Frantziako Asanblea Nazionala, Palestinako Estatua aitortzearen alde
Palestinako Estatua aitortzeko eskatu dio asteartean Frantziako Asanblea Nazionalak Gobernuari. 339 aldeko bozka eta 151 aurkako izan ditu alderdi sozialistaren proposamenak.
Palestina Estatu independente izateko eskaera egin duen beste parlamentu europar bat da Frantziakoa. Antzerako erabakiak hartu dituzte Erresuma Batuan, Suedian, Irlandako senatuan eta Espainian, joan den azaroan. Adierazpen hauetako bat ere ez da loteslea, hala ere.
Liberationek jaso duenez, Parisen 68 parlamentarik ez dute hartu parte bozketan, eta 16 abstenitu egin dira. Alderdi sozialistak, ekologistek eta komunistek egin dute nagusiki proposamenaren alde.
“Gure erresoluzioa babes bat da bi aldeen negoziaketa prozesuak berrartzeko”, adierazi du sozialisten bozeramaleak, François Lonclek.
Eskuinean ez da horrelako adostasunik egon; UMP Nicolas Sarkozyren alderdiko 136 diputatuk ezezkoa eman diote, nahiz eta zenbaitzuk alderdiaren erabakiaren aurka egin eta baietza bozkatu duten.
Palestinaren Askapenerako Erakundeak bere esker ona adierazi die erresoluzioaren aldeko parlamentariei.
Asanblea Nazionalak bi urteko epea eman dio Gobernuari testua legezko errealitate bilakatzeko.
Larunbatean egin zuten ekintza, Bilbo erdigunean. Honela zioen pankartak: Bilbo Palestinarekin. Hiri antisionista. Israeli boikota. Hotelaren sarreran hamarnaka lagunek Palestinaren aldeko eta Israeli boikota egiteko deia egin dute.
Ehunka herritarrek egin dute bat hainbat hezkuntza zentrok, guraso elkartek eta sindikatuk antolatutako deialdiarekin, Palestinako umeak gureak ere badira. Genozidioa gelditu! lelopean. Sarea Euskal Herri osora zabaldu nahi dute sustatzaileek.
Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]
Aste nekagarri bateko igandea da. Gauza gutxi egiteko, nahiz eta beti egon zeregina etxean, urgentziazkorik ez oraingoan. Dolce far niente-rako aproposa, eguraldia ere dudakoa delako. Etxean geratzeko egun egokia. Herrian, baina, eguerdirako manifestaziora deituta dago Gazaren... [+]