Bi errefuxiatuk botako dute Aste Nagusi Piratako txupinazoa

  • Donostiako Piratek jakinarazi dute jaien irekiera errefuxiatuen egoera ikustarazteko baliatuko dutela. Bi errefuxiatu arduratuko dira txupina botatzeaz. Aurten orduz aldatu dute deialdia indartze aldera: abuztuaren 13an izango da, 18:30ean Flamenka gunean, kaian.

Lander Arbelaitz @larbelaitz
2016ko abuztuaren 05a

"Piratontzat funtsezkoa den balore bat oinarri hartuta lan egiten duten eragileek botatzen dute Aste Nagusi Pirata irekitzeko txupinazoa", diote.

Piratek adierazi dute "errefuxiatuen drama mahai gainean jartzeko beharra" sentitzen zutela. "Europar Batasuneko agintari politikoak modu lotsagarrian jokatzen ari direla eta gudatik eta pobreziatik ihesean ari denari ezin zaiola hesirik jarri uste dugu. Are gehiago, beren herrialdeak hankaz gora jarri dituztenak Mendebaldeko potentziak direnean".

"Babesleku izango den kai segurua eskaini nahi diegu Kantauriko kostan, gure hirian. Guk argi daukagu: bizirautea ez da delitua, ongi etorri errefuxiatuak".

Katherina ukrainarra eta Hassanna sahararra izango dira txupinazoa botako duten bi errefuxiatuak.

Txupinazoa bota ohi duen eragileak presentzia izaten du Aste Nagusi Piratan Matti pertsonariaren bidez. 2012an Martuteneko auzo elkartea izan zen, 2013an Etxe kaleratzeak Stop! kolektiboa, 2014an Abortoaren aldeko mugimendua eta pasa den urtean Irutxuloko Hitza.

Ezkila kapitaina Aingura kofradiaren esku

Urtez urte aldatzen doan Ezkila kapitainaren ardura, aurten Aingura kofradiari egokituko zaio. "Ingurugiroari izan beharreko errespetuan, bertako ekonomia sareen bultzatzaile sutsuak, ingurugiroa zaintzea eta jaia egitea bateragarriak direla erakusten egiten du lan kofradia honek. Pixkanaka pixkanaka Aste Nagusi Pirata eraldatzeko urratsak ematen laguntzen digu Aingurak", diote.


Jai herrikoiak kanaletik interesatuko zaizu...
2018-04-26 | Anboto
"Aurten Donien Atxa altxatzen neska gehiago egotea gura dugu"

Abadiñoko San Prudentzio jaietako ekitaldirik jendetsuena heltzeko gogotsu daude Amaia Munitxa, Iratxe Moreno, Josu Urriz eta David Nuñez. Jaiak agurtzeko ordua heldu arte zutik eutsiko dion Donien Atxa altxatuko dute laurek, beste gazte batzuekin batera. Amaiak eta Iratxek herriko neskei deia egin diete ekitaldian parte hartu dezaten.


2018-03-18 | Reyes Ilintxeta
Zaloa Basabe, Iru˝eko Udaleko Berdintasun teknikaria
"Ez naiz deseroso sentitzen PenÚlope Cruz aktoreak feminista dela esaten duenean"

Aspalditik mugimendu feministako militante izanik, duela bi urtetik Iruñeko Udaleko Berdintasun teknikaria da. Berdintasun bidean eta eraso sexisten aurkako borrokan erakunde publikoak eta herri mugimenduak eskutik lotuta joatearen onuraz eta beharraz mintzatu zaigu Udalaren bulego batean, Nafarroako presidente izandako guztien erretratuez inguraturik. Denak gizonak, bat izan ezik.


Eskola eta herria

Goizeko 7ak, etxeko arropa zaharren hautaketa egin, mozorroa jantzi eta gurutzatu dugu herria kalerik kale. Etxera bueltan datorren gau-paseroa, tabernari goiztiarra, egunkari banatzailea, begiradak gurutzatuz elkarren ondoko mundu paraleloak agurtu ditugu instantean. Euria ari du baina gogotsu nator, eskerrak halako egunak badiren gurean, bestela galdurik geundeke orden ofizialak ezartzen digun isolamenduan.

Irla bat gara itsasoan, aniztasuna eta tendentzia globalak nagusi diren XXI... [+]


2018-02-27 | ARGIA
Euskal Herriko festa animaliadunen inguruko dokumentalaren trailerra kaleratu du Askekintzak

Lau urteko lanaren ondorio da “Gurean” dokumentala. Askekintzako hainbat aktibistek Euskal Herriko festetako irudiak grabatu dituzte, herrietako jaietan animalien erabilera salatzeko. “Gurean” martxoaren 23an estreinatuko dute Donostiako Trueba zineman. Trailerra kaleratu dute, aperitibo gisa:


Libertimendua Donapaleutik pasatu da Bankarako bidean

Ez da jakiten gazte belaunaldi bakoitzak zertan mamituko duen  bazterrak inarrosteko daraman sugarra.  Inauteri giroko Libertimenduan aurkitu dute, antza, Iparraldeko gazte batzuek. Eman su, neska mutilok, garraztasun gehiegi ez baina errukirik ere gabe, ez sorginei  (horretarako gaude heldu burutsuok eta EITB) baizik eta zerbait aginte –material zein sinboliko- duen orori.


2018-02-23 | dantzan.eus
Zalduondoko inauterien berreskurapenaren kronika

40 urte baino gehiago galduta egon ondoren, 1975ean, inauteriak berreskuratu zituzten Zalduondon. Urtebetera, Zalduondoko inauterien inguruko kronika idatzi zuten Punto y hora  aldizkariko 1976ko apirilaren 1eko alean; Sancho el Sabio dokumentazio zentroak digitalizatu eta sareratu du. Festaren eta pertsonaien deskribapenak eta hainbat argazki ageri dira artikuluan.


Hondarribiko herri olinpiadak
MULTIMEDIA - dokumentala

Andoain eta Hernanitik ekarritako ideia jarraituz, 1987an antolatu ziren lehen aldiz Hondarribiko Herri Olinpiadak. Gazte batzuek, egungo gazteria pizteko helburuz, berreskuratu dituzte. Dokumentalak, olinpiadak sortu zireneko testuingurua deskribatzen du, eta garai hartan hain azkar zabaldu zen fenomenoa aztertzen du protagonista izan zirenetako batzuekin, antolatzaileak, parte hartzaileak, laguntzaileak, eta abar.


2018-02-12 | dantzan.eus
Maria Pilar Urriza, gizonezkoekin batera Lantzeko plazan zortzikoa dantzatu zuen lehen emakumea

Gaur eta bihar zortzikoa dantzatuko da Lantzeko plazan, inauterietako partehartzaile askok Maria Pilar Urrizarekin ikasi zuten dantzatzen. Maria Pilar Urriza 1942an jaio zen Lantz-en.


Beti bezperako koplak

Klank. Klank. Klank...: “Edertasunez jaunak apaindu zuen Ageda gaztetan. Haren begiak izar bi ziran, aurpegi gozo haretan. Gizon gaiztoen grina zitalak esna zitzaken benetan. Laister izutu zan Kintziano Agedaren ederretan”.

Siziliako gobernadorea saiatu omen zen Agedaren edertasuna bereganatzen –demagun, ezkontzeko eskatuz–. Neska gazteak, ordea, “Kintzianoren eske guztiak errez baztertu zituan”  –demagun, bere birjintasuna Jesus Nazaretekoari... [+]


Eguneraketa berriak daude