikoak gizarte beharrak asetzeko aski ez izatea eta zerga-politika bidegabea. Gogor salatu du, modu berean, iruzurrarekiko permisibitatea soldatatik ez datozen errenten alorrean.

Osasungintzan, hezkuntzan eta etxebizitzaren alorrean murrizketak

Hego Euskal Herriko erakundeek azken urteetan erregistraturiko aurrekontuak aztertu ditu ELAk. EAEren kasuan, 2009 eta 2016 bitartean zor publikoaren gastua 1.086,5 milioi euro hazi dela azaldu du. Salatu ditu epealdi horretan osasungintzan, hezkuntzan eta etxebizitzaren alorrean egindako murrizketak: guztira 442,6 milioi euro gutxiago gastatu du Eusko Jaurlaritzak sail horietan. “Datuek agerian uzten dute Jaurlaritzak saldu nahi duen gezurra, hots, ez dela murrizketarik ezartzen”, adierazi du sindikatuak.

Nafarroako 2010 eta 2016 urte bitarteko datuak ere eskaini ditu: zor publikoa 349,4 milioi euro hazi da epealdi horretan eta Gobernuak 138,6 milioi euro gutxiago gastatu du osasungintzan, hezkuntzan eta etxebizitzaren alorrean.

Hego Euskal Herriko erakundeek azken urteetan ezarri duten zerga politika “injustuei” egotzi die errua sindikatuak. Bere esanetan, “iruzur fiskala” ontzat eman duen zerga-politika ezartzea da ogasunaren sarrerak murriztearen eragile. Gaineratu du, zerga-arintze, salbuespen eta antzekoak aplikatzearen eraginez, Ogasun publikoek %31,2 gutxiago jasotzen dutela.

Polizia fiskala sortzeko eskaera

Aurrekontu- eta zerga-politika goitik behera aldatzea eskatzen du sindikatuak, “diru-bilketa handitzeko eta aberastasun-banaketa bidezkoagoa izateko”. Sindikatuaren aburuz tentuz landu behar da iruzurraren aurkako borroka. Soldatatik ez datozen errentak gehienez ere lau urteko epean ikuskatzea, paradisu fiskalen erabilera oztopatzea eta Zerga Administrazioaren mende jardungo duen Polizia fiskala sortzea iradokitzen ditu, besteak beste. Zerga gutxiago ordaintzea zilegi egiten duten lege-mekanismoak eragoztea eta zerga guztien gaineko legeak Hego Euskal Herrian sortu eta kudeatzeko eskubidea aldarrikatzea ere proposatzen du sindikatuak.

Kanal honetan artxibatua: Ogasuna

Ogasuna kanaletik interesatuko zaizu...
Zerga iruzurraren behatokia osatzeko proposamena errefusatu du Eusko Legebiltzarrak

Iruzurraren aurkako behatoki bat sortzeko legez kanpoko proposamena egin dute EH Bilduk eta Elkarrekin Podemosek. EAJren, PSE-EEren eta PPren ezezko botoek atzera bota dute.


2017-03-07 | Unai Oņederra
Zu ere beldurtuta, zerga erreformaren eztabaidarekin?

Beldurraren mendea bizi dugu Mendebaldean. Alarmak, bideokamarak, seguratak nonahi. Harresiak, alanbradak, ejertzitoa. Beldurra daukaguna galtzeari, beldurra ez duguna lortzeari, aldaketari, ezezagunari, bizilagunari… Ni ere beldurtuta nago.


Bi pertsona tiroz hilda, sute bat, ustelkeria: nobela beltz bat hemeroteka gipuzkoarrean

Baztango Udalak eta Txalaparta argitaletxeak euskarazko literatura beltza sustatzeko beka jarri dute martxan. 6.000 euroko laguntza dago mahai gainean, zeina kutsu beltzeko euskal nobela-proiektu onenaren egileak poltsikoratuko duen. “Nik idatziko nuke, baina ez dakit zer kontatu”, edo estiloko aitzakiak jarriz prokastinazioaren atzaparretan erortzear direnak salbatzeko premia sentitu dut. Istorio hau benetako gertakarietan oinarrituko da (inork idazten badu).


