EAEk inoizko emaitzarik txarrenak izan ditu PISA azterketan, Nafarroak batez bestekotik gora
Ikasleen gaitasun zientifikoa, matematikoa eta irakurketa neurtzen dituen nazioarteko ebaluazioa da PISA azterketa. Ekonomia Lankidetza eta Garapenerako Antolakundeak (ELGA) egiten du hiru urtean behin, 15 urteko ikasleekin.
Abenduaren 6an argitaratu ditu ELGAk 2015eko txostenaren emaitzak. Horren arabera, inoiz baino nota baxuagoak izan dituzte Araba, Bizkaia eta Gipuzkoako ikasleek. Nafarrek, aldiz, batez besteko emaitzak gainditu dituzte. Lortutako puntuazioen artean alde nabarmenak izan dira ebaluatutako hiru esparruetan.
Zientzietan: EAEk 483 puntu (2012an 506), Nafarroak 512 (2012an 514) eta ELGAk batez beste 493.
Matematikan: EAEk 492 puntu (2012an 505), Nafarroak 518 (2012an 517) eta ELGAk batez beste 490.
Irakurketan: EAEk 491 puntu (2012an 498), Nafarroak 514 (2012an 509) eta ELGAk batez beste 493.
EAEko emaitzekin harrituta agertu da Cristina Uriarte Hezkuntza sailburua, eta “azterketa sakona” behar dutela azaldu du. Urkulluk “autokritika” egin behar dela esan du. Eta 2015eko berritasunak aipatu dituzte Jaurlaritzako arduradunek. Azterketetan formatu aldaketa egin dutela esan dute, eta ikasleek euskarri digitalean egin dituztela probak lehenengo aldiz. Lagina ere moldatu dutela azaldu dute, zentro gutxiago aztertuz.
Nafarroako Gobernua, aldiz, pozik agertu da emaitzekin. Bertako hezkuntza-sistemak “eraginkortasuna eta ekitatea” ondo uztartzen dituela azaldu du, eta PISAko datuak “ikasleen maila soziala, ekonomikoa eta kulturalaren arabera espero zitezkeen emaitza akademikoen gainetik” daudela Nafarroan.
Ongi doazen ikasleak talde batean, zailtasunak dituztenak, bestean; maila akademikoaren arabera banatuko dituzte ikasleak datozen ikasturtean, Frantziako Estatuan. Ikasleak sozialki eta akademikoki sailkatu eta bereiztea, desoreka areagotzea eta egoera okerragoan daudenak... [+]
Gasteizko Haur eta Lehen Hezkuntzako ikastetxeetako baratzeak ikertu ditu Iratz Pou EHUko ikasleak. Zenbat eskolek dute ortua? Nolako erabilera ematen diote, zein helburu eta asmorekin? Probetxu pedagogiko eta didaktikoa ateratzen al diote baratzeari? Pourekin eta Igone Palacios... [+]
Irakaskuntzan "aniztasuna" aski ezaguna den kontzeptua da, eta irakasleok (ez zara harrituko Bestiak liburutegian ere irakasleak badaudela jakitean) aniztasuna bermatzeko, askotan, ikasle talde heterogeneoak egiten saiatzen gara. Baina badugu desberdinen arteko... [+]
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]