Sandra Barrenetxeak bera torturatu zuten hiru guardia zibil ezagutu ditu

  • Une gogorrak bizitu dituzte asteazkenean Bizkaiko Lurralde Auzitegian. Sandra Barrenetxea atxilotu zuten lau guardia zibilek asteartean deklaratu zuten eta asteazkenean aurrez aurre ezagutu ditu.


2017ko martxoaren 15an - 10:00
Akusatutako lau guardia zibilak (Arg.: EFE)

Akusazio partikularrak hemeretzina urteko espetxe zigorrak eskatu ditu akusatuentzako: hamar sexu erasoengatik, sei torturengatik eta hiru lesioengatik. Fiskaltzak eta defentsak, berriz, absoluzioa eskatu dute.

Sandra Barrenetxeak asteazkenean eman du testigantza, eta ondoren beste hainbat lekuko eta perituk deklaratu dute. Une gogorrak bizi izan ditu Barrenetxeak epaitegian. Entzun deklarazioaren unea.

Berriako kazetari Gotzon Hermosillak kontatu duenez, Barrenetxea tortura testigantza ematen ari zen bitartean, guardia zibilen abokatua irribarrez zegoen.

Erreharria-k sareratutako bideo honetan ikus daiteke Barrenetxea epaitegitik irten den unean jaso duen txalo zaparrada.

Sandra Barrenetxea Bilboko Justizia Jauregira iristen:

Guardia Zibilek tortura ukatu dute

Lehenengo saioan lau agenteek deklaratu dute, eta laurek dena ukatu dute. Ziurtatu dute Barrenetxearen atxiloketan dena “normala” izan zela, “Guardia Zibilak egiten dituen atxiloketa guztietan bezala”. Akusazio partikularraren abokatu Jone Goirizelaiaren galderei erantzuteari uko egin diote laurek, defentsarako abokatuaren eta fiskalaren galderei baino ez diete erantzun.

Epaiketa honek berriro eraman du torturaren auzia epaitegietara; izan ere, 2010etik ez zen guardia zibil bat erruztatuen aulkian esertzen tortura kasuengatik. 2010ean Gipuzkoako Auzitegiak lau guardia zibil zigortu zituen Mattin Sarasola eta Igor Portu torturatzeagatik, nahiz eta ondoren Espainiako Auzitegi Gorenak absolbitu egin zituen.

Barrenetxea Ekinen aurkako operazio batean atxilotu zuten 2010eko irailean, beste zortzi lagunekin batera. Denek salatu zuten torturak pairatu zituztela inkomunikatuta egon ziren egunetan, baina Barrenetxearen salaketak bakarrik egin du aurrera. Haren kasua hiru aldiz artxibatu zuten, 2012an, 2013an eta 2014an, baina oraingoan epaitegietara heldu da.

Hemen irakur daiteke Sandra Barrenetxearen tortura testigantza.


Kanal honetatik interesatuko zaizu: Tortura
Eneko Valdés eta Juan Calvo, Ertzaintzaren zaintzapean hilak: 30 urteko aldea, kointzidentzia gehiegi

1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]


Joxe Arregi oroitu dute heriotzaren 43. urteurrenean, Zizurkilen

Torturapean hil zuten zizurkildarra gogoratzeko ekitaldia egin dute igandean. Tortura aitortu eta erreparatzeko bitarteko gehiago eskatu dituzte.


Euskal Herriko torturatu guztiak saretzeko ekimena aurkeztu dute Torturaren Aurkako Egunean

Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu... [+]


2024-02-11 | Nekane Txapartegi
Ubelduak moretuz, tortura itzaletik argitara

1999ko martxoan Aiztondo bailaran jazotako gertaera latzak ez ziren eraso isolatuak izan, Espainiako Estatuak Euskal Herriaren aurka emandako beste urrats errepresiboaren zati baizik. “Todo es ETA” (Dena da ETA) doktrinaren menpean, atxilotu eta inkomunikaziopean gu... [+]


Eguneraketa berriak daude