Hassana Aaliaren denbora agortzear
Iheslari sahararrari asteartean amaituko zaio Euskal Herrian egoteko epea eta erabaki horren aurka hainbat kolektibo eta herritar elkartu ziren larunbat arratsaldean. Bilbon egin zen manifestazioan 2000 lagun inguru elkartu ziren Hassana Aalia gazte sahararraren alde.
Manifestazioaren buruan izan zen Aalia bera, eta bertan elkartutako milaka herritarrek Marokoren eta Espainiaren jarrera salatu zuten. Aalia eta gainerako preso politiko sahararren alde lanean jarraitzeko dei eginez amaitu zuten manifestazioa Arriaga antzokiaren aurrean.
Espainiako Gobernuak asilo politikoa ukatu eta hamabost eguneko epea jarri zion gazte sahararrari Euskal Herritik joan zedin. Pasa den astean zehar, mobilizazioak egin zituzten Aaliaren egoera salatzeko Euskal Herriko leku ugaritan eta hainbat kolektibok gazte sahararrari babesa adierazteko manifestazio nazionala deitu zuten larunbaterako.
Atxilotzeko agindua
2010ean sahararrek antolatutako Gdeim Izik “duintasunaren kanpamendua” deitutakoan parte hartzeagatik bizi osorako kartzela zigorrera kondenatu zuten, beste 24 kiderekin batera. 2011n eman zuen Marokok atxilotzeko agindua. Egun haietan Euskal Herrian zegoen gaztea, eta hemen geratzeko erabakia hartu zuen.
Tribunal militarrak sententzia atera aurretik, 2012ko urtarrilean asilo politikoa eskatu zion Espainiari; hiru urte geroago iritsi zaio ezezkoa.
Sarean sinadurak biltzen hasi dira asilo politikorako eskubidea ukatu izana salatu eta gazte sahararren egoera konpon dadin eskatzeko.
Informazio gehiago
Itsaso Zubiriak elkarrizketa egin zion ARGIAn 2014ko otsailean.
Jarraian ikusgai 'Gdeim Izik' duintasunaren mugimenduaren inguruko dokumentala:
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.
Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]
Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]
Benjamin Netanyahu Israelgo lehen ministroak gutun bat bidali dio Marokoko Mohamed VI.a erregeari, "harremanak sendotzeko" pausoa emateko. Astelehenean baieztatu du asmoa dutela okupatutako Mendebaldeko Saharako Dakhla hirian kontsulatua irekitzeko.