Sexu bereko pertsonen arteko ezkontzak: Hegoaldean legezko eta Iparraldean bidean
Epaileek lege segurtasuna eman diete azken urteetan Hego Euskal Herrian ezkondu izan diren sexu bereko mila bikote ingururi, baita hemendik aurrera ezkonduko direnei ere. Espainiako Konstituzio Auzitegiak atzera bota du ezkontza horiek arautzen dituen legearen kontra PPk jarritako helegitea. Bestalde, Ipar Euskal Herriko gay eta lesbianei ere eskubide berdintasunean aurrera egiteko atea ireki diezaieke Frantziako Ministroen Kontseiluak, sexu berekoen ezkontza –eta ondorioz adopziorako aukera– arautzeko lege proiektua aurkeztuko baitute bertan.
2005ean onartu zuen Espainiako Gobernuak homosexualen arteko ezkontza ahalbidetzen zuen legea, Jose Luis Rodriguez Zapatero agintean zenean. Sektore ultra kontserbadoreek eztabaida piztu zuten segituan eta Alderdi Popularrak helegitea jarri zuen auzitegian. Zazpi urteren ondoren legea babesteko erabakia hartu dute Konstituzio Auzitegiko Osoko Bilkurako hamaika epaileetatik zortzik. Gay eta lesbianen eskubideen aldeko taldeek pozez hartu dute esperotako epaia.
Frantzian gaur eztabaidatuko dute Ministroen Kontseiluan sexu berekoen ezkontza baimentzen duen lege proiektua. Bidasoaz iparraldean eztabaida adopzioarekin eta “haurren eskubideekin” nahasi da; Elizak sektore katolikoak mobilizatzen dihardu legearen kontra. Lege proiektuaren alderdi zehatzak ez dira oraindik ezagutarazi, baina antza, ez du erabateko berdintasunik ekarriko, homosexualek ez dute medikuarekin ugaltzeko eskubiderik izango, esaterako.
Bestalde, bart AEBetan izandako hauteskundeetan bikote homosexualen arteko ezkontzak legeztatzeko erreferendumak egin dira Washington, Maryland eta Maine estatuetan, eta azkeneko bietan aldekoek irabazi dute –Washingtoneko emaitzak ez dira egun batzuk barru arte jakingo–. Gay eta lesbianak AEBetako zortzi estatutan ezkondu daitezke jadanik.
Maiatzaren 5ean mobilizatzeko deia luzatu dute 800 eragilek Politis komunikabidean plazaraturiko iritzi artikulu baten bitartez. Tartean daude besteak beste, Annie Ernaux idazlea, Hiesaren aurka dabilen Act Up elkartea, Planning Familial talde feminista ezaguna,... [+]
Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.