Segiko kide izatea leporatuta, 28 gazteen aurkako epaiketa irailaren 22an hasiko da Espainiako Audientzia Nazionalean. Beñat Lizeaga auziperatua eta Txerra Bolinaga ELEAK mugimenduko bozeramailea elkarrizketatu ditu Info7 irratiak. “Desobedientzia ezinbesteko tresna” dela eta “herri harresia eraikitzen jarraitzeko lanean” dabiltzala adierazi dute.
Euren aurkako epaiketa “estatu frantsesak eta espainiarrak aurrera eramandako jazarpenaren segidan” kokatu du Lizeagak. Iragan ekainean akusazio bera zeukaten 40 gazte absolbitu izanak esperantza ematen diela aitortu eta “albiste positiboa baino justua” izan zela azpimarratu du.
“Gaur egun inongo zentzurik ez duten epaiketa politikoak dira”, Bolinagaren esanetan. Herri harresi eta desobedientziaren tresna ez dagoela “inondik ere agortuta” adierazi du. Herri harresiaz hitz egitean, atxilotze arriskua zegoen eremuaz harago, gizartearen babesa landu eta konpromisoa erakusteaz mintzo direla zehaztu du.
Madrilera ez doazela oporretan eta desobedientziari aterik itxiko ez diotela esan du Lizeagak. “Duintasun osoko ekintzak” direla eta lehenago edo beranduago egoera aldatzeko balio dezaten espero duela azaldu du.
Asteburu laranja eta ekitaldi nazionala Gernikan
Euskal Herriko hainbat tokitan elkartasuneko “Asteburu Laranja” ospatuko da, eta horren baitan, epaiketaren aurkako ekimen nazionala izango da igandean 12:00etan Gernikako Astran.
Ekitaldian elkartasunaren ideia eszenifikatu nahi dutela azaldu du Bolinagak. Mugimendua jendearen parte-hartze eta konpromisoan oinarritzen dela eta desobedientzia presente egongo dela adierazi du. Bertan egingo dute publiko “Herritarren adierazpena”.
“Herri honetan frente asko zabalik” dauden arren, epaiketen aferak gatazka politikoa agerian uzten duela adierazi du bozeramaileak. Halaber, antzeko prozesu judizialen zain jende ugari dagoela gogorarazi du.
Izpurako itxialdiko gazteak
Hil amaieran epaituko dituzten gazteak, 2011n Izpurako itxialdian parte hartu zuten euroaginduaren aurka.
“Talde kriminal antolatua izatea” eta “derrigortze eta bortxa delituak egitea” leporatu diete, 2021ean Lekarozen Aroztegiko obrak geldiarazteko egindako kanpaldiaren harira.
Bost urte eta zazpi hilabeteko espetxe zigorra eskatu du Carlos García Berro fiskalak Oihana Garmendia, Oihana San Vicente, Haimar Altuna, Felipe San Epifani Pipe, Kai Saez de Egilaz, eta Antton Lopez Ruizentzat, 2016 eta 2020 artean preso politikoei antolatutako... [+]
Heldu den martxoaren 26an, Gorka Roca Torre epaituko dute Baionako auzitegian Unescoren izenean burutu bi ekintzetan esku hartu izanagatik. Seinaletika euskarriak ezabatzea, margotzea, kentzea... Euskal Konfederazioak bere jardueran lehenesten dituen ekintza motak ez badira ere,... [+]
Espainiako Auzitegi Gorenak bat egin du Tsunami Demokratikoa mugimendua ikertzen ari den Manuel García Castejón Auzitegi Nazionaleko epailearekin: ondo ikusten du Carles Puigdemont eta beste hamaika lagun ikertzea eta haien aurkako auzi penala irekitzea. Hemen... [+]
HerriBiltzako militantea den Gorka Torre konbokatu du martxoaren 26an Baionako auzitegiak UNESCOren izenean egindako margoketengatik.
Asteazken honetan deklaratu beharko du, eta elkarretaratzera deitu du GKSk: 11:30ean bilduko dira epaitegi aurrean. Iazko azaroaren 3an egindako protesta baten harira auzipetu dute gaztea; PSOEren egoitza aurrean mobilizatu ziren egun horretan, sionistak Palestinan egiten ari... [+]
Espainiako Auzitegi Gorenak berriz eserarazi nahi gintuen Auzitegi Nazionaleko aulkian, baina Auzitegi Konstituzionalak erabaki du guk asmo horren aurka jarri genuen babes helegitea onartzea. Erabaki horrek 2009ko urrian hasitako labirinto juridikoa itxi du eta, ia 15 urteko... [+]
Juan Carlos Campo epaileak dio non bis in idem printzipioa urratuko lukeela errepikapenak, berri agentziek aurreratu dutenaren arabera. Zirriborroa hurrengo asteko osoko bilkuran eztabaidatuko du Konstituzionalak, eta ‘gehiengo aurrerakoi’ari esker onartzea espero... [+]
2021eko apirilean atxilotu zituzten hamar lagun, eta deklaratzera deitu zituzten beste bi: "talde kriminal bateko kide izatea" leporatu zieten. Gehienen kontrako akusazioak bertan behera geratu baziren ere, aurrera jarraitu dute bi pertsonaren kontrako prozedurek. Hiru... [+]
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]
2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]
Irailaren 1ean izango da Legutioko Zentro Sozialistaren hustearekin lotutako lehen epaiketa. Fiskaltzak 13 hilabeteko espetxe zigorra eta guztira 3.600 euroko isunak eskatu ditu auzipetutako bi gazteentzat.
40 urtetik gorako espetxe-zigorrak eta 45.000 euroko zigor ekonomikoak eskatzen dituzte 'Leioako 5entzat'. 2016an Leioako campusean egindako ikasle mobilizazio baten harira auzipetu zituzten gazteak, eta berriz seinalatu dute EHUren erantzukizuna.