Arantza Urkaregi: "Emakumeen kontrako biolentzia, zentzu zabalenean, nolakoa den entzungo dugu urriaren 8an"

  • Foro Sozialak askotariko indarkeria jasan duten emakumeen testigantzak jasoko ditu urriaren 8an Bilboko ekitaldian. Arantza Urkaregi Genero lantaldeko kideari elkarrizketa egin diogu.

Ilazki Gainza Giraldo
2017ko urriaren 02a
Argazkian Teresa Toda, Jone Goirizelaia, Mari Luz Esteban eta Saioa Iraola, Genero lantaldeko kideak ekitaldia aurkezten. Argazkia: Luis Jauregialtzo / Argazki Press

Non kokatzen da “Nik sinesten dizut. Emakumeen egia aitortu” ekitaldia Foro Sozialean?

Foro Soziala bake prozesua indartzeko hainbat arlotan antolatuta dago.Topaketak eta ekimenak burutu dira orain arte: armagabetzea, presoen gizarteratzeko proposamenak, eta abar. Hainbat talde dago eta horretaz gain, zehar-lerro moduan planteatzen diren ildo nagusiak daude. Horietariko bat da generoarena.

Zehar-lerro hori betetzeko asmoz talde bat sortu da; talde horretan egiten dugun lana Foro Sozialaren lanetan genero ikuspegia txertatzea da.

Generoaren inguruan Foro Sozialak beste ekimen batzuk egin ditu, esate baterako, apirilaren 5ean, Nafarroako Parlamentuan, “Hitzorduak”: “Torturatuak izan diren emakume nafarrak: justizia, aitortza eta errekonozimendua”. 2016ko azaroaren 4an, lehendabiziko aldiz Nafarroan, Foro Sozial Iraunkorrak askotariko indarkeria adierazpidetako biktimak bildu zituen, Parlamentuan bertan. Ekitaldi hark mugarria jarri zuen Nafarroan elkarbizitza integratzailea eraikitzeko bidean.

Gai honekin lotuta bi puntu azpimarratzea ezinbestekoa iruditzen zait: alde batetik, bake prozesuan emakumeak subjektu aktiboak izatea beharrezkoa dela, eta bestetik, genero ikuspegia txertatzea. Hau da, emakumeok beste era batera bizi izan dugu biolentzia, jendarte patriarkal honetan beste paper bat ezarri digutelako. Horrek biolentzien inguruan ditugun bizipenak desberdinak izatea eragin du kasu askotan; beraz, ezinbestekoa iruditzen zaigu ikuspegi hori(ek) Foro Sozialaren lanetan txertatzea.

Arantza Urkaregi Foro Sozialeko kidea.  Argazkia: unibertsitatea.net.

Zenbat emakume ari zarete lanean Gogoetabidean taldean?

Orain arte zortzi emakume bildu izan gara; baina taldea irekia da. Ekimenaren ostean emakume gehiagok parte hartzeko prestutasuna azaltzen badute, aukera izango dute gure taldera batzeko.

Bakea mota askotako bortizkeria eza dela diozue.

Bakeaz hitz egiten dugunean ulertzen da bakea biolentzia eza dela; baina ETAren edota Estatuaren biolentzia ezarekin oso lotuta ulertzen dugu. Mahaigaineratu nahi izan dugu gure herrian egon den biolentzia askoz zabalagoa izan dela eta biolentziaz hitz egiten dugunean askotariko biolentziak kontuan hartu behar ditugula. Emakumeok hainbat esparrutan jasaten ditugun biolentzia sexistak kontuan hartu behar ditugu.

Emakumeen kontrako indarkeria matxistak landuko dituzue ekitaldian, zeintzuk aipatuko dituzue?

Emakume profil desberdinak biltzen saiatu gara, aniztasuna adierazi nahi izan dugulako. Horrekin batera, hainbat bortizkeria mota jasan izan dituzten emakumeak izango dira. Hau da, emakumeen aniztasunak eurek bizitako biolentziak desberdinak izatea eragiten du. Emakumeen kontrako biolentzia zentzu zabalenean nolakoa den entzuteko aukera izango dugu urriaren 8an.

Emakume errefuxiatu bat, sexu abusua jasan duen emakume bat, preso arrunt ohi bat, lanean indarkeria jasan duen emakume bat, bikotean biolentzia jasan duena, torturatua izan den emakume bat, eta abar izango ditugu ekitaldian. Biolentzia mota asko daudela salatu nahi dugu, emakumeok bereziki eta zoritxarrez, jasaten ditugunak.

Urriaren 8koa ekitaldi zehatza izango da, karga sinboliko handikoa. Nola landuko duzue aurrera begira?