2017-01-13 | Jon Torner Zabala
Bizkaiko Ogasuneko funtzionario bat eta Arabako guardia zibil bat espetxeratu ditzakete, herritarren datu pribatuak saltzeagatik

Bizkaiko Ogasuneko funtzionario bat –Fernando María I.G.–, Arabara destinatu zuten guardia zibil bat eta Bilboko detektibe pribatu bat –Aitor G.S.– dira zergadunen datu pribatuak saltzeagatik espetxeratu ditzaketen hamaika lagunetako hiru. Espainiako Estatuan aritzen zen sarearen kontrako 2012ko "Pitiusa operazioan" 76 lagun atxilotu zituen poliziak.


2016-11-20 | Juan Mari Arregi
Euskal neoliberalismoa

ELAko idazkari Adolfo Muñoz Txikik euskal neoliberalismoaren zauria ukitu du eta erreakzio gogorra eragin, batez ere EAEko eta Nafarroako gobernuetan neoliberalismo hori ordezkatzen dutenen artean, baita haiek sostengatzen dituzten ezkerreko alderdien artean ere.


Applek Irlandari 13.000 milioi euro itzuli behar dizkiola ebatzi du Europak, urtetan ordaindu gabeko zergengatik

Apple konpainiak eta Irlandak legez kanpoko zerga aginduak adostu zituztela ebatzi du Europako Batzordeak. Zerga gutxiago ordaintzeko sare konplexu bat baliatuz Europan izandako mozkinen ehuneko txiki bat soilik ordaindu zuen multinazionalak Irlandan hainbat urtez, sozietate zergei dagokionez: irabazien %1 2003an eta %0,005 2014an (%12,5ekoa da sozietateen gaineko zerga Irlandan).


Pentsio sistema publikoa: Txileko herritarren aldarria 30 urteren buruan

1980ko hamarkadan pribatizatu zuten Txileko pentsioen sistema, Pinocheten diktaduran. Estatu mailako arazo bilakatu da azken urteetan, erretirodunek jasotzen dituzten pentsio baxuengatik. Zenbateko hauek kudeatzen dituzten enpresa pribatuen aberasteak ere hautsak harrotu ditu. Hainbat mobilizazio izan dira azken bi hilabetetan herrialdean. Abuztuaren 21ean izan da azkena eta ehunka mila pertsona bildu dira Santiagon pentsio sistema publiko bat aldarrikatzeko.


Eta 9.400 milioi euro gehiago bagenitu behar sozialetarako?

Fiskalitatean dauden desberdintasunak eta aukerak aztertu ditu du LABek. Zerga-presioa Europar Batasunaren adinakoa balitz 9.400 milioi euro gehiago bilduko litzateke, gaur egun arlo sozialean Eusko Autonomia Erkidegoko eta Nafarroako gobernuek gastatzen dutena bezainbeste. Sindikatu abertzalearen ustez “karga” fiskalak justua behar du izan ordea, langileek bikoitza jartzen baitute foru-kutxan, prestatu dugun grafiko honetan ikus daitekeen bezala:


Elizak bere egin dituen ondasunak itzultzeko proposamena egingo dute Bilboko Udalean

Frankismo garaiko Hipoteka Legea baliatuz, Elizak bere izenean jarri dituen Bilboko ondasunak eskatzeko saiakera hasi dute EH Bildu eta Goazen Bilbaok. Datorren astean aurkeztuko diote mozioa Udal Gobernuari. Eusko Legebiltzarrak gaiaren inguruan landutako txostenaren harira dator eskaria.


2015-03-11 | Igor Agirre
414,6 milioiko zerga iruzurra atzeman dute Gipuzkoan, inoizko handiena

Gipuzkoako Ogasunak 414,16 milioi euroko zerga iruzurra atzeman du 2014. urtean. Lurralde horretan orain arte azaleratutako zerga iruzurrik handiena da hori, Larraitz Ugarte Gipuzkoako Aldundiko bozeramaileak azaldu duenez, 2013an baino %5,3 handiagoa.


Azkenak
EGILEA
Eguneraketa berriak daude