Lamiakoko ibai azpiko tunela: kalte ondorioak izango dituen obra
aurre egingo dieten hedabide independenteak
Datorren larunbatean, irailak 21ean, Subflubiala EZ! Plataformakook kalera irtengo gara berriro. Oraingo honetan 12:00etan Artatza parkean hasiko den kanpaldi batekin. Azoka, musika, bertsolariak, ipuin kontalariak eta beste hainbat jarduera izango dira. Horren bidez, Lamiakoko ibai azpiko tunelaren zentzugabekeriaren berri eman eta partekatu nahi dugu. Izan ere, mugikortasun-arazoak konpondu beharrean, larriagotu egiten ditu tunel honek.
Bilbo Metropolitarrean mugikortasunaren eta garraioaren plangintza integraletik abiatzen ez den obra faraonikoaren aurrean gaude. Bizkaiko Aldizkari Ofizialean aitortu dutenez, "mugikortasunaren plangintza integrala egiteko beharra agerian geratzen da", baina, tamalez, ez da horrelakorik egin. Aldundiak aurrera jarraitzen du milioi askotako proiektuekin, ingurunearen eta herritarren benetako beharrak kontuan hartu gabe.
Lamiakoko ibai azpiko tunela ibilgailu pribatuen erabilera sustatzeko pentsatuta dago. Hain zuzen ere, Energiaren eta Klimaren Plan Nazional Integratuak, Europar Batasunak eta Aldundiak berak berotegi-efektuko gasen isuriak murrizteko sustatzen dituzten politiken aurka doa hori. Izan ere, bide-azpiegitura handitzeak "dei-efektua" sortzen du, hau da, auto gehiago zirkulazioan, kutsadura handiagoa eta osasun publikorako eta ingurumenerako arazo gehiago.
Garraio publikoan, oinarrizko zerbitzuetan eta lurralde-politika koherentean premiazko inbertsioak egin beharrean eraikuntza-enpresa handiei bakarrik mesede egiten dieten proiektuak garatzen dituzte hemen
Eta mundua garraio-eredu iraunkorrerantz doan bitartean; garraio publikoan, oinarrizko zerbitzuetan eta lurralde-politika koherentean premiazko inbertsioak egin beharrean eraikuntza-enpresa handiei bakarrik mesede egiten dieten proiektuak garatzen dituzte hemen. Gainera, kostu izugarria izango du guztiontzat obra horrek: 600 milioi euro baino gehiago, materialen egungo prezioan. Ez bada, aurrekoetan gertatu den bezala, lanak hasi ondoren, aurrekontuak aise gainditzen direla.
Baina ez da diru kontua bakarrik. Ibai azpiko tunel honen albo kalteek zuzenean eragingo diete Sestao, Erromo eta Leioa bezalako auzo eta herriei; etxebizitzetan eta ikastetxeetan jasango duten zarata, bibrazio eta hautsarekin. Proiektuak ez du benetako konponbiderik eskaintzen, eta ondorio kaltegarriak izango ditu inguruan bizi garenon bizi-kalitatean.
Irailaren 21ean eta 22an antolatu dugun kanpaldian parte hartzeko gonbidapena luzatzen dizugu. Badakizu borroka hau guztiona dela, eta horregatik animatzen zaitugu erresistentzia egun hauetan parte hartzera. Zentzugabekeria hori gelditu behar dugu berandu baino lehen, eta, hori lortzeko, elkarlanean egin behar dugu.
Subflubiala EZ! Plataforma
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Setioa hausteko Palestinara janaria zeramaten aktibista batzuk atxilotuta jarraitzen duten bitartean, honako gogoeta hau:
Bigarren Mundu Gerra hasi aurretik, Hitlerrek beste herrialde batzuetako lurrak konkistatu bazituen ere, Mendebaldeko potentziek ez zuten ezer egiten... [+]
Gaur bi urte bete dira estatu sionistak Palestinako herriaren aurka martxan zuen genozidioa bizkortzen hasi zenetik. Bi urte, non haurrak, eskolak, ospitaleak eta ametsak bonben jomugan egon diren, munduaren isiltasunak krimen horiek estali dituen bitartean.
