Hegoaldeko sindikatu guztiak presoak hurbiltzearen alde azaldu dira

  • Eusko Legebiltzarrean ekainaren 13an eta Nafarroako Parlamentuan ekainaren 29an erdietsitako akordioen ondoren, Hego Euskal Herriko sindikatu guztiek espetxe politikaren aldaketa eta presoen hurbilketa eskatu dute.

ARGIA @argia
2018ko uztailaren 02a
Argazkia: Sortu Euskal Herria

Foro Sozialak bultzatutako ekimena da eta hau da zehazki bidalitako agiria:

"Euskal Autonomia Erkidegoa: ELA, LAB, CCOO, UGT, Steilas, ESK, EHNE, HIRU eta Etxalde sindikatuek ekainaren 29an Eusko Legebiltzarreko Giza Eskubideen Batzordean onartutako mozioari babesa erakusten dion testu bat sinatu dute.

Nafarroa: ELA, LAB, CCOO eta UGTk, bakoitzak bere oharraren bidez, pasa den ekainaren 29an Nafarroako Parlamentuan onartutako mozioari babesa ematen diote. Era berean, EHNE, Hiru, Steilas, ESK eta CGT sindikatuek mozioari babesa adierazten diote Foro Sozial Iraunkorraren bitartez.

Foro Sozial Iraunkorretik oso positiboki baloratzen dugu sindikatu guztiek hartu duten jarrera, bi parlamentuetan lortutako akordioen ondoren datorrena.

Espetxe politika aro berrira egokitzearen alde dagoen gehiengo politiko, sozial eta sindikala indartzen dute ekimen hauek guztiek.

Eta gehiengo hau gure Herritik kanpora ere zabaltzen ari da. Izan ere, atzo Bartzelonako udaletxean egindako adierazpenak agerian utzi du Estatu espainiarreko sektore anitz eta transbertsaletan horren aldeko iritzi korronte bat zabaltzen ari dela.

Zuhurtziaz eta, aldi berean, baikortasunez hartu ditugu Espainiako Gobernuko presidentea honi buruz egiten ari den adierazpenak, pasa den maiatzaren 29an Bilbon publiko egin genuen konponbiderako urgentziazko agenda sendotzen ari da-eta:

1.Gaixo dauden presoak eta 70 urtetik gorakoak.

2.Urrunketaren amaiera.

3.Gradu progresioa ahalbidetzea.

4.Zigorren pilaketarako irizpideak Europan erabiltzen direnak izatea.

5.Espetxe-alorreko eskumenen transferentziak.

 

Sindikatuek sinatutako agiria (Argazkia: Foru Soziala)

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Sakabanaketa  |  Nafarroa  |  EAE

Sakabanaketa kanaletik interesatuko zaizu...
2018-07-20 | Mikel Asurmendi
Presoen aldeko bizikleta martxa Mont-de-Marsango espetxetik abiatu da

Mont-de-Marsanetik abiatua da goizean euskal preso politikoen urrunketa salatzeko bizikleta martxa. Parte-hartzaileek Zaballako espetxeraino eginen dute bide astelehenera bitartean.


Marlaskak dio ez duela gerturatze eskaerarik jaso euskal preso politikoen aldetik

Fernando Grande Marlaska Espainiako Barne Ministroak adierazi du “kasuz kasu” aztertuko dela euskal preso politikoen gerturatzea Euskal Herriko kartzeletara, baina oraindik ez dela elkartu lanketa batzordea gerturatze horiek aztertzeko.


2018-07-08 | Lander Arbelaitz
Orain Presoak dinamika
"Salbuespen legedia alde batera utzi behar du Espainiako Estatuak"

Sara Majarenas (1980, Donostia) eta Felix Arrietarekin (1982, Donostia) bildu gara. Sarek bultza duen Orain Presoak dinamikan parte hartzen ari dira. Lehena preso ohia eta indarkeria matxistaren biktima, orain bi hilabete askatu dute; bigarrena, Deustuko unibertsitateko irakaslea da. Lau aldarrikapen zehatzen inguruan babesa bilatzen ari dira eta urriaren 20rako manifestazioa deitu dute Bilbon. Espainiako Estatutik aldaketaketor litezkeela sumatzen den egunetan mintzatu gara beraiekin.


Grande Marlaska tortura salaketen inguruan: "Egia bakarra egia judiziala da"

Espainiako Barne ministro Fernando Grande Marlaskak, zalantzan jarri du Eusko Jaurlaritzako tortura salaketen gainean egindako txostena. Eta gaineratu du ez dagoela ebazpen judizialik 4.000 edo 5.000 tortura kasuak eman direla esaten duenik.


2018-04-06 | ARGIA
Beste bi euskal preso gerturatu ditu Frantziako Estatuak

Arkaitz Agirregabiria eta Iurgi Garitagoitia euskal preso politikoak Lannemezango espetxera lekualdatu dituzte, Etxeratek jakinarazi duenez. Agirregabiria Fresnesen zegoen preso, 930 kilometrora, eta Garitagoitia Poissyko espetxean, 950 kilometrora.


2018-04-05 | Hala Bedi
Dispertsioak eragindako urteko hirugarren istripua salatu du Etxeratek hiriburuetan

Dispertsio politikak Ibon Goieaskoetxea euskal preso politikoaren senideen istripua eragin zuen Aste Santuan. Elkarretaratzeak egin ditu Etxerat Elkarteak hiriburuetan.


2018-03-28 | Axier Lopez
Beste "motxiladun haur" bat jaio da espetxean

Irati Etxebarria Zapirain jaio da Aranjuezeko kartzelan. Guraso biak preso ditu haur jaio-berriak eta momentuz amarekin dago etxetik 500 kilometrotara, Sare ekimenak jakitera eman duenez.


2018-03-11 | Saioa Baleztena
"Espetxeaz dugun irudia ez dator bat hango egunerokotasunarekin, askoz okerragoa da"

Kazetaria, dokumentalista eta antzezlea da Txell Bonet (Bartzelona, 1975). Ausardia eta borroka ditu bidelagun eta dioenez, artea salaketarako lanabes du. Duela lau hilabetetik, hamar hilabeteko semearekin batera, asteburuetan Soto del Real kartzela izaten du helmuga, bere bikotekide Jordi Cuixart matxinada eta sedizio delituak egotzita espetxeratuta baitute.


Xabier Rey euskal presoaren heriotza salatzeko mobilizazioak antolatu dituzte

Xabier Rey Urmeneta euskal preso politikoa hil da Puerto de Santa Mariako (Cadiz, Espainia) espetxean, Etxerat elkarteak jakinarazi duenez. Hainbat eragilek mobilizazioak antolatu dituzte asteazkenean:


2018-02-28 | Hala Bedi
Alfredo Remirezen senideek izandako istripua salatu dute Amurrion eta Gasteizen

Astelehenean eta asteartean elkarretaratzeak egin dituzte Euskal Herrian 2018an dispertsioak eragindako bigarren istripua salatzeko. Kasu honetan, Arabako preso politiko baten senideek izandako istripua salatu dute, Alfredo Remirezen senideek izandakoa.


Azkenak
EGILEA
Eguneraketa berriak daude