Hegaztien gripearen aurkako neurriek etxalde txikiak kaltetuko dituzte

  • Hegaztien gripea agertu da abenduan Dordogne eskualdean eta laster Ipar Euskal Herrian, Frantziako 15 departamendutan bezala, ahate hazleek produkzioa gelditu beharko dute hilabete zonbaitez, frantses gobernuak inposatu neurri zorrotzengatik.

Etxalde
2016ko urtarrilaren 27a
Ahateak Iparraldeko etxalde batean (argazkia: BAB info).

ELB eta Confederation Paysanneren ustez, hazkuntza ttipi eta etxe ekoizpengintzan ari diren laborariak izanen dira kaltetuenak.

Hegaztien gripea agertu da abenduan Dordogne eskualdean eta laster Frantzia hego mendebaldean hedatu da, 67 etxalde hunkiak zirela eta neurri administratiboak eremu zabaletan martxan emaiten zirela. Urtarril hastapenean, Ipar Euskal Herrian ere kasu bat agertu da, Gabadi herrian (Baxe Nafarroa). Eritasuna agertzen den etxaldeetan, hegazti guziak hil behar dira administrazioaren gomenduz.

Nahiz birusak ez duen jendekia gaixotzen ahal, plangintza sanitario zorrotza erabaki du frantses laborantzako ministroak, esportaziorako merkatuak ez galtzeko helburu nagusiarekin. Ondorioz, ahate hazkuntza gelditzea derrigortzen du 15 departamendutan: mementoan haziak diren kabaleri utziko diete zikloa amaitzea, ahate gazteen sartzea debekatzen dute eta ondorioz apirilaren 15etik goiti, ahaterik ez da izaiten ahalko eremu guzian. Ondotik aste zonbait hartuko dira garbiketa segurtatzeko (10 aste aipatzen da mementoan).

Hazleen kaltetan hartuak direla neurri hauek salatu dute ELB eta Confédération Paysanne sindikatek bai eta ere Landes-etako Modef sindikatak. Aktibitatearen gelditzeak ondorio ekonomiko eta sozial larriak izanen dituela azpimarratu dute. Sindikat hauek diotenez, hazkuntza ttipi eta etxe ekoizpengintzan ari diren laborariak gehienik kaltetuak izanen dira.

 "Ahate sailaren berregituratzea ekarriko du neurri hunek, industrializatzea azkartuz beti", zion Panpi Sainte-Marie ELBko idazkari nagusiak. Enpresa industrialek foie gras soberakinak badituztela jakina da eta ekoizpenaren gelditzeak merkatuaren arintzea ekarriko die. ELBren ustez, "logika industrialek etxalde ttipiak eta laborantxa herrikoia berriz ere arrisku haundian jartzen dituzte".

Arrazoi sanitarioa estakurua dela dio ere euskal sindikatak, koherentzia eskasa baita hartu diren neurrietan: ahateak zonbait astez oraindik mugitzen ahalko dira, heiekin birusa ere mugituz menturaz. Frantziak indemnizazioak emango ditu hazleeri baina mementoan ez da informaziorik laguntzaren heinaz. Izanen den kalte ekonomikoa ez duela ordainduko ziur dira laborariak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Hegazti gripea

Hegazti gripea kanaletik interesatuko zaizu...
Borrokatu eta irabazi: ELBk Bidaxunen aurkeztu ditu 'kriaxera' ahatekume intsumituak legalitate osoan

Albiste ona ahate gripearen gatazkan, ELB sindikatuak zabaldu duenez. Ahateak hiltzeari uko egin eta Frantziako agintariei aurre egin ostean, Bidaxunen inguruko baserritarrak ‘kriaxera’ arrazako ahatekumez hornitzen dituen Lataillade familiak baimen eta berme guztiekin saltzen ditu berriro.


Panpi Sainte-Mariek jendarmeen aurrean defenditu du ahateak eta baserritarrak salbatzeko herri harresia

Bi orduz galdekatu dute Panpi Sainte-Marie ELBko idazkari nagusia Mauleko jendarmerian, Barkoxeko Uhartia etxaldean hazten dituzten ahateak administrazioaren aginduz hiltzea eragozteko mobilizazioagatik. Sainte-Mariek uko egin dio galdeketa luzean egindako 50 galderetako bakoitzari erantzutea, baina bere kabuz egindako deklarazioan adierazi die hegaztien eritasuna baino arriskutsuagoak direla administrazioaren neurriak.

