CETAri buruzko Europako Legebiltzarreko bozketaren atarian, mobilizazioak Euskal Herrian

  • Larunbatean, hilak 21, Irun eta Hendaia lotuko dituen giza katea egingo da, CETA, TTIP eta TiSA merkataritza itunen aurkako eragileek deituta, otsailean Europako Legebiltzarrean egingo den bozketaren ingurumarian. Halaber, asteartean, hilak 17, alderdi politikoetako ordezkariak gaiari buruz ariko dira solasean, Donostian egingo den mahai-inguruan.

Jon Torner Zabala @jtorner
2017ko urtarrilaren 17a
TTIP eta CETA itunen aurkako manifestazioa Iruñean, iazko azaroan / EKINKLIK

Koldo Mitxelenan mahai-ingurua

CETA-TTIP-TiSA itunen inguruko mahai-ingurua Koldo Mitxelena kulturunean egingo da, arratsaldeko 19:00etan hasita. ARGIAko kazetari Unai Break gidatutako solasaldian parte hartuko dute: Iñaki Agirre (EAJ), Oskar Matute (EH Bildu), Guillermo Echenique (PSE), Jose Luis Arrue (PP), Nicolas de Miguel (Ciudadanos), Jose Ramon Becerra (Equo), Xabier Pombo (Ezker Anitza-IU) eta Patricia Getek (Podemos Euskadi-Ahal Dugu).

Ipar Euskal Herriko TAFTA Stop eta Hegoaldeko TTIP/CETA Ez mugimenduek antolatu dute astearteko mahai-ingurua.

Mobilizazioak Euskal Herrian

Aipatu eragileek deituta egingo da, bestalde, larunbateko giza katea, 16:30ean Hendaia eta Irun lotzen dituen Santiago Zubian. Ez da izango, halere, egun horretarako Euskal Herrian deituta dagoen mobilizazio bakarra. Europako eta Kanadako beste hainbat hiritan bezala, elkarretaratzeak egingo dira Iruñean (12:00etan Carlos III. pasealekuan), Bilbon (12:00etan Arenalean) eta Gasteizen (eguerdian, lekua zehazteke).

"TTIP, CETA eta TiSA itunekiko gure gaitzespena agerian utzi nahi dugu", dio Aterkien elkarretaratzeak deitu dituzten Euskal Herriko Eskubide Sozialen Karta eta TTIP/CETA Ez kolektiboen prentsa-oharrak. "Erabakitzeko ahalmena daukaten europar, kanadar nahiz nazio, probintzia eta eskualdeetako parlamentuei eskatzen diegu ordezkatzen dituzten herritarren eskubide eta interesen alde jokatzeko". Kolektibook eskatu dute CETAren mehatxuak kontutan hartzeko eta ituna berretsiko lukeen otsaileko bozketako balizko emaitzari (CETAren aldeko botoari) aurre egiteko. Zentzu horretan, lehenago Nafarroako Parlamentuak egin zuen bezala, "TTIP eta CETAren aurkako jarrera hartzeko" eskatu diote Eusko Legebiltzarrari. "Merkataritza interesek ezin dute demokraziaren eta pertsona eta planetaren interesen gainetik egon", dio oharrak.

Otsailean, bozketa Europako Legebiltzarrean

Europako Legebiltzarreko Ingurumen Batzordeak baiezkoa eman dio aste honetan CETAri, eta ziurrenik gauza bera egingo du Legebiltzarrak osoko bilkuran, otsail erdialdean, ituna berresteko bozketan. Aldeko botoak irabazten badu, akordioa –edo haren zati handi bat behintzat– behin-behinean indarrean sartuko litzateke. Guztiz onartuta egoteko, behin Legebiltzarreko mugarria gaindituta, estatu kide guztietako parlamentuek oniritzia eman beharko liokete CETAri.

Iazko azaroan CETAri buruzko mozioa aurkeztu zuten parlamentariak kexu ziren Eurolegebiltzarreko agintea duen organoak, Parlamentuko Presidenteen Batzarrak, mozioaz eztabaidatzeko aukera ukatu duelako. “Bozkatu egingo da, besterik gabe”, azaldu zigun Florent Marcellesi Equoko legebiltzarkideak, “eta CETAri buruzko bozketa ere horixe izango da, bozketa hutsa, aurrez eztabaidatu gabe”. “Parlamentuak atzera bota dezake CETA ezetz bozkatuz gero, baina ez du aukerarik haren edukiaz eztabaidatzeko”, Marcellesiren berbetan, “alegia, ez dago aukerarik testuari zuzenketak egiteko”. Edo guztiz alde, edo guztiz kontra. Eta nahiko ziurtzat jo daiteke aldeko jarrera gailenduko dela otsailean egingo den saio horretan.

Kanal honetan artxibatua: Merkataritza askeko akordioak

Merkataritza askeko akordioak kanaletik interesatuko zaizu...
Betiko leloa?

Betiko leloa esatean, Merkataritza Askeko Itunez (MAI) ari gara. Egunetik egunera, geroz eta gehiago ditugu entzungai eta honen aurrean argi utzi nahi dugu izenburuan eginiko galderaren erantzuna ezezkoa dela.


