Burlatan atxilotutako zazpi lagunak libre utzi ditu Espainiako Poliziak
Tortura salatu eta Estatuko Segurtasun Indarrak "iraintzeagatik" goizean Burlatan atxilotutako zazpi lagunak libre utzi ditu Espainiako Poliziak Iruñeko Chinchilla kaleko komisarian deklarazioa hartu ondoren.
aurre egingo dieten hedabide independenteak
Mikel Otano, Esteban Gota, Itxaso Torregrosa, Saioa Ibiriku, Julia Ibañez, eta Txelui eta Ibai Moreno dira libre geratu direnak. Hala ere, gerta liteke oraindik zortzigarren pertsona bat ere atxilotzea, lanetik ateratzen den unean.
Ez dago guztiz argi operazioaren nondik norakoa, baina bai Burlatan tortura salatzeko egindako pintaketa batekin –argazkian ageri dena– zerikusirik duela. Pintaketa hori birritan egin zen, lehenengoa ezabatua izan baitzen; bigarrengo aldiz egiten ari zirela Espainiako Polizia agertu zen eta zortzi lagun identifikatu zituen, besteak beste gaur atxilotutako guztiak. Horietako hiru –Ibañez eta Txelui eta Ibai Moreno– atxiloturik zegoen bitartean torturak salatu zituen Iker Morenoren ama, aita eta anaia dira.
Askatu ostean Txelui Morenok ARGIAri jakinarazi dionez, "atxiloketa oso suabea izan da. Eskularru zuriz egindako horietakoa. Poliziak ere harrituta zeuden atxiloketarekin eta adierazten ziguten ez zutela berau oso ongi ulertzen". Atxiloketa aginduak ez du inongo epaitegiren agindurik eta, antza, Espainiako Poliziak berak bideratu du.
Salaketaren aginduak dio "Estatuko Segurtasun Indarrak iraintzeagatik" atxilotu dituztela. Orain salaketa Iruñeko Lurralde Auzitegira joango da eta jasotzen duen epaileak erabaki beharko du aurrera egin ala ez. Oso bitxia da polizia operazioa, salatzen den pintaketak ez baitu tortura salaketa inorengana zuzentzen. Hori bai, #aztnugal kanpainarekin lotzen du hitz hori agertuz.
Zabaldu denaren arabera, Txema Noval Burlatako alkatea ere deitu du deklaratzera Espainiako Poliziak. Atxilotuek azaldu dutenez, Burlatako Udalaren baimenaz egin zuten pintaketa.
Ibai Moreno ere atxilo daramate pic.twitter.com/7BIwrdIvsx
— Aitor Agirrezabal (@aagirrezabal) 2016(e)ko apirilak 19
[AZKEN ORDUA ] Txelui Moreno atxilotu berri dute pic.twitter.com/QDbBcI1BkI
— Aitor Agirrezabal (@aagirrezabal) 19 de abril de 2016
Poliziaren indarkeria erregistratzen ditu Donostiako Txago kolektiboak. Berriki 2024 urteko Karrikaratu txostena aurkeztu du, zeinean jasotzen diren Poliziaren indarkeria formak, estrategiak, ezaugarri nagusiak, edo jo puntuan dituzten herritarren tipologia. 156 esku hartze... [+]
2002az geroztik Espainiako Estatuko hainbat kolektibotan infiltratutako hamabi poliziaren berri eman dute La Directa eta El Salto agerkariek. Nieves López izen faltsua baliatzen zuen Espainiako poliziaren kasua da publiko egin duten azkena. El Salto-k argitaratu duenez,... [+]
Directa hedabideak ikertu eta argitaratu du poliziaren infiltrazioa. 2019ko irailean hurbildu zen lehen aldiz Lleidako Ateneu Cooperatiu taldera, Joan Llobet García izenpean, eta 2021eko azaroan utzi zuen militantzia, Bartzelonan lana aurkitu zuela eta amonaren... [+]
350 poliziako "Force Frontière" dispositiboa baliatu dute Gipuzkoako eta Lapurdiko mugetan migratzaileen kontra egiteko martxoaren 26 eta 27an. Aurrez "terrorismo islamistaren" aurka egiteko aitzakiaz erabiltzen zituzten dispositiboak, orain "migrazio... [+]
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Oraingoz Nafarroan, 53 izango dira estatuaren biktima aitortuak eta horietatik 27 torturaren biktimak. Floren Beraza, Txaro Buñuel, Cecilio Ruiz, Patricia Perales eta Izaskun Juarez dira aitortutako torturatu berriak.
Directa hedabidearen ikerketa batek ondorioztatu du 2018. eta 2020. urteen artean murgildu zela Kataluniako Palestinaren aldeko eta ezker independentistaren mugimenduetan, "Belén Hammad" izenaren pean. Nortasun agiri faltsu batekin Kataluniako Gobernuak... [+]
"Polizia hila, baratzerako ongarririk onena" idatzi zuen atxilotuak sare sozialetan, eta lau milioi jarraitzaile baino gehiago ditu bere profilak, Guardia Zibilak azaldu duenez.
Polizia agenteek nortasun faltsuen pean gizarte-mugimenduetan egindako infiltrazioak Espainiako Konstituzio Auzitegira iritsiko dira. Irídia-Centre per la Defensa dels Drets Humans erakundeak, infiltrazio horiek kaltetutakoen Acció Contra l 'Espionatge d'... [+]
Europar Batasunean hamahiru herrialdek eman dituzte Poliziak egindako erailketei buruzko datuak, eta podiumean daude Frantziako eta Espainiako estatuak.
Xabier Kalparsoro eta Gurutze Iantzi Espainiako polizien eta guardia zibilen eskuetan hil zituztela 31 urte igaro direnean, Egiari Zor fundazioak ekitaldia egin du Urnietan. Eusko Jaurlaritzari eskatu dio berriz ere ireki dezala epe bat estatuaren biktimak aitortzeko eskaerak... [+]
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Espainiako Poliziaren sindikatu nagusiarekin egindako akordio baten arabera, eskuin muturreko taldeak "defentsa pertsonaleko formakuntza" eskainiko die 30.000 agenteri.
1984ko urriaren 23an ETAren garaian Espainiako Barne Ministerioak onartutako aginduan, “arriskugarritasun eta nekagarritasun” kontzeptuengatik “ordainsari” bat zehaztu zuten Espainiako Polizia Nazional eta Guardia Zibilarentzat, “eremu... [+]
German Rodriguez eta Joseba Barandiaran omendu, eta langile mugimenduaren alde egindako lana txalotu dute Iruñean. Palestinari ere elkartasuna adierazi diote, sanferminetan urteroko zitan Iruñean.