Unai Mendiburu nagusi Erandioko kanporaketan
- Erandioko Merkatu Zaharrean jokatu da Bizkaiko Bertsolari Txapelketako laugarren kanporaketa. Saioa irabaztearekin bat, finalaurrekoetara sailkatu da algortarra.
Erandioko Merkatu Zaharra Bizkaiko Bertsolari Txapelketaren aterpe izan da gaur. Honako sei bertsolari hauek aritu dira areto beteari kantatzen:
- Ander Sarriugarte Garcia
- Garazi Navarro Ugarteburu
- Igor Galarza Intxausti
- Imanol Uria Albizuri
- Paule Ixiar Loizaga Legarra
- Unai Mendiburu Valor
Lan puntuagarri guztiak egin ostean, Unai Mendiburu Valor izan da puntu gehien batu dituena: 472,5 puntu. Beraz, Santurtziko finalaurrekora zuzenean sailkatu da, azaroaren 18an jokatuko dena. Gainontzeko bertsolariek, puntuazioaren arabera izango dute hurrengo fasean kantatzeko aukera. Honela geratu dira saioko puntuazioak:
- Unai Mendiburu Valor ------------- 472,5
- Imanol Uria Albizuri ---------------- 448.5
- Paule Ixiar Loizaga Legarra----- 442.5
- Igor Galarza Intxausti ------------- 430.5
- Ander Sarriugarte Garcia -------- 419.5
- Garazi Navarro Ugarteburu ----- 411.5
Idoia Anzorandia Kareaga izan da gai-jartzaile. Epaile honako hauek aritu dira: Ainhoa Arregi Elosua, Beñat Romero Maguregi, Garazi Mendoza Agirre, Graxi Arregi Leonardo, Iñaki Aurrekoetxea Arkotxa eta Mirari Azula Aurrekoetxea. Idazkari beharretan Itziar Basterretxea Olarreaga egon da.
Urriaren 11ko saioa, Galdakaon, Irune Basagoitik irabazi du; 12koa, Galdakaon, Ibai Amillategik. Lehen bost saioetako irabazleez gain, puntuazio altuena lortu duten beste sei bertsolari sailkatu dira finalaurrekoetara.
Mungiako Olalde aretoan jokatu da Bizkaiko Bertsolari Txapelketako lehenengo faseko hirugarren saioa. Saioa irabaztearekin bat, finalaurrekoetara sailkatu da Mendiburu.
Gernika-Lumoko Lizeo antzokian jokatu da Bizkaiko Bertsolari Txapelketako bigarren kanporaketa. Saioa irabaztearekin bat, finalaurrekoetara sailkatu da gernikarra.
Ia 4.000 lagun elkartu dira Bilbao Arenan gaur arratsaldean Bizkaiko Bertsolari Txapelketako finalean; Joseba Etxebarriak eta Moises Enbeitak jantzi diete txapela Ibarzabali entzuleen txalo artean; Jone Uriagaz jokatu du buruz-burukoa.
Hirugarren eta azken finalaurrekoa jokatu da abenduaren 4an Larrabetzun; bete-bete egin da frontoia.
Galdakaoko kiroldegian jokatu da azaroaren 27an Bizkaiko Bertsolari Txapelketako bigarren finalaurrekoa; finalerako txartela lortu du larrabetzuarrak.
Etxebarriko frontoian jokatu da azaroaren 21ean Bizkaiko Bertsolari Txapelketako lehenengo finalaurrekoa; finalerako txartela lortu du durangarrak.
Sei kanporaketak jokatu ostean, osatuta geratu da finalaurrekoetan zerrenda.