Gustavo Petro ezkertiarrak egingo dio aurre uribismoari Kolonbian

  • Ivan Duque uribismoaren hautagaia nagusitu da presidentetzarako hauteskundeen lehen itzulian, botoen %39a lortuta, eta eskura du herrialdeko presidentetza. Horretarako, ordea, Gustavo Petro ezkertiarra gainditu beharko du buruz burukoan. Ezkerraren esperantza da Petro, ezkerreko presidenterik sekula izan ez duen herrialdean.


2018ko maiatzaren 28an - 07:54
San Marta hiriko bozka leku bat. (Arg.: Ander Perez)

Ivan Duque eskuindarra edo Gustavo Petro ezkertiarra. Bietako bat izango da Kolonbiako hurrengo presidentea. Lehena, Alvaro Uribe agintari ohiaren hautagaia, sendo nagusitu zen atzo, presidentetzarako hauteskundeen lehen itzulian, 7 milioi eta erdi boto (%39a) eskuratuta. Gehiago sufrituta lortu zuen Petrok buruz burukorako txartela: ia bost milioi boto (%25) lortu zituen, Sergio Fajardo zentroko hautagaiak baino 300.000 gehiago baino ez (%23). Hain justu, Fajardoren boto emaileek izango dute bigarren itzuliko giltza, eta ikusi beharko da Petroren alde egiten duten ala ez, uribismoari aurre egiteko. Atzo, emaitzak eskuetan jarraitzaileen aurrean egindako hitzaldian, Duque eta Petro zoriontzera mugatu zen Fajardo, bietako baten alde egingo duen argitu gabe. Petrok eta Duquek, berriz, biek egin zizkieten keinuak atzoko hirugarrenari.

Gustavo Pedro ezkertiarra eta Ivan Duque uribista eskuindarra lehiatuko dira bigarren itzulian.

FARC gerrillarekin lortutako bake akordio historikoen ostean egindako presidentetzarako lehen hauteskundeak izan ziren atzokoak, eta hautagai guztiek nabarmendu zuten, hain zuzen ere, bozen bake giroa, gorabehera nabarmenik gabekoa. Edonola ere, presidente berriak kudeatu beharko du aurretik ere hauskorra den bake prozesua. Duquek, Uribek sortutako Centro Democrático alderdiaren hautagaiak, prozesuarekiko kritikoen agertu den sektorea ordezkatzen du. Azkenaldian baretu du tonua, eta bake ituna ez duela “birrinduko” adierazi du, baina aldaketak aurreikusi ditu boterera iritsiz gero. Prozesua, beraz, kolokan egon liteke.

Petrok, ordea, bake akordioen berme gisara aurkeztu du bere burua kanpainan. Edonola, bakean baino gehiago, justizia sozialean jarri du fokua, aberastasunaren banaketa aginduz, munduan desberdintasun sozial handienetakoa duen herrialdean. M-19ko gerrillari ohia da Petro, 2012 eta 2015 artean Bogotako alkate izandakoa. Haren aldekoek hiriburuan desberdintasun sozialak gutxitzeko egindako lana goraipatzen diote; kontrakoek, Venezuelako eredua Kolonbiara eraman izana leporatu diote, oso une jakinean: milaka dira Venezuelatik alboko herrialdera migratutakoak, krisi ekonomikotik ihesi. Presidente izateko, uribismoari aurre egin beharko dio Petrok ekainaren 17ko bigarren itzulian, eta oinarri soziala handitu beharko du horretarako, beste sektore politiko batzuk bereganatuz. Lortu edo ez, historia egin du honezkero: inoiz ez du ezkerreko hautagai batek hark adina babes eskuratu.

Kolonbiarren %53ak hartu zuen parte atzoko hauteskundeetan, eta bada marka; izan ere, abstentzio handia izan ohi da herrialdean. Adibiderako: presidentetzarako azken hauteskundeetan, 2014an, ia %60koa izan zen abstentzioa. Atzokoak, gainera, presidentea hautatzeko lehen bozak izan ziren FARCeko gerrillari ohientzat: Rodrigo Londoño Timochenko buruzagi ohiak kamerak pilatu zituen bere inguruan, Bogotan botoa emateko unean.

