Greziarrak telebista publikorik gabe

  • Telebista publikoa itxi zuen atzo Greziako Gobernuak, bat-bateko lege dekretuz. Estatuak kudeatutako hedabiderik gabeko herrialde bakarra da orain, Europar Batasunean. Hiru hilabetez itxita mantenduko dute, erakundea “berregituratu” eta lan-taldea murrizteko.


2013ko ekainaren 12an - 00:00
Azken eguneraketa: 2014-03-25 09:12:03
(Argazkia: channelnewsasia.com )

2.000 langile kaleratuko dituzte 700 laguneko taldearekin berriro abiatzeko, hedabide lokalek gobernuaren iturriak aipatuz argitaratu dutenez. Kaleratzeek troikaren eskakizunei erantzungo liekete. Abuztu aurretik 2.000 funtzionario kaleratu behar ditu Greziak, eta 15.000 datorren urtea amaitu baino lehen.

Atzo arratsaldean iragarri zuen neurria Simos Kedikoglu gobernuaren bozeramaileak. Haren hitzetan, onartezina da Greziako Irrati-Telebistaren (ERT) “diru-xahutzea” eta telebista “modernoago” batengatik ordezkatuko dute. Emisio berria hasi bitartean herritarrek ez dute ERTra bideratutako kanona ordaindu beharko.

Demokrazia Berriak, Andonis Samaras presidentearen alderdiak, egin du telebista publikoa istearen alde. Urrezko Egunsentia alderdi neonaziak neurria txalotu du; Pasokek, Ezker Demokratikoak eta Syrizak aldiz, erabakia kritikatu dute. “Estatu-kolpetzat” jo du itxiera Alexis Tsipras Syrizako buruak.

Itxialdia egin dute langileek ERTren eraikin nagusian eta satelite zein internet bidezko emisoa mantentzen ari dira. Ehunka herritar bertaratu ziren atzo langileei haien elkartasuna adieraziz.

 


Kanal honetatik interesatuko zaizu: Grezia
Nabigazioaren historiaren argazkia

2019an, Greziako Kasos uharteko uretan, ikerlan bat abiatu zuten Ikerketa Helenikoen Fundazio Nazionalak eta Greziako Kultura Ministerioak. Lanaren emaitza berriki jakinarazi dute: guztira, hainbat garaitako hamar ontzi-hondar aurkitu dituzte. Zaharrenak 5.000 urte inguru ditu... [+]


Frontexek bazekien ‘Adriana’ ontziko migratzaileak arrisku larrian zeudela, baina ez zuen ezer egin

Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]


Sexu bereko pertsonen arteko ezkontza onartu du Greziak

Berdinen arteko ezkontza legeztatzen duen lehenengo herrialde kristau ortodoxoa da.


Oxala

Ez naiz Greziako Lesbosetik itzuli zaharra. Bertan, Mitilene-n, Zaporeak Elkarte euskaldunak 2.700  asilo eskatzaile ingururi egunean otordu bat eskaintzen die: arroza eta potajea, pita ogia eta fruta ale bana. Duintasunaren muga, 150 gramo errazioko. Arazoa da Kara-Tepeko... [+]


2023-09-26 | Gedar
78 orduko lan astea legeztatu dute Grezian

Egunean hamahiru ordurainoko lanaldiak eta sei eguneko lan asteak; alegia, 78 ordurainoko lan asteak. Horiexek dira Greziako Gobernuak, azken lan erreformaren barruan, legeztatu dituen gehienezko lan orduak. Aurreko ostiralean onartu zuten Kyriakos Mitsotakis lehen ministroak... [+]


Eguneraketa berriak daude