 


2018-01-10 | ARGIA
Ahate-hiltzeen aurkako ekintzengatik jendarmeen aurrean deklaratu beharko du ELBko idazkari nagusiak

ELBko idazkari nagusia jendarmeen aurrean deklaratzera deitu dute iaz ahateen hiltzearen kontra egindako mobilizazioarengatik.


300 pertsona Mauleko jendarmeria aurrean Barkoxeko baserritarra sostengatzen

ELB sindikatuak deiturik, ostiraleko bazkalondoan Mauleko jendarmeriaren aurreanhiru ziento herritarrek laguntza handia eman diote hegaztien gripea dela eta bere ahate sanoak hiltzeko aginduari aurre egin zion baserritarrari, Barkoxeko Uhartia etxaldeko Cathy Xabalgoitiri.


Ahateen krisia
ELBko baserritarrek Bidaxuneko Lataillade familia defenditu dute jendarmeen aurrean

Bidaxunen ahateak hazten dituzten eta agintariek agindu bezala horiek hiltzeari uko egin dioten Lataillade familiakoak sei orduzeduki zituzten jendarmeek atzo galdeketan Bastidako (Nafarroa Beherea) jendarmerian. ELBko nekazariak eduki zituzten atarian, baserritarren babesean etorriak.


2017-06-20 | ARGIA
Ahateak hiltzeari uko egin zion Bidaxuneko etxalde batetik dokumentuak eraman dituzte jendarmeek

Bidaxuneko Lataillade familiaren etxera joan dira jendarmeak ekainaren 20ko goizean, Prefekturak Baionako Auzi Zibilen Auzitegiari jakinarazi eta gero etxalde horretan ez zela bete ahateak hiltzeko agindua, hegazti gripea dela eta. Etxaldeko buruari galderak egin eta hainbat dokumentu eraman dute poliziek.


ELBren beste desobedientzia ekintza bat: ahate-txitoak gorde ditu boluntarioen artean

Bidaxunen atzo, asteazkena 14, Parisko gobernuaren aginduz heriotzara kondenatuta zeuden ahate txitoak banatu ditu ELB sindikatuak horiek salbatzeko adoptatu nahi izan dituzten baserritar eta bestelako jende boluntarioen artean. Helburua: granja handietatik zabaltzen den hegazti gripearen kontrako borrokan kaltetuak ez daitezela atera gripearen zabaltzean errurik ez duten etxalde txikiak eta agintarien kanpainak arriskuan jartzen dituen lekuko ahate arrazak.


Barkoxe, Gabadi eta Domintxineko etxaldeen aldeko diru bilketa

Beren hegaztiak hiltzeari uko egin zioten hiru baserritarrek lortu zuten ahate eta oiloak bizirik atxikitzea, Iparraldeko beste laborari, herritar eta hautetsien laguntzaz. Baina ordainetan, 20.000 euro kostako zaizkien analisi garestiak egitera behartu ditu administrazioak. Ordaindu ezin dituzten gastuok kitatzeko Iparraldeko nekazari txikiak dirua biltzen ari dira.


Jean-Michel Berho. Domintxineko ahate hazlea
"Milioika hegazti hil dituzte, arazoaren zinezko kausari buru egin gabe"

Auzo baten etxean hegazti gripea agerturik, beste hainbat laborariren gisara, prebentzioz ahateak hiltzera behartu zuten Jean-Michel Berho. Neurria ez onarturik, etxaldera zetozen Frantziako Estatuko osasun zerbitzuko ordezkariak oztopatzen aritu zen, kontsumitzaileak eta ELB sindikatuko laborariak zituela ondoan. Borroka irabazirik, irakaspen bat atera dela dio: “Ekoizleek badakite kolektiboki garaitu daitekeela makina administrazio pisu hau”.


2017-04-26 | ARGIA
Gabadi, Domintxine eta Barkoxeko baserrietako ahate eta oiloak ez dituzte hilko

Zaintza sanitario pean ezarri dituzte Gabadi, Domintxine eta Barkoxeko oilo eta ahate sanoak  eta honenbestez hiltze agindua bazter utzi dute behin betiko, ELB sindikatuak jakinarazi duenez. "Sentsu ona garaile izan da azkenean".


Azkenak
EGILEA
Eguneraketa berriak daude