Duquek, Petrok eta Fajardok pilatu zituzten boto gehienak, eta aukerarik gabe utzi zituzten gainerako hautagaiak. German Vargas Lleras, Juan Manuel Santos egungo agintariarekin presidenteorde izandakoa, eskuindarra, %7an geratu zen. Humberto de La Calle, FARCekiko Habanako negoziaketetan gobernuaren ordezkari gorena izandakoa, ez zen %2tik pasa. Bake prozesuaren defentsa sutsua egin du kanpainan, eta ez du konektatu akordioak erdibitutako gizartearekin. Hortik bere atzoko gogoeta: “Ze kontraesan: gerrak batu gintuen zortzi urtez [Santosen agintaldia], eta bakea da gaur bereizten gaituena”.

Herritarrak hautes erroldak begiratzen, botoa eman aurretik. (Arg.: Ander Perez)

 


Azkenak
2024-09-22 | Eneko Atxa Landa
Donostiako Zinemaldia. 2.eguna
Ondo kiribilduta


Sail Ofiziala. 2.eguna
Mus jarraituan

Bai, aste honetan Chill Mafiak agur esan du eta zer eta musean jokatzen. Mus Corrido kantuan, metaforak hegan. Hordago batzuk bai bota dituela taldeak iraundako hiru urteotan. Jaso gabeko enbidorik geratuko zen bidean,  jakina, baina momentuz, nahiko; jaso... [+]


2024-09-21 | Eneko Atxa Landa
Donostiako Zinemaldia. 1.eguna
Zerk egiten duen pertsona

Urduritasunaren alarmak mugikorrekoak baino ordubete lehenago jota hasi da niretzat Donostiako 72. Zinemaldia, edo halabeharrak edo oparitu didan rol honetan. Goiz gosaldu eta akreditazioaren bila joan ostean, Victoria Eugenia antzokira hurbildu naiz 9:00etarako saiora, Emilia... [+]


Bonba-jostailuen oroimena oraindik bizirik da Libanon

Ekialde Erdia dantzan jarri dute pertsona-bilagailuak eta walkie-talkieak lehergailu bihurtu dituzten erasoek. Israel isilik da, baina inork gutxik jartzen du zalantzan erasoen atzean hura dela. Besteak beste, iraganean aritu delako jada jolas hilgarri horietan, eta akusazio... [+]


2024-09-20 | Sustatu
Euskarabildua topaketa urriaren 17an: “Artifiziala ez den teknologia”

Aurtengo Euskarabildua topaketa teknologikoa (iAmetzak antolatzen duena urtero) urriaren 17an izango da Donostian, San Telmo Museoan. "Artifiziala ez den teknologia" jarri diote goiburu gisa, adimen artifizialaren oldarraldi garai honetan "inoiz baino... [+]


Sail Ofiziala. Irekierako filma
Apar gutxiko desioa


2024-09-20 | Gedar
Aurten ere, udako erailketa matxisten %15 egin dute poliziek edo polizia ohiek Espainiako Estatuan

Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.


2024-09-20 | George Beebe
Ez dago irismen luzeko misil nahikorik Mendebaldean Ukrainako egoera aldatzeko

(Baina Kievek Errusiari eraso egiten uzteak gerrara eraman gaitzake zuzenean).

George Beebe CIAko Errusiako analisi zuzendari ohia da eta bere artikulu hau Rafael Poch kazetariaren blogean argitaratu dute gaztelaniaz eta Brave New Europe webgunean ingelesez.


Edmundo González Venezuelako “presidente legitimo” gisa aitortu du Europako Parlamentuak

Europako Alderdi Popularrak ultrakontserbadoreekin eta eskuin muturrarekin landuriko ebazpenak aldeko 309 boto, kontrako 201 eta hamabi abstentzio jaso ditu. Ekaineko Europako hauteskundeez geroztik, lehen aldia da eskuina eta eskuin muturra baturik agertzen direla Estrasburgon.


Mozal Legearen erreforma eskatu du Nafarroako Legebiltzarrak

Foru Legebiltzarraren arabera, “oinarrizko eskubideak eta askatasunak murrizten dituen legea da, eta zigor-atal neurrigabea du, demokrazia aurreratu bati ez dagokiona”.


2024-09-20 | Euskal Irratiak
Maider Mourgiart eta Paul Laborde
“Pastoralari esker Xarnegu eskualdeko herritarrak elkar lotu gira”

Azken aukera asteburu honetan 'Inexa de Gaxen' pastorala ikusteko.


Internet demokratiko eta burujabe baten alde lanean

Internet hasieran askatasunaren espazio izan zen, baina gaur egun enpresa handien esku dagoen lurralde kontrolatu bihurtu da. Testuinguru honetan, teknologia burujabetza eta ongizate komuna lortzeko Internet berreskuratzeko beharra gero eta premiazkoagoa da. Egile eta aktibista... [+]


Eguneraketa berriak daude