Bilbok sarbide berria izan arren, Errekaldek erdibituta jarraitzen du
Errekalde auzoko ehunka lagunek manifestaldia egin dute larunbatean bertatik igarotzen den AP-8 autopistako zubibidea eraitsi dezaten eskatzeko. Bizkaiko Foru Aldundiak 2008tik 2016ra bitartean eraitsiko zuela hitz eman zuen.
Sabino Arana hiribide gaineko zubibidea itxi duten egun bererako deitu zuen manifestaldira Errekaldeberriz Errekaldeko Auzo Elkarteak, “Zorionak Basurtu, Autopista Kanpora. Errekalde 2016” lemapean. Aldundiaren azken mugimendu horren aurrean, Errekaldeko zubibidearekin berdina egiteko itxaropena dutela adierazi dute.
San Mames estadiotik hirirako sarrera berri batzuk eraiki dituztelako esan zuen Aldundiak zubibide zaharrak eraitsiko zituela. Hala ere, Sabino Aranakoarekin gertatu bezala, atzerapenak egongo direla uste dute auzokideek.
“Autobideak auzoa suntsitu zuen, bitan zatitu zuen, gure irudia kaltetzen du, kutsadura eragiten du eta zeharo arriskutsua da”, salatu du Errekaldeberriz elkarteak manifestaldian. Bilbok eta Bizkaiak “Errekalderekin zorra” dutela esan dute, “zementuzko munstro hau kendu eta zerua ikusten uzten digutenean amaituko dena”.
Ez dakit zure herrira helduko den Hamaika diziplina anitzeko proiektu artistikoaren erakusketa.
Artelanekin batera, hamaika lekukotasun. Bertan denetarik dago: beldurra, mina, amorrua, esperantza, etsipena, indarra... Maitasunez idatzitako testigantzak. Garondoan mehatxuaren... [+]
Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]