Bizkaiko Bertsolari Txapelketako finala, erabakita
Igandean zehaztu da #Josi Bizkaiko Bertsolari Txapelketako finala jokatuko duen zortzikotea, Zornotzako azken finalaurrekoaren ostean. Arkaitz Estiballes, Iratxe Ibarra, Etxahun Lekue, Onintza Enbeita, Jone Uria, Oihana Bartra, Fredi Paia eta Xabat Galletebeitia dira aurtengo finalistak.
aurre egingo dieten hedabide independenteak
Arkaitz Estiballes nagusitu da igandeko finalaurrekoan, 499,5 punturekin, eta zuzenean lortu du abenduaren 20an Bilboko Miribillan jokatuko den finalerako txartela. Gertutik jarraitu diote Jone Uriak eta Oihana Bartrak; puntuazioz, biek lortu dute sailkatzea.
Imanol Uria, Ibon Ajuriagojeaskoa eta Garikoitz Sarriugarte izan dira Zornotzan kantuan aritu diren beste hiru bertsolariak. Saioko puntuazioak Bizkaiko Bertsozale elkartearen webgunean daude ikusgai.
Bi finalista berri
Xabat Galletebeitia lekeitiarrak eta Oihana Bartra bilbotarrak lehen aldiz kantatuko dute Bizkaiko Bertsolari Txapelketako finalean. Hainbat urtez atera dira txapelketaren plazara, eta finalaurrekoetan kantatu izan dute aurreko aldietan.
Bartraren eta Galletebeitiaren bertso-ibilbidea eta txapelketako bertsoaldiak, Bizkaiko Bertsozale Elkartearen webgunean.
Gernika-Lumoko Lizeo antzokian jokatu da Bizkaiko Bertsolari Txapelketako bigarren kanporaketa. Saioa irabaztearekin bat, finalaurrekoetara sailkatu da gernikarra.
Ia 4.000 lagun elkartu dira Bilbao Arenan gaur arratsaldean Bizkaiko Bertsolari Txapelketako finalean; Joseba Etxebarriak eta Moises Enbeitak jantzi diete txapela Ibarzabali entzuleen txalo artean; Jone Uriagaz jokatu du buruz-burukoa.
Hirugarren eta azken finalaurrekoa jokatu da abenduaren 4an Larrabetzun; bete-bete egin da frontoia.
Galdakaoko kiroldegian jokatu da azaroaren 27an Bizkaiko Bertsolari Txapelketako bigarren finalaurrekoa; finalerako txartela lortu du larrabetzuarrak.
Etxebarriko frontoian jokatu da azaroaren 21ean Bizkaiko Bertsolari Txapelketako lehenengo finalaurrekoa; finalerako txartela lortu du durangarrak.
Sei kanporaketak jokatu ostean, osatuta geratu da finalaurrekoetan zerrenda.
Olalde aretoan jokatu da Bizkaiko Bertsolari Txapelketako laugarren kanporaketa; finalaurrekoetarako txartela lortu du bilbotarrak.
Gorbea aretoan jokatu da Bizkaiko Bertsolari Txapelketako hirugarren kanporaketa urriaren 16an; finalaurrekoetarako txartela lortu du Abadiñokoak.