Google-ko 60 bat langilek sexismoa salatu dute, emakumeei gutxiago ordaintzen dietela argudiatuz

  • Googlen lan egiten duten 60 bat emakume langile multinazional informatikoaren aurkako salaketa judiziala aurkeztea aztertzen ari dira, gaur The Guardianek jakitera eman duenez. Enpresak sexismoa sustatzen duela diote, ardura antzeko postuetan emakumeek gutxiago kobratzen dutelako.

Axier Lopez @axierL
2017ko abuztuak 09
Salaketaren azken helburua, Google-n ezezik Silicon Valleyko enpresa guztietan ere, berdintasuna bultzatzea dela adierazi du abokatuak.

Salaketa judiziala jartzea aztertzen ari da eskubide zibilen aldeko abokatu James Fingerrek. Diskriminazio zantzu nabarmenak daudela adierazi du, sexismoa salatu duten langileen erdiarekin hitz egin ostean. Emakumeen testigantza horietan oinarrituta adierazi du lan berdina egiten duten lankide gizonezkoek, batez beste urtean 40.000 dolar gehiago kobratzen dutela, nahiz eta emakumeek maila eta prestakuntza antzekoak izan.

60 emakume baino gehiago batu dira azken hiru asteetan diskrimazioaren aurkako kexa honen atzean. Horien erdiak gaur egun Googlen lanean jarraitzen du, eta Finbergek adierazi duenez, egun enpresan ez dauden dozena bat emakumek “lan garapenean diskriminazio sexistak izan duen pisua” azpimarratu dute Google uzteko arrazoi nagusitzat.

Google-k behin eta berriz ukatu du gizon eta emakumeen arteko soldatetan diskriminaziorik dagoenik eta balizko salaketa judizialari garrantzia kendu dio 60 bat lagun oso lagin txikia dela esanez. “Beti izango dira aldeak soldatetan lanpostua, rola eta eraginkortasuna kontuan hartuta, baina prozesu horretan generoak ez du alderik ezartzen”,  azaldu du Google-ko eledunak.

Bigarren polemika egun gutxitan

Silicon Valleyko erraldoiari kritikak pilatzen ari zakizkio azken asteotan. Pasa den astean Google-ko software garatzaile batek idatzitako manifestuak arrabotsa piztu zuen.  Barne mailan zabaldutako idazkian argudiatu zuen zuzendaritza postuetan emakume gutxi egoteak arrazoi biologikoekin lotutako kontua zela. Langile askoren kritikak piztearekin batera, honezkero bizi-bizi dagoen enpresa barruko berdintasun ezari buruzko eztabaia hauspotu zuen kasuak.

Kanal hauetan artxibatua: Sexismoa  |  AEB  |  Google  |  Langile borroka

Sexismoa kanaletik interesatuko zaizu...
2017-08-03 | ARGIA
Elkarretaratzea deitu dute Baionako bestetako sexu erasoak salatzeko, tartean bi bortxaketa

Amaitu berri diren Baionako bestetan hiru sexu erasoren berri izan dutela jakinarazi du hiriko prokuradoreak: bi bortxaketa eta ukituengatik hirugarren bat.


Eraso sexisten kontrako protokoloa martxan Baionako bestetan

Lapurdiko hiriburuan festetan gertatu ohi diren sexu erasoak ezagun dira. Uztailaren 26an hasiko dira Baionako bestak, eta talde feministek eraso horiei aurre egiteko elkarlana aldarrikatu eta protokolo bat abiarazi dute.


Logikaz armatuta

Denborak aurrera egiten du ezinbestean eta berarekin batera gizarteak. Baina denborari eta logikari berari aurre eginez, gotortuta geratzen denik bada, tradizioa ezkutu hartuta. Mundu osoan dira horrelako kasuak, gehienak erlijioarekin lotutakoak eta gehienetan emakumeak jo-puntu dituztenak. Logikaren kontra doan pentsaera horrek gurean Irun eta Hondarribiako alardeetan agertzeko tradizioa du. Urtero emakumeak jaietan parte-hartzea oztopatuz, diskriminazio sexistari maila ofiziala ematen diote,... [+]


Hamar egunen barruan bigarren eraso sexista Zarautzen

Bortxatu egin dutela salatu du bigarren emakume batek Zarautzen. 17 urteko emakumeak salaketa formala jarri du ostegun goizaldera, eta momentuz ez dute inor atxilotu.


2017-06-25 | Xalba Ramirez
"Asko gara eszenatokira igo nahi dugun neskak, ateratzeko zain gaudenak"

Euskal musika eszenaz eta genero harremanekin duen loturaz aritu dira topatu eta Klitto atariak  Izaro Andres Zelaieta (Izaro), Ane Bastida Saiz (Hesian, Lauroba…) Onintza Rojas Olazabal (Koban), eta Olatz Salvador Zaldua (Skakeitan, Olatz Salvador) musikariekin.


"Etxerako bidean libre izan nahi dut, ez ausarta"

Gizon batek eraso egin dio Zuriñe Hidalgo Hesian taldeko abeslariari ostiral gauean, kontzertu batetik etxerako bueltan, sare sozialetan eta irratian salatu duenez.


"Alkate joan eta mutil-dantzan ez parte hartzea ez zen aukera"

2013an Elbeteko mutil-dantzan irainka hartu zuten Baztan bailarako alkate eta ordezkari gorena. Garbiñe Elizegik esku bete lan izan zuen lau urteko agintaldian: ohiko eginbeharrak ez ezik, mutil-dantza parekidearen aldeko borroka eta Aroztegia kudeatu behar izan zituen. Hertsi gabeko zauriak dira biak ere Baztanen.


2017-03-15 | Nora Barroso
Ez zen sua izan

Sentitu dezakegu haur eta emakumeen gorputzen erabilpena, errefuserako objektu gisa pertsonen etiketatze faxista, kontrolerako mekanismoen gordinkeria bortitza…  airean daudela.


2017-02-19 | Saioa Baleztena
"Askok uste dute gizon bat gurpil gainean gizonagoa dela, eta emakumea mari-mutila"

Laia Sanz (1985, Corbera, Herrialde Katalanak) Dakar Rallya aldi gehienetan amaitu duen emakumea da. Zazpi ediziotan parte hartu du eta guztietan bete du helmugara iristeko erronka. Ez hori bakarrik, azken lau urteetan lehen hogeien artean sailkatu da. Baina motoziklismoaz aparte, lasterketa esanguratsua egiten ari da berdintasunaren bidean ere.  


Etxeko lanak ordainduko balira Barne Produktu Gordinak %23,4 egingo luke gora Katalunian

BPG horren bi heren lortuko litzateke emakumeen eskutik, gizonen lan bikoitza egiten baitute etxean.


Azkenak
EGILEA
Eguneraketa berriak daude