Confebaskek EAEko aurrekontu-akordioa txalotu du

  • Cebek, Adegi eta SEArekin batera argitaratu duen prentsa oharrean, Confebaskek dio hitzarmena “positiboa” eta “onuragarria” dela. Besteak beste, sozietate zerga %28tik %24ra murriztea adostu dute eta hori “onuragarria” dela dio patronalak.

Miren Osa Galdona @Mirentx_U
2017ko azaroaren 30a
EAJak eta PSEk PPren babesa izan dute akordioa onartzeko

Erabaki honek ekonomiari hazten laguntzeaz gain, lanpostuak sortzeko balioko duela adierazi du: “Aukera ekonomiko eta sozialak zabalduko dituen hitzarmena da”.

Aurrekontuak onartzeko hasierako negoziaketetan sozietate zergaren auzia bere horretan uzteko asmoa zuten EAJ eta PSEk. Legebiltzarraren proiektuak aurrera egiteko PPren babesa bilatu dute Jaurlaritzako bi kidek, aurrekontu akordioa popularren irizpideetara moldatuz.

Hiru aldeen arteko elkarlana eta elkar ulertu izana nabarmendu du Confebaskek: “Hemen elkarrizketarako, negoziaketetarako eta gizartean ongizatea berresteko eredu propioa dugu eta akordio honek azaleratu egin du”.

Kanal honetan artxibatua: Confebask

Confebask kanaletik interesatuko zaizu...
Akordio interprofesionala egin dute, negoziazio kolektiboaren korapiloa askatu gabe

Confebaskek eta ELA, LAB, CCOO eta UGT sindikatuek adostu dute euskal itunak estatukoengandik babestea. Negoziazio kolektiboa desblokeatu ezean akordioak ez luke eraginik izango sektore eta enpresa askotan, baina patronalak ez du horretarako konpromisorik hartu nahi izan.


Bost gako ulertzeko zer ari diren adosten (eta zer ez) sindikatuak eta Confebask

Sektore arteko akordioa lortzeko egindako bilerari garrantzia handia eman diote Confebaskek, hedabide handiek eta Jaurlaritzak. ELA eta LAB, aldiz, zuhurrago azaldu dira, zergatik?


Patronalak eta sindikatuek negoziazio mahaia eratu dute

Sektorearteko akordioa eztabaidatzen hasteko aurre-pausoa eman dute. ELAren esanetan, Confebaskek jarrera aldatu eta “bake sozialaren baldintza” kendu du.


Elkarrizketa Sozialerako Mahaiaren itunarekin haserre agertu dira ELA eta LAB

Akordioak ahalik eta sektore gehienetan eragin mugatuko itunak sinatzea ahalbidetuko du. Gehiengo sindikala alboratu izana salatu dute sindikatu abertzaleek.


2016-07-14 | ARGIA
Negoziazio kolektiboan ELA eta LABen eragina saihesteko estrategia darabil esku artean Confebaskek

Eragin mugatuko akordioak lehenetsi nahi ditu patronalak, Berriak eskuratu duen agiri baten arabera. Jaurlaritzak asmo horrekin bat egiten duela-eta, Toñaren dimisioa eskatu dute sindikatu abertzaleek.


2016-05-08 | Dani Blanco
Malgutasuna ala konfrontazioa?

Enpresariek eta langileek elkarrekin arraun egiteko garaia dela uste du Confebaskek, lan erreforma berriaren aurrean langileek malgutasunez jokatzekoa. Sindikatuek, aldiz, Maiatzaren Lehena baliatu dute prekarietatea eta konfrontazioa kalera ateratzeko.


2016-05-01 | Juan Mari Arregi
Confebask-en marketin operazioa

Confesbaskek bere lan harreman eredu berria egin zuen publiko ekitaldi batean. Eusko Jaurlaritzak eta ehunka enpresarik babestuta, lobby patronal horrek egungo errealitatera egokitzen saiatzen ari den eragile sozial modernoaren itxurak egin zituen. Ekitaldi hori, ordea, marketin operazio hutsa baino ez da izan, patronalaren propaganda. Lan harreman berria eskaintzen duela aditzera emanez, bere filosofia eta lan baldintza eskasak inposatu nahi ditu, etekinak pilatzen segitzeko. Patronalek... [+]


2016-04-19 | ARGIA
Confebasken proposamenak sindikatuak baztertu nahi ditu, ELA eta LABen iritziz

“Malgutasunean” oinarritutako lan harremanetarako eredu berria berretsi zuen Confebaskek astelehenean Bilbon, 400 enpresa-jaberekin egindako ekitaldian eta Arantza Tapia Eusko Jaurlaritzako Lehiakortasun sailburuaren babesarekin. Han izan ziren halaber SEA, Cebek eta Adegi, EAEko hiru probintzietako patronaletako buruak.


Patronalak enpresentzako zerga gutxiago eskatu du beste behin

Confebask EAEko enpresaburuen elkarteak urteko balantzea egin du eta baikor azaldu da 2016ari begira: %2,6 haziko da ekonomia eta langabezia tasa %13ra jaitsi.


2015-11-20 | ARGIA
Confebask ELA eta LABi sindikatu izaera kentzen saiatu zen CEOEren dokumentu baten arabera

Confebask ELA eta LABi sindikatu izaera kentzen saiatu zela baieztatu du ELAk CEOEren dokumentu baten bidez.


Azkenak
EGILEA
Eguneraketa berriak daude