100 urte pasatxo... [+]
Gazako genozidioak presioa areagotu du entitate sionistaren kontra arlo askotan, eta sionisten konplizeetara ere heldu da. Shapir enpresa israeldarraren eskutik CAF Jerusalemgo tranbiaren proiektuan sartzea salatu du hasieratik BDZ mugimenduak. Sei urte pasatu dira jada. Gazako... [+]
Asilo-leku sakratua Erdi Aroko lege bat zen, zeinaren bitartez justizia atzetik zituztenek elizaren eta monasterioen babesari hel ziezaieketen. Akaso, bi mila urtetan ongia egin zuten apurra. Eta, jakina, ahal bezain azkar, lege hura desegitera jo zuten, desagertu zen arte. A ze... [+]
Bilboko Udalak iragarri du Lancor-Elgorriaga eta Consonni pabiloiak berehala eraitsiko dituela, eta segidan, Udalbatzan aurkeztu du lan horiek bizkortzeko proposamena, kontuan hartu gabe 80 pertsona inguru bizi direla bertan baldintza negargarrietan: euren ondasun urriak... [+]
Palestinan gertatzen ari dena ikaragarria dela erraten du jende orok karrikan barna, “Onartezina da! Genozidioa da!” bilakatu dira azken aldiko entzunenak. Egoera salatzeko elkarretaratzea egin, ordea, eta bidegabekeria dela pentsatzen duten hamar horietatik lau... [+]
Eusko Jaurlaritzak "Eskola inklusibo, ekitatibo eta kalitatezkoaren aldeko mahai" berria osatu duten gizarte-eragileei Euskadiko eskola-segregazioaren hasierako diagnostikoa eta erantzuna izeneko txostena banatu die, eztabaidatu eta adostasunak lortzeko. Debateak, beraz,... [+]
Udan zehar, mobilizazio sozial handia izan da eta herritarren plataformak sortu dira Lizarraldean biometanizazio-plantak direla eta: Viana, Lodosa, Los Arcos, Mendabia... Horietan guztietan erraz identifika daitezke gako berberak: 1/ Nafarroako Aldizkari Ofizialean proiektuak... [+]
Abuztua da. Iratxen bildu gara Jurramendi igotzeko. Gudarienetik baino, gurutzeen bidetik (via crucis) ekiteko gomendatu digute. Berbagai, Gazako egoera. Israelek, genozidioa gauzatzeaz gain, horren kontaketa ere isilarazi nahi du: ia 300 kazetari erail ditu, Al Jazeerako Anas... [+]
Pasa den asteburuaren atarian, eta, oraingoan bai, hainbat hedabidetan Bernedoko udalekuetan gertatutakoa (Dutxa hotz bat denontzat) masiboki hedatu ostean, iritsi zen hezitzaileen adierazpena. Bertan, beraien “oinarri ideologikoak argitzea” eta “egiteko moduen... [+]
Euskal Udalekuetan egondako haur eta gazteen guraso edo/eta tutore legal gisa, babes osoa adierazi nahi dizuegu Bernedoko begiraleoi. Guztiz gaitzesten ditugu hezitzaileak jasaten ari zareten jazarpena eta sare sozialen bidez, publikoki zein maila pribatuan, egin zaizkizuen... [+]
Gure alaba nagusia Euskal Udalekuetara joan zen lehen aldian, 2019an, eraldatuta itzuli zen. 15 egunetan hazi egin zen, eta ez fisikoki bakarrik; arrunt pozik zetorren, hunkituta eta bere abenturak kontatzeko gogo handiz; ezin genion jarraitu, horren azkar hitz egiten zuen... [+]
Gauza garrantzitsu asko gertatzen ari dira Palestinan, Euskal Herrian eta munduan. Espantu israeldarraren aurrean Euskal Herrian inteligentzia kolektiboa martxan dago, inoiz baino indartsuago. Jende ezberdin asko, toki ezberdin askotan, gauza ezberdin asko egiten ari da... [+]
Palestinan gertatzen ari diren gizadiaren aurkako krimenak “berariaz gaitzesten ez dituzten” Israelgo erakundeekin harremanik ez izateko 2024ko apirilean EHUko Gobernu Kontseiluak hartu zuen konpromisoaz gain, beste urrats bat eman du euskal unibertsitate publikoak... [+]
Aurtengo uda garaian 46 gradutara iritsi da tenperatura Espainia eta Portugaleko leku batzuetan. Europako beste leku batzuetan ere 40tik gorako tenperaturak izan dituzte, baita Euskal Herrian ere. Iaz baino tenperatura altuagoak izan ditugu eta aspalditxo izan ditugun handienak... [+]