Euskal Herriko batukada feministak Altsasun elkartuko dira asteburuan
Euskal Herriko IV. batukada feminista topaketak hartuko ditu asteburuan Altsasuk. Antolakuntzan ari den Ainarak azaldu digunez, “gero eta batukada feminista gehiago daude”.
Gipuzkoan dago mugimendu handiena eta Bizkaian zerbait. Bera 10 herritan ari da klase ematen. Haietako batzuk dagoeneko autonomoki funtzionatzen hasiak dira. Batukada feminista horietako kideei zuzenduta dago asteburuko topaketa, “elkar ezagutzeko eta ongi pasatzeko”. 80 batek eman dute izena. “Urtetik urtera gero eta gehiagok ematen dute izena”.
Batukada erritmoak jotzen dituen taldea izateaz aparte “feminismoa ere lantzen duen emakume taldeak dira” batukada feministak. Perkusio erritmoak “ahalduntzeko erabiltzen ditugu. Musika kalea okupatzeko, gure espazioa hartzeko”. Era berean, entseguetan ez dira bakarrik musika tresnekin aritzen: “gure emozioez hitz egiten dugu edota lotsa gainditzeko, autoexigentzia eta gauza pila bat lantzeko dinamikak egiten ditugu”.
Asteburua ikasten emanen dute aterpean. Madrilgo Ashabá taldeko Carol O. C. eta Elena Alvarez izanen dira erritmo berriak erakutsiko dizkietenak. Amalur De Los Santosek, berriz, batukadara bideratutako dantza tailerra eskainiko die, “koreografiak egiten irakatsiko digu”. Ikasitakoa Altsasuko kaleetan barna erakutsiko dute, larunbatean, 19:30etik batera.
Egitaraua
Maiatzak 13, larunbata
9:00etan Harrera.
10:00etan Batukada tailerra.
14:30ean Bazkaria.
16:30ean Batu-koreo tailerra.
19:30ean Kalejiran Altsasun barna.
21:00etan Afaria
22:30ean Ashabá taldearen emanaldia.
23:00etan Korta pega dj.
Maiatzak 14, domeka
10:00etan Gosaria.
11:00etan Batukada tailerra.
14:00etan Bazkaria.
16:00etan Agurra.
Albiste hau Guaixek argitaratu du eta CC-by-sa lizentziari esker ekarri dugu ARGIAra.
Ekainaren 14an egingo da Hernanin San Juan jaiak iragartzen dituen 30. Preludio kontzertua. Aurten emakume bat izango du zuzendari musikal: Judith Montero Imaz. Behin batuta hartuko, eta emakumeek musika ondarean egindako ekarpena ekarri du fokupera. Berarekin eta Hernaniko... [+]
Señora Sariketaren V. edizioa izan da 2025ekoa, benetan berezia: aurtengo bertsolari parte-hartzaileak plazak utziak zituzten andre eta genero disidenteak izan dira. Binaka egin dute plazara itzulera, saioetarako giro goxo eta xamurra lagun.
Neska transexual baten ama, haurtzaroan bere genero identitateagatik bullyinga jasan zuen gizona edota LGTBI kolektiboko nikaraguar erbesteratua ezagutu eta horietakoren batekin bizipenak partekatu eta solastatu nahi duenak aukera izango du datozen egunetan Nafarroako sei... [+]
Sexu-erasoak, bikotekideen edo bikotekide ohien erasoak eta bestelako senideek egindakoak hartu dituzte kontuan zenbaketan. Bizkaian, %29 egin dute gora salatutako sexu-erasoek.
13 urteko mutil bat da Adolescence telesailaren protagonista, bere eskolako neska bat erailtzeagatik atxilotua. Lau kapitulutan zehar saiatuko gara ulertezina ulertzen, baina gidoilariek ez digute azalpen errazik emango, baizik eta bullying dinamika nahasiak, manosferaren eragin... [+]
Ilusioz mintzo da Shrabani Aranzabe-Pita (Orissa, India, 1999) musikari, ikerlari eta pedagogoa. Alkizan (Gipuzkoa) hazi eta hezi da. Pandemian minbizia izan zuen, eta prozesu onkologiko horretatik Naturaren Doinuak jaialdia eta proiektua sortu du. Aurtengo jaialdia ekainaren... [+]
Mundu mailan abiadura handian garatuz doan ideologia eta mugimendua dugu antiwokismoarena. Boterera arribatzeko eskuin muturreko agintariek duten arma berria da, eta berdin-berdin zabaltzen ari da herriko karriketan, unibertsitateetako korridoreetan zein telebista platoetan. Eta... [+]
Bisita, bizipen eta hausnarketa egunak izan ditut maiatzekoak. Hor nabil, intersekzionalitatea nola gauzatu, borrokak lotu nahian, bertsolarien moduan puntu guztiak esan nahian, potorik egin gabe...
Lan egiten dudan LoRa irrati komunitariotik, Maiatzaren 1erako... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Aurten ez dut aparteko ilusiorik San Ixidro egunerako. Ez dut girorik aurkitzen. Ingurura begiratu eta giro ospela. Burua lanean jarri behar izan dut epeltasun bila, eta hara non, azaldu zaizkit gure gazten zain hilabeteak daramatzaten lagunen irribarreak. Bihotza epelxeago dago... [+]
Maiatzaren 17an LGTBIQ+fobiaren Kontrako Eguna dela-eta, “bizi dugun oldarraldi atzerakoia” , “transfobiak hartu duen indarra” eta “instituzioen utzikeria” nabarmendu dituzte kolektiboaren bueltako elkarteek. Zenbait instituzioren kapitalismo... [+]
Sare sozialetako argitalpen baten bidez, otsailaren 23an, Ane Santesteban txirrindulariak (Errenteria, Gipuzkoa, 1990) endometriosia daukala iragarri zuen. Diagnostikoak lagundu egin dio ulertzen zergatik batzuetan gaizki sentitzen den bizikletan: “Kisteak aldaka okertzea... [+]