Ezkabako presondegitik ihes egindako gizon baten gorpuzkinak topatu dituzte Olaben
Olaben (Nafarroa) aurkitu dituzte Ezkabako presondegitik ihes egin eta ondoren frankistek hil zuten gizonezko baten gorpuzkinak. 1938ko maiatzaren 24an hil zuten eta 25 urte baino gutxiago zituela ere baieztatu dute.
Nafarroako Gobernuak jakinarazi duenez, Esteban Arriolaren eta beste bizilagunen testigantzak baliagarriak izan dira gorpuzkinak aurkitu ahal izateko. Urte askoan isilaraziak izan dira herritar asko, baina, orain kontatzen dituzten gertakariengatik aztarnak aurkitzea ahalbidetzen ari dira. Hobia aurkitu zuten lehenbizi eta gero indusketa lanei esker gorpuzkinak topatzea lortu zuten.
Aranzadi Zientzia Elkarteari esker egin dira lan horiek. Gobernuarekin hitzarmena sinatua du 2016. urtetik eta aurten 100.000 euroko laguntza jaso du. 2016. urtean hain zuzen ere Olaben bertan aurkitu zituzten beste 14 pertsonaren gorpuzkinak. Horiek ere Ezkabako presondegitik ihes egindako gizonenak ziren.
GR-225 ibilbidea
Joan den otsailaren 9an Ana Ollo Herritarrekiko eta Erakundeekiko Harremanetarako kontseilariak aurteztu zuen Ezkabako presondegitik ihes egin zutenen ibilbidea egiteko proiektua. GR-225 izeneko ibilbidea Ezkabatik Urepelera doa guztira 53 kilometro eginez. Bidean informazioa aurkitu daiteke presondegitik ihes egin zutenen historiaz.
(Albiste hau Euskalerria Irratiaren webgunean argitaratu da eta ARGIAra ekarri dugu CC by-sa lizentzia baliatuta)
Madrilgo Cuelgamurosen, Erorien Harana deituriko monumentuan arkeologoak egiten ari diren indusketetan etengabe ari dira jasaten eskuin muturreko jendeen presioa, hala adierazi du Pako Etxeberria auzitegi-medikuak. Egunotan, biktima errepublikarren senideek bisitatu ahal izan... [+]
Andatza mendia memoria leku bihurtu zuen Usurbil 1936 elkarteak apirilaren 13ko birsortze historikoan. Herritarren lan boluntarioarekin berreskuraturiko lubakiak antzezleku bihurtu ziren egun batez. Gerraren eraginez Usurbilen jazotakoak elkarbanatzeko enegarren ekimena izan da.
87 urte bete dira ostiral honetan, 1937ko apirilaren 26an abiazio faxistak Gernika bonbardatu eta sarraskitu zuenetik. Urtero legez ekitaldi andana antolatu dute erakunde eta eragile sozialek. Tartean, pasealekuan eta Astra fabrikan dauden sirenak martxan jartzea.
Ángel Salas Larrazabal militar frankista urduñarrak gidatzen zuen hegazkinak bonbak bota zituen Otxandioko Andikona plazan zibilen aurka, 1936ko uztailaren 22an. Gutxienez 61 herritar hil ziren. Frankismoan hainbat kargu militar eta politiko izan zituen, eta 1991n... [+]