AsCATasunera!

Kataluniako prozesu independentistari hauspoa emango diote Gasteiz, Iruņea eta Donostian

  • Festa eta aldarrikapena uztartuko ditu Ascatasunera​ herri ekimenak hilaren 11tik 24ra bitartean prestatu duen egitarauan. “Kataluniako prozesu independentistaren azken txanpan askatasuneranzko bide horri begirune eta babes osoa” erakusteko antolatu dute.

Axier Lopez @axierL
2017ko irailaren 08a
Irailaren 8an Intxaurrondon egin duten prentsaurrekoan azaldu dute egitaraua

Kataluniako prozesua eredugarria dela iritzita, eta "herritar katalanek hartutako adorea, irudimena eta konpromisoak” hauspotuta, Euskal Herriko hainbat herritar elkartu eta AsCATasunera! herri ekimena sortu dute.

Katalanak independentziara irits daitezen “laguntza eta maitasuna” bidali nahi dizkiete Euskal Herritik eta horretarako datozen bi asteetarako egitarau zabala prestatu dute. Diadarekin batera hasiko dira Gasteizen (11tik 15era), ondoren Iruñean jarraituko dute (13tik 22ra) eta azkenik Donostiara (20tik 24ra) etorriko dira. Askotariko ekitaldiak antolatu dituzte: buruzagi independentisten hitzaldiak, bideo emanaldiak, musika talde euskaldun eta katalanen kontzertuak, Herrialde Katalanetako jan eta edana dastatzeko txokoak, besteak beste.

Aste osoko festa Donostiako Intxaurrondon
Intxaurrondoko Sagastieder plazan karpa paratuko dute irailaren 20tik 24ra. Herrialde Katalanetako eta Euskal Herriko kultura eta gastronomia uztartuko dituzte, beste hainbat ekitaldirekin batera:

• Martxelo Otamendik gidaturiko solasaldia, Victor Terradellas (Artur Masen aholkulari izandakoa eta Fundació CATmón-eko presidentea) eta Monica Terribasekin (Televisió de Catalunyako zuzendari ohia eta Radio Catalunyako esataria)

• Gatibu, Zoo, Estrombers eta Bad Sound System taldeen kontzertuak

• Bertsolari eta glosadoreen emanaldia, Maialen Lujanbio eta Jon Maiarekin

• ERCko eta CUPeko hizlarien mitinak

• Cul de Sac talde tradizionalaren musika hiru egunetan

• Manresako Fot-li-Foc Gatzara taldeko diablesak...

Ekimenaren Facebookean dago egitarau osoa xeheago azalduta: https://www.facebook.com/Ascatasunera-683554941838097/

 


Internazionalismoa kanaletik interesatuko zaizu...
2017-12-14 | Hala Bedi
Robokoop, eskaintza faltsuak Marokok Mendebaldeko Saharari egiten dion lapurreta salatzeko

Denda berri bat ireki dute Gasteizko Dendaraba gunean, Marokok beste herrialde batzuekin batera aurrera eramaten duen espoliazioa salatzeko eta jendartea kontzientziatzeko. Prezio faltsuak ditu dendak, “baina eguneroko lapurreta handiagoa da”. Sarean ere webgunea zabaldu dute: www.robokoop.com


2017-11-21 | Andoni Mikelarena
Katalunian epaitzen ari diren sei antifaxistaren egoeraren berri emango dute Euskal Herrian

Ostegunetik igandera Euskal Herrian zehar ibiliko dira Kataluniako hiru antifaxista, euren egoeraren berri emateko. Kasuaren inguruko dokumentala ere aurkeztuko dute.


2017-11-07 | Uriola.eus
"Europan errepresioa egon badago, eta oso profesionala"

Atxilotuak 48 ordura aske utzi izan dituzte herrialde aberatsenetako gobernuetako ordezkarien goi-bileren jira-biran istiluak izan direnean. Aurtengo uztailean Hanburgon (Alemanian) G20ren bilkuran ez zen horrela gertatu. Elorrietako David Rincon lagunekin afaltzen ari zela atxilotu zuen Alemaniako Poliziak. Bi hilabete eta erdi eman ditu preso.


2017-10-27 | Axier Lopez
Kataluniarren aurkako errepresioa salatu du Bizi-k Baionako Espainiako kontsulatuaren aurrean

Bizi mugimenduak Espainiako Gobernuak Baionan duen kontsulatuaren aurrean protesta egin du. Kataluniako ANC eta Òmnium elkarteetako presidenteen askatasuna eskatu dute, "deriba totalitarista, aski da" dioen pankarta bat kontsulatuan zintzilikatu dute. En Peu de Pau, desobedientzia zibilaren aldeko Kataluniako plataformarekin bat eginik.


2017-10-17 | Uriola.eus
"Inoiz baino indartsuago gaude jai eremuan internazionalismoa zabaltzeko"

Uribarriko Ane Ortiz Ballesteros (Bilbo, 1989) Askapeñako konpartsakidea jardun da aurtengo Aste Nagusian txupinera lanetan txaketa eta txapela gorria jantzita. Jai bereziak izan dira zalantzarik gabe aurtengoak berarentzat. Besteak beste, jarduera eta gune berriak ezagutzeko aukera izan du. Ez du erraz ahaztuko bederatzi egunetan “jendeak emandako maitasuna”. 


2017-10-09 | Ahotsa.info
Internazionalismoa bultzatuz Europa aldatzea du helburu berria Askapenak

Askapena mugimendu internanazionalistak bere 30. urterruna ospatu zuen joan den larunbatean Berriozarren (Nafarroa). Pailazoak, jolasak, dantzak eta beste hainbat jarduera egin ziren bertan.


2017-10-06 | Miren Osa Galdona
Berriozarren ospatuko du Askapenak 30. urteurrena

Hiru hamarkada bete ditu Askapenak. Hasierako helburu eta indar berdinarekin jarraitzen du taldeak, eta 30. Urteurrena ospatzeko egun osoko jaia antolatu dute, Berriozarren, Nafarroan.

 


2017-09-06 | Xalba Ramirez
Askapenak 30 urteko borroka internazionalista ospatuko du

Askapena erakunde internazionalista sortu zenetik 30 urte igaro direla ospatzeko, urriaren 7an Berriozarren egun osoko egitaraua aurkeztu dute. “30 urte borrokak uztartzen, herriok burujabe!” izango da leloa.


2017-08-30 | Hiruka .eus
Kataluniako erreferenduma babesteko sinadurak biltzen ari dira EHUko hainbat irakasle

EHUko irakasle talde bat eta euskal gehiengo sindikala urriaren 1ean Katalunian egitekoa den erreferendumarekiko elkartasun-adierazpena bultzatzen dabiltza.


Boliviako prozesu eraldatzailearen nondik norakoak

2005ean Evo Morales eta Movimiento al Socialismo (MAS) herriak Gobernuan jarri zituenetik, Boliviako herriak izandako onurak bistakoak dira. Datu batzuk ematearren, muturreko pobrezia %36,7tik %16,8ra jaitsi da eta aberatsen eta pobreen arteko aldea nabarmen txikitu da. Bestalde, gutxieneko soldata bost aldiz igo da, 440 bolivianotik (62 euro) 2000 bl-ra (285 euro). Inbertsio publikoa ere hamar aldiz handitu da.


Azkenak
EGILEA
Eguneraketa berriak daude