Leloa da “Nik sinesten dizut. Emakumeen egia aitortu”. Emakumeok oso kontziente gara gure testigantzak ez direla kontuan hartzen. Biolentzia sexisten salaketetan zalantzan jarri ohi da emakumeen hitza: “Bortxatu zaituzte edo zuk tentatu duzu?”, eta antzerako galderak egiten dira. Horrexegatik erabaki dugu leloa hori izatea eta elkartasun keinu moduan planteatu dugu: “Nik sinesten dizut. Nik ez dut kolokan jartzen zuk esan duzuna, zuk bizi duzu, zuk salatzen duzu eta nik sinesten dizut”.

Ideia horren inguruan ez dugu ekimen hau soilik egin nahi; gure helburua lelo berarekin, kanpaina bat egitea da.

Leloaz gain, lekuaren aukeraketa ere garrantzitsua izan da. Bilboko Solokoetxe auzoko lorategietan egingo da ekitaldia, Bilbao Musika dagoen eraikinean. Galera izeneko emakumeen kartzela egon zen hor gerra garaian.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Indarkeria matxista kanaletik interesatuko zaizu...
Bortxaketaren kultura klasikoa

Grezia. K.a VII. mendea. Himno homerikoak izeneko poema sortako alerik zaharrena sortu zuten, Demeter jainkosaren berri jasotzen zuena.


2018-07-12 | ARGIA
Munduko Futbol Koparekin indarkeria matxista areagotzen dela ohartarazi du Ingalaterrako kanpaina batek

Kanpaina osatzen duten irudietan, indarkeria zantzuak dituzten emakumeen aurpegiak ageri dira, zauriei herrialde ezberdinetako banderen itxura emanez. Sudurretik odola darion emakume baten argazkiak irudikatzen du Ingalaterrako bandera, San Jorgeren gurutzea odolez marraztuta.


2018-07-11 | ARGIA
Sanferminetako talde-bortxaketan parte hartu zuen militarrak Espainiako armadan jardun ahalko du berriz

Espainiako Estatuaren Defentsako Buletin Ofizialak astearte honetan argitaratu duenez, Alfonso Jesus Cabezuelo “La Manada”-ko kideari ezarritako suspentsioa bertan behera geratu da eta berriz jardun ahalko du armadan. Antonio Manuel Guerrero Guardia Zibilak ostera, oinarrizko soldata kobratzen jarraitzen du, epaimahaiak behin betiko epaia eman artean.


2018-07-10 | ARGIA
Lau gizonezko atxilotu dituzte azken hiru egunetan, emakumeen kontrako erasoengatik

Igandetik asteartera bitartean eman dira atxiloketak, Iruñean, Gasteizen eta Irunen.


Justiziari uluka

Espainiako epaitegietan justizia eskatzea eguerdian ilargi bila ibiltzearen parekoa da. Saia zaitezke, baina normalean ez duzu lortuko. Asko jota, otsoen uluak entzungo dituzu.

Ez da espainiar justiziak euskaldunak ez gaituela babesten, espainiar justizia sistema euskaldunon etsaia da.

Ez da espainiar justiziak emakumeak ez gaituela babesten, espainiar justizia sistema emakumeon etsaia da.

Ez da bakarrik botere banaketa ez dela existitzen, baizik eta epaileak eurek direla politika... [+]


2018-07-06 | Nahia Ibarzabal
Pasaportea berritzen saiatu zen 'La Manadako' guardia zibila behin-behinean aske utzi dute

Antonio Manuel Guerrero ‘La Manadako’ guardia zibila, kartzelatik irten eta hiru egunera pasaportea berritzen saiatu zen. Ostegunean egin da auzi saioa Nafarroako Auzitegian eta epaileek erabakia hartu arte libre utzi dute.


Frantziako Senatuak sexu erasoen aurkako legea onartu du

Aldeko 224 boz eta kontrako 22 jaso ditu testuak. Adingabeen «onespenik ezaren presuntzioa» kenduta pasatu denez, 15 urtez azpikoak ez babestea leporatu diote.


2018-07-05 | ARGIA
Helena Tabernaren 'Nagore' dokumentala debalde eskaini ahal izango da Sanferminetan

Nagore Laffageren hilketaren 10. urtemuga dela-eta Helena Taberna zinegile altsasuarrak Nagore dokumentalaren emanaldi eskubideak debalde utzi dizkie emakume talde zein bestelako elkarteei Sanferminak iraun bitartean, uztailaren 6tik 17ra.


2018-07-05 | ARGIA
Nagore Laffage omenduko dute Irunen, bere erailketaren hamargarren urtemugan

Iruñean astelehenean egin zioten omenaldia, eta Irunen larunbatean ekarriko dute gogora.


2018-07-04 | ARGIA
Indarkeria matxisten kontra, gaueko manifestazioa egingo dute Iru˝ean

Sanferminak ate joka diren honetan, jai eremuan ematen diren indarkeria matxistak eta hauek sostengatzen dituen sistema jo-puntuan daudela adierazi dute, autodefentsa feminista aldarrikatzearekin batera.


Azkenak
EGILEA
Eguneraketa berriak daude