Aste politiko-kulturala Bilboko 7katu gaztetxean
Gaur emango diote hasiera aste politiko-kulturalari 7katu gaztetxean. Bosgarren edizioa izango da aurtengoa. Hitzaldiak, solasaldiak edota dokumentalen proiekzioak antolatu dituzte. Bertso Errondako final handia ostegunean izango da.
Gaur, martxoak 12, hasiera emango diote Bilboko 7katu gaztetxearen aste politiko-kulturalari. Ekintzez betetako aste honetan denetarik egongo da Alde Zaharreko gaztetxean: Hitzaldiak, solasaldiak, proiekzioak... Ekintza guzti horien artean, ostegunean, Bertso Erronda lehiaketako final handia ospatuko da.
Baina, horren aurretik, eta aste politiko-kulturalari hasiera emateko, euskara sustatzeko erronkez arituko dira lehenengo ekimen honetan. Arratsaldeko 18:30ean hasiko da eta gonbidatu bereziak egongo dira bertan. Horrez gain, astean zehar 'Gernikako Egiak' edo Davide Cabaileroren 'Sitio Distinto' dokumentalak ikusteko aukera egongo da ere.
Eneko Calleren eta Joao Paulo Britoren hitzaldiak asteartean eta ostiralean izango dira. Eguenean, berriz, Bertso Errondako finala ospatuko da. Errondabide, Adaxka, La Villa eta Bira! tabernetako kanporaketak amaitu ostean, zortzi finalistek gaztetxean arituko dira. Gaueko zortzietatik aurrera, han egongo dira aurtengo txapela norentzat izango den erabakitzen duen final handian lehiatzen.
Albiste hau Uriola.eus-ek argitaratu du eta CC-by-sa lizentziari esker ekarri dugu ARGIAra.
Hiru militante euskaldun itsasoratuko dira Gazara bidean apirilaren 21ean, Turkiatik irtengo den Askatasunaren Ontzidian: Pili Revilla, Agur Gorbea eta Mikel Zuloaga ‘Mikelon’. Ostegunean hartu dute Bilbotik Istanbulera eraman dituen hegaldia, eta bi egun lehenago... [+]
Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]