Bi urteko kartzela zigor eskaera mantendu du fiskalak, Twitterren iritzia eman zuen Barakaldoko gazte batentzat

  • Madrilgo Auzitegi Nazionalean Kaiet Prieto Twitter erabiltzailearen kontrako epaiketa hasi da gaur. Fiskalak haren kontrako 2 urteko kartzela zigor eskaera mantendu du, hainbat txiotan euskal presoen egoeraz edo ETAko kide ohien inguruan iritzia emateagatik.

ARGIA @argia
2018ko otsailaren 01a
Kaiet Prieto Audientzia Nazionaletik irtetean (argazkia: Pablo HasÚlen absoluzioaren aldeko plataforma)

Prieto Armiarma operazioan atxilotu zuten 2015ean, besteak beste herrikide duen Andeka Juradorekin. Azken honek urte eta erdiko epaia du bere kontra, Auzitegi Gorenak berretsia, berak idatzi ez zituen hainbat txio zabaltzeagatik. Asteazkenean jakinarazi zuen azkenean ez dutela kartzelan sartuko:

Egun berean Pablo Hasél rap kantari katalanaren kontrako epaiketa ere hasi da, bere abestietan Espainiako monarkia “kalumniatzeagatik” edo terrorismoa goratzeagatik auzipetu dute. Bost urteko espetxe zigorra eskatzen dute artista ezkertiarrarentzat.

Epaiketa horiek salatzeko elkarretaratzea deitu du Armiarma Operazioan Auzipetutakoen Absoluzioaren Aldeko Plataformak, Barakaldoko Bide Onera enparantzan arratsaldeko 20:00etan. Mobilizazioa eragile sozial, sindikatu eta talde politiko ugarik babestu dute.

Kanal hauetan artxibatua: Adierazpen askatasuna  |  Polizia  |  Twitter

Adierazpen askatasuna kanaletik interesatuko zaizu...
2018-05-16 | ARGIA
BIDEOA | Honela egin die eraso Israelgo armadak kazetariei

Al Jazeera hedabidearentzat lan egiten duen Hoda Abdel-Hamid kazetariak bideo labur bat zabaldu du Twitter bidez, zeinean ikusten den Israelgo armadak Gazako sarraskiaren berri ematen ari diren kazetariei eraso egin ziela.


2018-05-10 | Zero Zabor
Ia 10.000 sinadura bildu dituzte EITBn eztabaida gardena eskatuz

Andoaingo Ipar Haizea koordinadorak Change.org plataforman sustatutako sinadura kanpainak zehazki 9.568 sinadura zeramatzan bildurik maiatzaren 11ko 12:30etan. Errausketaren Aurkako Mugimenduak sinadura guztiak EITBko arduradunei entregatu nahi dizkie hilaren 17an, elkarretaratze publiko batez lagundurik, euskal irrati-telebista publikoari eskatzen baitio antolatzea erraustegiaren inguruko eztabaida publikoa.


Bi urteko espetxealdira zigortzen duen Auzitegi Nazionalaren epaia erre du Elgio rap kantariak

Elgio Sabadelleko (Herrialde Katalanak) rap kantariari bi urte eta egun bateko kartzela zigorra ezarri dio Espainiako Auzitegi Nazionalak bere kantuetan “terrorismoari gorazarre” egiteagatik. Epaiak 4.800 euroko isuna eta bederatzi urteko gaitasungabetzea ere jasotzen ditu.


Espainiak eta Frantziak asko dute hobetzeko adierazpen askatasunaren alorrean, Mugarik Gabeko Erreportarien arabera

Munduko herrialde ugarietako adierazpen askatasunerako eskubidearen egoera aztertzen duen txosten bat argitaratzen du urtero —2002an hasita— Mugarik Gabeko Erreportariak (RSF) GKEak. Bertan, 180 herrialdek osatutako ranking-a osatzen dute, prentsan adierazpen askatasuna gehien babesten dutenetatik askatasun gutxien dagoenera.


No callarem

“Isiltzen denak, zorionik ez du” esan genuen ARGIAn Mozal Legearen aurkako auzia irabazi genuenean. Ordutik adierazpen askatasunaren aurkako gurutzada azkartu baino ez da egin.


2018-04-20 | Miren Osa Galdona
Erregea "marrazoetara bota" idazteagatik gazte bat atxilotu dute Tenerifen

Ostegun goizean atxilotu du Espainiako Poliziak Roberto Mesa kanariarra. Martxoaren 7an Espainiako erregea Tenerifen izan zen eta horren harira Facebooken idatzitako mezu batengatik atxilotu dutela uste dute gaztearen senideek.


'Negozioen sekretuak' babesteko aitzakiaz, alerta jotzaileak mututu

Herritarren oharkabean dator lege berria. 2016an Europako Parlamentuak gehiengo handiz onartu ostean, Frantziak bere legedira egokitu du martxoaren 28an eta laster eginen du gauza bera Espainiak. Enpresen sekretuak konkurrentziaren espioitzaren begiradatik babesteko idatzi dutela diote legegileek, baina herritarrak ohartarazten dituzten alerta jotzaileen lana isilaraztea du helburu kazetari eta ekintzaile askoren ustez. Lobbyek isilpean egin dute azioa orain ere.


2018-04-09 | Lander Arbelaitz
Adierazpen askatasunaren aldeko kantu kolektibo berria: Borboiak lapur batzuk dira

Kataluniako eta Espainiako Estatuko 20 musikari baino gehiagok Valtonyc, Pablo Hasel eta La Insurgenciaren kantuen hitz zigortuak abestu dituzte adierazpen askatasunaren aldeko kantu autoinkulpatorio batean: Borboiak lapur batzuk dira. Bideoklipa Bartzelonako Model espetxean grabatu dute eta astelehenean egin dute publiko.


Erregeak erretzea osasuntsua da

Baina, kasu, europarra bazara. Espainiako Erresumaren mendekoek debekatuta dute herritarrek aukeratu ez dituzten agintariei horrelako kritika sinbolikorik egitea. Espainiarren estatu-burua, armadako agintari gorena eta erregea izateko baldintza bakarra dago: odolaren kolorea.


2018-03-25 | Saioa Baleztena
Valtonyc
"Gure lana erabiltzen ari dira beldurraren kultura zabaltzeko"

Espainiako Auzitegi Gorenak otsailaren hondarrean berretsi du Josep Miquel Arenas Beltrán ‘Valtonyc’ (Sineu, Herrialde Katalanak, 1993) rap-kantariaren aurkako epaia: hiru urte eta sei hilabeteko kartzela-zigorra. Espetxeratzeko aginduaren zain dagoen bitartean, mallorcarrak uko egin dio zigorra laburtzeko indultuari eta El Reincident lana publikatuz erantzun dio Espainiako Justiziari.


Azkenak
EGILEA
Eguneraketa berriak daude