IV. Foro Sozialean iheslari eta deportatuen arazoa landuko dute. Martxoaren 10 eta 11n egingo dituzte batzarrak Donostian eta Hendaian. Bake prozesuaren “blokeoaz” kezkatuta daudela azaldu dute, Espainiako eta Frantziako estatuen jarrera “larriagotu” baten aurrean. Aurtengo Foro Sozialaren aurkezpenean egin dituzte adierazpenak, Bilbon.
Bi batzarretan foro bera burutuko dutela azaldu dute. Lehen aldiz mugaren bi aldeetan egingo dute, bi estatuetako legeek eragiten baitiete preso eta iheslariei. Antolatzaileen esanetan trataera berezia emango diote deportatu eta iheslarien egoerari.
Hainbat legelariren laguntzaz, antolatzaileek bi estatuetako legedietan dauden arazoak identifikatu eta irtenbide posibleak aurkitzearen alde egingo dute. Horrez gain, gizarteko mugimendu eta elkarte ugarirekin bilduko dira, tartean, Sare, Etxerat edo sindikatuekin. Preso eta errefuxiatuen ekarpenak ere lortu nahi dituzte eta EPPK-ko bozeramaileekin bilduko dira, epailearen baimena lortzen badute.
Aipatutako bi batzarretara iritsi aurretik, beste hainbat bilera antolatu dituzte. Urtarrilaren 5ean Usurbilen izango dira, Kalera Kalera dinamikan lanean ari diren hainbat preso ohirekin. Otsailaren 24an, berriz, legelariekin gaia tratatzeko topaketak egingo dituzte Bilbon.
2013an eginiko I. Foro Sozialean presoak modu adostuan etxeratzeko hamabi aholku bildu zituzten. Aurtengo edizioan horietako lau izango dituzte hizpide. Lehena, preso eta iheslarientzat konponbide “oso” bat adostea da, egungo espetxe politika aldatzea. Bigarrena, presoen itzultze prozesua lege baliabideak erabiliz egitea, eragindako mina aitortuz eta era mailakatuan. Hirugarrena presoak prozesuko “eragile aktibo” bihurtzea da. Laugarrenak, berriz, iheslarien egoera aztertzea izango du ardatz. Ekainetik lanean ari den Gogoetabidea taldeak ere preso eta iheslarien ekarpenak bildu ditu martxoko foroan aztergai izateko.
Armagabetzea hurbilago
Foroaren batzarretan jorratuko ez den arren, prentsaurrekoan ETAren armagabetzearen inguruan ere aritu dira. Luhusoko gertakariei begira “emaitzak” ikus daitezkeela adierazi dute, armagabetzea “hurbilago” dagoela adieraziz. Hori era ordenatuan egitea zaila dela azaldu dute, baina horren aurrean gizarte zibilaren betebeharra azpimarratu: “Blokeoa gainditzeko nahikoa indar eta borondate dago, eta adostasunak lortzeko eremua Euskal Herria da”. Hori aurrera eramateko Euskal Autonomia Erkidegoan, Nafarroako Foru Komunitatean eta Ipar Euskal Herrian behar dira adostasunak antolatzaileen ustez.
EAEko Justizia Auzitegi Nagusiak ebatzi du hirugarren graduan dagoen presoak eskubidea duela langabezia jasotzeko. LAB sindikatuak aurrekari gisa ikusi du epaia eta urrats bat dela dio "presoen oinarrizko eskubideak aitortzera bidean".
Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono... [+]
"Jarrera proaktiboagoa" eskatu dio Eusko Jaurlaritzaren Justizia Sail berriari Sarek, abuztuaren 20an egindako prentsaurrekoan. Espetxeetako normalizazioa "oraindik urruti" dagoela salatu dute, ikusita 148 presoetatik "ehun preso baino gehiago" egon... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.