23 urteko emakume bat hilda aurkitu dute Uztaritzen bortizki jipoituta
Bikotekideak aurkitu du asteazkenean 23 urteko haurduna Uztaritzeko etxean, Lapurdin. Baionako prokuradoreak adierazi du hilketa bereziki bortitza izan dela. Irailaren 15ean autopsiaren emaitzak jakingo dira.
Bikotekideak aurkitu zuen hilotza emakumearen amaren etxean. Eskuak eta hankak lotuta zituen, ahoan mozala, eta begiak estalita. Aurpegian berriz, ubelduak. Baionako prokuradoreak prentsaurrekoan adierazi du hilketa oso bortitza izan dela. Dirudienez, aurpegiko kolpeen eta ahoko mozalaren ondorioz hil zen emakumea.
Bikotekidea ospitalera eraman zuten shock egoeran eta ondoren galdeketa egin zioten. Berak esan duenez, Bordelen erizaintza ikasten ari zen neska zortzi hilabeteko zegoen eta bera zen umearen aita. Bikotekidea ere Bordelen ari da ikasketak egiten.
Paueko eta Baionako poliziak ari dira hilketa ikertzen eta adierazi dute hipotesi guztiak irekita daudela. Irailaren 15ean autopsiaren emaitza emango dute eta argitu ahal izango da, besteak beste, bortxaketarik jasan zuen.
Ehunka herritarrek egin dute bat hainbat hezkuntza zentrok, guraso elkartek eta sindikatuk antolatutako deialdiarekin, Palestinako umeak gureak ere badira. Genozidioa gelditu! lelopean. Sarea Euskal Herri osora zabaldu nahi dute sustatzaileek.
Pertsona oso energetikoa da eta gorputzak uzten dion bitartean “ahalik eta gehien” disfrutatzen saiatzen da Espe Ciriza Asenna Nafarroako Endometriosi Elkarteko kidea (Iruñea, 1981). Endometriosia dauka, eta horren ondorioz, “izugarrizko” min... [+]
Umea gelan eranzten utzi, eta ni lau minutuan jantzi naiz, bi pasa behar izan ditudalako pulamentuzko kulerorik ez dudala ohartzeko, eta souvenir moduan gordeta nituen norbaiten kaltzontziloak janzteko. Nik bakarrik jakingo dut galtzen azpian Spiderman daramadala. Hogeita bost... [+]
Nina iragarritako señorizidio baten kronika da –Irantzu Varelaren terminoa erabiliz–. Pantaila handira orain iritsiko den filmak kontatzen du nola 30 urteren ondoren emakume zauritu bat herrira itzultzen den eskopeta batekin, etengabeko hileko moduko batek... [+]