Herri ekimeneko hainbat hedabidek, tartean ARGIAk, giza katearen jarraipena elkarlanean
Ekainaren 8an Durango eta Iruñea batuko dituen giza katea elkarlanean jorratuko dugu hainbat herri hedabidek. Iruditzen zaigu gure komunitateentzat interes informatiboa duen ekimena dela, eta aukera aproposa dela hedabideon artean elkarlana sustatzeko. Apustu berezia egingo dugu, eta kalitatezko jarraipen anbiziotsua prestatzen ari gara.
Ekainaren 8an Gure Esku Dagok antolatutako giza katea, beraz, zuzenean jarraituko dugu herri ekimeneko hedabideotan.
Zer da denon artean eskainiko duguna?
Sare sozialetan jarraipen koordinatua. Giza kate osoko argazkiak bilduko dituen mapa interaktiboa. Giza katea dokumentatuko dugu, argazkiz eta ikus-entzunezko formatuetan, lurretik eta airetik. Irrati bidez entzungo den eta webguneetan streaming bidez zuzeneko irudiekin hornituko dugun ikus-entzunezko saioa. Gauean ordubeteko telebista saioa, egunak utzi duen onenaren laburpen gisa. Denon artean grabatutako irudirik onenekin, bideo laburpena sarean zabaltzeko.
Nork hartuko dugu parte elkarlanean?
Ahotsa
Aiaraldea
Anboto
ARGIA
Arrosa sarea
Barren
Berria
Goiena
GoierriTB
Guaixe
Hamaika
Hitza
Hitzondo
Info7
Librean zuzenekoak
Naiz
Pil-Pil
Piztu
Tolosaldeko ataria
Tokikom
Topatu
25 Geltokia
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]