2017-09-24 | Aiala Elorrieta
Belaunaldi berriko merkataritza itunak

Duela gutxi arte arrotz ziren guretzat TTIP, CETA eta gisa bereko merkataritza itunak. Belaunaldi berriko merkataritza akordioak dira, eta elite pribatuen interesak indartzea helburu izanik, boteretsuenen alde egiteko tresnak.

Bestela esanda, jabekuntza–desjabekuntza prozesuak areagotzen dituzten makineria dira: nazioarteko enpresak geroz eta eskubide gehiagoren jabe izan daitezen, pertsonak, jendartea, gizarte antolatua, emakumeak, etorkinak, langileak, ingurumena eskubidez... [+]


2017-09-21 | Unai Brea
CETA hitzarmenaren zatirik handiena indarrean da, europar parlamentu guztiek oraindik berretsi ez badute ere

Eurolegebiltzarrak joan den otsailean eman zion onespena Kanada eta Europar Batasunaren arteko merkataritza askeko itunari (CETA). Hitzarmena mistoa denez, erabat indarrean sartzeko EBko estatu kide guztietako parlamentuek bozkatu behar dute haren alde. Hala ere, hitzarmenaren zati handiena –teorian estatuen burujabetzari eragiten ez diona– indarrean da irailaren 21etik.


2017-06-29 | Unai Brea
CETA hitzarmena berretsi du Espainiako Diputatuen Kongresuak

Espainiako Parlamentuak berretsi egin du Europar Batasunaren eta Kanadaren arteko merkataritza askeko ituna (CETA), PP, Ciudadanos, PDeCAT eta EAJren aldeko botoekin. PSOEk jarrera aldatu du Pedro Sanchez idazkari nagusia hautatzeaz geroztik; oraintsu arte hitzarmenaren alde agertu da, baina ekainaren 29ko bozketan abstenitu egin da, aurreko egunetan iragarri legez. Gainerako alderdiek aurka bozkatu dute.


2017-06-02 | ARGIA
CETA hitzarmenaren aurkako ekintzak egingo dituzte asteburuan

Kanada eta Europar Batasunaren arteko merkataritza askeko hitzarmenaren (CETA) aurkako mobilizazioak egingo dira Hego Euskal Herriko lau hiriburuetan asteburuan hasita eta astelehenera bitarte. Modu horretan, CETAren aurkariek protesta egin nahi dute datozen asteetan Espainiako Legebiltzarrak itunari emango dion berrespenagatik.


CETA: Zer diote kanadarrek?

CETA pil-pilean eskuartean dugun Europar Batasunaren eta Kanadaren arteko Ekonomia eta Merkataritza Askeko Hitzarmena dugu eta entzunagoa den TTIP hitzarmenaren atzeko ate bezala definitu izan da. TTIP (Europar Batasuna eta AEBen arteko hitzarmena) izoztua dagoela helarazi digute komunikabideen gehiengoak eta hori aprobetxatuz, TTIPk eginiko gardentasunik gabeko bidea baino gardentasun eskasagoa izan duen CETA ari zaizkigu inposatzen.


2017-02-26 | Unai Brea
CETAren zati handi bat indarrean sar liteke jada

Ez zen ustekabekorik izan eta Europako Legebiltzarrak Kanada eta EBren arteko CETA hitzarmenaren alde bozkatu zuen otsailaren 15ean, Estrasburgon egindako saioan. 408 diputatuk eman zuten aldeko botoa, 254k aurkakoa, eta 33 abstentzio izan ziren.


TTIP, CETA... 2017: Merkataritza Askeko Akordioak geldiarazteko urte erabakigarria

Merkataritza eta inbertsio itun handiek, uneon, gero eta garrantzi handiagoa dute debate politiko eta sozialean. Baina makro-hitzarmen horiek izozmendi eskerga baten tontorra baino ez dira.


2017-02-15 | ARGIA
CETA akordioa onartu du Europako Legebiltzarrak, kanpoko aldean aurkako ekintzak

Euskal Herriko parlamentuetan ordezkaritza duten alderdietatik, CETAren alde bozkatu dute ondorengo alderdiek bozkatu dute: EAJ, PP eta PSOE. Eta aurka: EH Bildu, Podemos eta Equo. Goizean 150 ekintzailek Europako Parlamentuko sarrera blokatu dute Estrasburgon. TTIP Game Over Facebookeko orrian azaldu dutenez, lortu nahi zuten eurodiputatuak autoetatik jaitsi eta CETAren alde bozkatzea herritarrak zapaltzea zela irudikatzea.


CETAren aurkako elkarretaratzeak EAJ, PSE eta PPren egoitzen aurrean

TTIP/CETA Ez-ek eta Eskubide Sozialen Kartak elkarretaratzeak egin dituzte astearte goizean, Donostian, Gasteizen eta Bilbon. CETAk “herritarron bizitzak pobretuko dituela” adierazi dute antolatzaileek. Sortu, Ezker Anitza eta Podemos alderdiak deialdira batu dira, besteak beste.


Azkenak
EGILEA
Eguneraketa berriak daude