Farmazeutika batek Irlandara bidaia ordaindu die EAJ, PP eta Ciudadanoseko hainbat senatariri

  • Amgen multinazionalak gonbidatuta, Dublinen izan dira EAJ, PP eta Ciudadanos alderdietako senatari batzuk, ElDiario.es-ek jakinarazi duenez. Espainiako Senatuan osasun batzordeko kideak dira senatari hauek.

Andoni Mikelarena @andonimik
2017ko azaroaren 29a
Posta elektronikoz jaso zuten gonbidapena. Arg: ElDiario.es

“Ez zen Ganberako bidaia ofizial bat izan”, adierazi du Alderdi Popularrak. EAJko iturriek berriz honakoa argudiatu dute:  “Bisitak parlamentuko lanarekin lotura zuzena zuela iruditu zitzaigun, eta egoki ikusi genuen proposamena onartzea, parlamentuan lantzen diren gaien inguruko informazioa eskuratzeko". Ustez, medikamentu biosimilareen garapen eta produkzioaren inguruko formazio saio batera gonbidatu zituzten senatariak. Amgen multinazionalak gonbidatu eta ordaindu zien bidaia.

Biosimilareen araudia erregulatzeko eskatu izan die sektoreak arduradun politikoei. Bada, arduradun hauetako batzuek bidaia egin dute Dublinera, farmako hauen egileetako baten fabrikara. Iaz, 7.000 milioi euroko sarrerak aitortu zituen Amgen farmazeutika Kaliforniarrak.

Biosimilareak medikamentu biologiko mota bat dira. Medikamentu biologikoek patentea galtzen dutenean gizarteratzen diren tratamentuak dira biosimilareak, hauek merkeagoak izan ohi dira normalean, jada patentea galdu dutelako.

Bidaia horretan parte hartu dute, Alderdi Popularreko sei senatarik, horien artean, Osasun Batzordeko lehendakari María del Carmen de Aragónek eta Francisco José Fernández Pérez lehendakariordeak. Ciudadanos alderdiko hiru diputatuk, María Isabel Albás, Carlos Hernández White eta José Antonio Funesek. EAJko Nerea Ahedo diputatua ere bidaia hartan izan da.

Beste senatari batzuei ere igorri zien gonbidapena multinazionalak, hala ere, ez joatea erabaki zuten. PSOEko diputatu batek Eldiario.es hedabideari adierazi dio, eurek ez dutela horrelako gonbidapenik onartzen. Espainiako Kongresuko osasun batzordean erabakita dute horrelako gonbidapenak ukatzea.

 

Kanal hauetan artxibatua: Industria farmazeutikoa  |  EAJ  |  PP  |  Ciudadanos

Industria farmazeutikoa kanaletik interesatuko zaizu...
Zer dabil parlamentaria 'Big Pharma'k pagatutako bisita gidatuetan?

Amgen multinazionalak gonbidatuta, Dublinen izan dira Madrilgo legebiltzarreko EAJ, PP eta Ciudadanos alderdietako senatari batzuk,
ElDiario.es-ek plazaratu eta ARGIAtik Andoni Mikelarenak oihartzun egin zuenez. Ez du zalaparta handirik piztu albisteak. Menturaz bai sortuko zuela, eta handia, herritarrek lotu balute farmaziako multinazionalen promozio operazio hori Gizarte Segurantza kiebra bidean daramaten botika berri txit garestien eskandaluarekin.


2017-10-29 | Unai Brea
Botika berrien bermea, gero eta ahulagoa

Ez dago sendagai erabat segururik, eta horregatik, botika berri bat merkatura atera nahi duen konpainiak frogatu egin behar du dakarren onura handiagoa dela sor lezakeen kaltea baino; azken hamarkadetan, ordea, “lasaitu” egin dira hori ziurtatzeko erabiltzen diren irizpideak. Une honetan mahai gainean dago sendagaien onartze-prozedura laburtzeko europar erregulatzaileen proposamen bat, eta horrek ekar dezakeen arriskuaz kezka agertu dute osasungintzaren alorreko ahots askok.


Etxeko botikina, kutsadura iturri

Azken hamarkadan egindako ikerketek azaleratu dute ibaietan aurkitutako sendagai arrastoek animalia eta landareengan dituzten ondorio kaltegarrien arazoa. Ikertzaileak larrituta daude uretan nahastutako kutsatzaileen eta medikamentuen nahasketaren epe luzeko esposizioarekin.


2016-11-20 | Malen Aldalur
Askatzaileak bai, eta osasungarriak?

Emakumeek beren gorputzez erabakitzeko tresna gisa gizarteratu zituzten antisorgailu hormonalak. Sexu harremanak haurrak ekartzeko bitarteko izatetik plazer esparru izatera igaro dira. Negozio iturri galanta dira ordea emakumeentzako antisorgailuok, eta osasunerako kaltegarriak ez direla esatea asko esatea da. AEBetan farmazia-industriari jarritako salaketa kopuruak ikusi besterik ez dago.


'La fille de Brest': Ondo irakurri kontraindikazioak

Pattal hasi da 2016ko Zinemaldiko Sail Ofiziala, Emmanuelle Bercot zuzendari frantziarraren La fille de Brest filmarekin.


"Haurtzaroa medikalizatzeko historiako kanpaina handienaren aurrean gaude"

“Hemendik urte batzuetara, haurrak gehiegi medikatzeagatik sortutako gaixotasunez kezkatzen hasiko gara eta ea nola desegiten dugun egindako guztia”.


2016-04-26 | ARGIA
Milaka umeren heriotza saihestu liteke pneumoniaren txertoa merkeago salduta

Mugarik Gabeko Medikuak elkarteak sinadura bilketa abiatu du Espainiako Estatuan, Pfizer eta GSK farmazeutikei eskatzeko pneumoniaren aurkako txertoaren prezioa erdira jaitsi dezan garapen bidean dauden herrialdeetan.


Finantza espekulatzaileen mauka berria: botika espezifikoak garestitzea

Botika zaharren eskubideak erosi,  eta  beren prezioa neurrigabe igotzea. Horra hor finantza espekulatzaileek sektore farmazeutikoan dirua egiteko modu berria. Ahalik eta etekinik handiena lortzeko asmoz, oso espezifikoak diren zenbait medikamenturen prezioak 2, 10 edota 50 aldiz ere bidertzen hasi dira.


2015-09-03 | Unai Brea
Europar industria farmazeutikoak ez du TTIPen aukera alferrik galdu nahi

Lobbyen jarduna hurbiletik jarraitzen duen Corporate Europe Observatory (CEO) elkarteak Europar Batasuneko farmazia-industriari buruzko Policy prescriptions txostena aurkeztu du. Diotenez, 2014an sektore farmazeutikoak gutxienez 40 milioi euro gastatu zituen euren aldeko politikak sustatzeko saiakeran, osasungintzaren alorrean diharduten gizarte zibileko taldeek baino hamabost aldiz gehiago.


Azkenak
EGILEA
Eguneraketa berriak daude