EHZ jaialdia: elkartasunaren eta elkarlanaren eredu
Gaur hasiko da Heletan (Nafarroa Beherea) Euskal Herria Zuzenean (EHZ) jaialdiaren 17. edizioa. Hasierako urteetan Arrosan (Nafarroa Beherea) ospatzen zen jaialdia, 2002tik 2008ra Idauze-Mendin (Zuberoa) eta egun Heletan. Eneko Etxegarai EHZ jaialdiko lehendakariaren ustez "Heletan ospatzen denetik, EHZ festibala sendotu eta garatu egin da". Aurtengo programan hainbat berrikuntza egongo dira, horien artean Sorgin izeneko euskarazko antzezlana. Ohi bezala jaialdiaren ardatza musika kontzertuak izango dira:
Etxegarairen esanetan “igandeko giroa oso herrikoia” izaten da. Estilo guztietako kontzertuak izango dira, Public Enemy, Gojira, Matxura, 17 Hippies, Lisabö eta Youssoupha taldeenak besteak beste.
Lehendakariaren ustez, EHZ festibalak ez du bilatzen Miarritzeko Big Festival edo Bilboko BBK jaialdien parekoa izatea. Ezberdinak izatea nahi dute eta beraiek eskaintzen dutena ere bestelakoa dela esan du. "Gure proiektuak 700 laguntzaileri esker funtzionatzen du eta beste balore batzuk aurkitzen dira EHZn: elkartasuna, elkarlana, belaunaldien arteko trukaketa... Ez dugu beste festibal horien konkurrente izan behar; gurea beste zerbait da. Festibalean ez dugu ikusiko partaide pribatuen publizitaterik".
Azken urteetan bezala, belaunaldi eta gustu guztiei zuzendutako kalitatezko eskaintza oparoa proposatzeko xedea adierazi du EHZko antolakuntzak.
ARGIA festibalaren babesle eta laguntzaile da eta han izango gara: BTN bideopodcastaren atal berezia grabatuko dugu larunbat goizean,... [+]
Nola ezar euskara, gal-bidean, ahal-bidean eta zabal-bidean? Galdera horri ihardukitzen entseatuko da Mattin Irigoien Zabalik elkarteko kidea, ostegun honetan eskainiko duen mintzaldian.
Hitzaldi eta mahai inguruen aurrerapena ere egin dute: Palestinaren egoera, Europako paktua eta immigrazio legea, laborarien mobilizazioa edota festibal eta musikagintza ereduaren eztabaida, besteren artean. Ekainaren 28an, 29an eta 30ean izanen da festibala, lehen aldiz... [+]
Auhen, Janus Lester eta Old School Funky Family taldeak ere izango dira festibalean. Ekainaren 28an, 29an eta 30ean egingo dute jaialdia, Arberatzen. Hiru egunetarako bonu berriak jarri dituzte salgai.
Lehen aldiz festibala Amikuzeko Arberatze herrian ospatuko da. Ekainaren 28, 29 eta 30an izango da.
12.000 pertsona bildu ditu festibalak Irisarriko plazan eta belardian. Publikoaz gain, 500 laguntzaileen lana azpimarratu dute antolatzaileek.
27. edizioa ostiraletik igandera iraganen da Irisarrin. 2019az geroztik ziren bertan, baina garaia etorri zaie mugitzeko: "Ez dakigu oraino zein izanen den gure hurrengo geltokia. Baina segur gira EHZak segituko duela".