Madrilgo Probintzia Auzitegiak otsail honetan agindu zuen Nacho Carretero kazetari galiziarraren Fariña liburua bahitzeko, PPko alkate ohi batek narkotrafikoarekin izandako harremanaren berri ematen zuelako. Ia lau hilabete geroago, epaitegi berak kendu egin du liburuaren aurkako kautelazko neurri hori eta berriz ere liburu-dendetan saldu ahal izango da.
Liburua argitaratu zuen Libros del KO argitaletxeak baieztatu du berria: Fariña berriz ere liburu dendetan saldu ahal izango da, Madrilgo Probintzia Auzitegiak onartu egin duelako editorialak aurkeztutako helegitea. Argitaletxeko kideek liburuari ezarritako bahiketa kentzeko eskatu zuten, auzitegian aurkeztutako errekurtsoan.
Liburuaren egileak erabakia ospatu du Twitterren: "Azkenean, normaltasunera buelta" idatzi du gaztelaniaz eta "Fariña libre", galizieraz.
Por fin. Vuelta a la normalidad.
Fariña Ceibe https://t.co/75JS60SptT
— Nacho Carretero (@NachoCarretero) June 22, 2018
Erabaki horrekin paraleloan, ostegun honetan egin da kasuarekin lotutako epaiketa Collado Villalbako (Madril, Espainia) epaitegi batean. O Groveko (Galizia) alkate ohi José Alfredo Bea Gondarrek eraman zuen liburua tribunaletara, Carreterok bere ohorearen kontrako delitua egin zuela salatuz. Liburuko lerro gutxi batzuetan agertzen da Bea Gondar, narkotrafikoarekin lotutako beste hamaika kasuren artean; baina agerpen labur hori aski izan zen liburuaren aurkako neurri kautelarrak lortzeko eta hiru hilabetez liburu dendetatik kanpo uzteko.
Osteguneko epaiketan, fiskaltzak ere liburuaren bahiketaren kontrako jarrera erakutsi du eta kasua bertan behera gera dadila eskatu. Era berean, liburuak hurrengo edizioetan zehaztasun bat gehitu beharko lukeela adierazi du: Carreterok Fariña-n idatzi zuenaren arabear, Bea Gondar bi narkotrafiko auzitan prozesatu zuten; fiskalaren ustez, bi auzietan absolbitu zutela ere esan beahrko luke liburuak.
Salaketa jarri zuen alkate ohiak milioi erdi euroko kalte-ordaina eskatu dio Libros del KO argitaletxeari, bere izena droga-trafikoarekin lotzeagatik.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.