Airbnb-ri aurre egiten ari diren munduko hainbat hiri

  • Alokairu irregularrak eragin kaltegarri ugari ditu bertakoen bizitzengan —etxebizitzen merkantilizazioa, masa turismoa—, eta horiek mugatzeko neurriak hartu dituzte hiri eta kolektibo ugarik.

Lukas Barandiaran San Roman
2017ko maiatzaren 04a
San Franciskon egin zuten ekintza. Karteletan "Etxegabetzeak: Maitasunez, Airbnb" bezalako mezuak daude.

Airbnb bezalako plataformek, beharra duten gutxi batzuei laguntza ekonomiko txiki bat ematen dieten arren, etxebizitzaren merkantilizazioa hauspotzen dutela geroz eta agerikoagoa bihurtzen ari da. Esaterako, Los Angelesen (AEB) urte oso batean alokairu arruntean irabazitakoa lortzeko, nahikoa da 83 egunez Airbnbren bitartez etxea alokatzea. Ondorioz, jabeek nahiago dute etxea turistei alokatzea, bertakoei beharrean.

Fenomeno hori are larriago bilakatzen da turistifikazio handia jasaten duten hirietan. Izan ere, pertsona ugarik plataforma horiek erabiltzen dituzte bidaiatzeko, eta jada turista masa handiak jasotzen dituzten lekuetara are turista gehiago heltzen dira.

Horren aurrean, hiri ugarik neurriak hartu dituzte plataforma horiek eta beren eraginak mugatzeko. Hiri batzuetan udalek hartu dituzte neurriak, beste batzuetan bizilagunak izan dira plataformen kontrako kanpainak abiarazi dituztenak, eta hainbatetan biak uztartu dituzte. Hona adibide batzuk:

- Bartzelona: Ada Colauren udal gobernuak gerra deklaratu dio Airbnbri, eta gerra piztu da bai. Iazko azaroan 600.000 euroko multa ezarri zien Udalak Airbnb eta Homeawayri pisu turistiko ilegalak iragartzeagatik. Urtebete lehenago 60.000 euroko zigorra ezarria zien arrazoi beragatik, baina plataformek ez zuten aldaketarik egin. Kontrara, Airbnbk mezuak bidali zizkien erabiltzaileei eskatuz Bartzelonako Udala eta Generalitateari presio egin ziezaieten. Erabiltzaile batzuek ere, alokairu irregularren salaketa faltsu masiboekin Udalaren jarduna “saboteatzeko” deia zabaldu zuten. Baina gatazka ez da hor amaitu. Bartzelonako bizilagunek ekintza ugari egin dituzte etxebizitzaren merkantilizazioa salatzeko. Bizilagunek turistentzako alokairuan zeuden hamahiru pisu irregular —ez daude horretarako erregistratuta— salatu zituzten. Pisu denak enpresa berberak kudeatzen eta iragartzen zituen Airbnbn. Bizilagunek pisuak erreserbatu zituzten, pankartak bota zituzten balkoietatik eta Udalari eman zieten pisu irregular horien berri.

Etxearen kudeatzailea protestariei aurre egiten, Bartzelonan egindako protestan.

 

 

- Valentzia: Valentziako Turismo Agentziak 30.000 euroko isun bana ezarri zieten Airbnb, Homeaway eta Rentalia plataformei beren plataformetan iragartzen dituzten pisuak ez egoteagatik erregistratuta pisu turistiko bezala. Iazko urtean Agentziak ohartarazia zien aldaketa egin ezean isundu egingo zituztela.

 

- San Francisko: Airbnbren sorlekuan epe motzerako alokairuak mugatzeko kontsulta egin zuten bizilagunen ekimenez. Kontsultaren bezperan, mugatzearen aldekoek Airbnb enpresaren egoitza okupatu zuten alokairu mota horiek eragiten dituzten eragin kaltegarriez ohartarazteko. Hona ekintzaren bideoa (The Guardian):

Campaigners and Causa Justa members protest at Airbnb’s San Francisco’s headquarters.

- Berlin: Berlingo Udalak 2014ko maiatzean debekatu egin zuen turistei apartamentu osoak alokatzea, hala Aribnb bezalako negozioen kontra egiteko; soilik gela edo oheak jarri daitezke alokairuan hiri horretan. Neurriaren kontrako helegitea jarri zuten, baina epaileak arrazoia eman zion Udalari: “Prezio eskuragarria duten pisuen erabilgarritasuna mehatxatuta dago Berlingo hiri osoan, eta araudia justifikatuta dago”, irakur zitekeen epaitegiaren laburpenean. Izan ere, halako negozioek Berlingo pisuen alokairuen prezioak gora egitea eta alokairu arruntetarako pisuak murriztea bultzatu du, 2009 eta 2014 bitartean %50 igo zen alokairuen prezioa hiri horretan. Neurriak 100.000 euro arteko isunak aurreikusten ditu hura hausten dutenentzat. The Independent medioaren arabera, %40 murriztu da Airbnbk Berlinen eskaintzen duen etxe kopurua.

- Paris: Frantziako hiriburuak ere alokairua eta etxeen erabilgarritasuna kudeatu nahi izan du. Etxe hutsei, hau da, bigarren etxebizitzei zerga igo zieten %20 eta %60 bitartean. Hala, etxe huts horiek alokairuan jartzea bultzatu nahi izan du.

- Londres: 2015eko martxoan alokairu turistikoen araudi berria jarri zuten indarrean: Gehienez 90 egunez jarri daiteke turistentzako alokairuan etxea Londresen. Airbnb plataformak ere iragarri du epe hori errespetarazteko mekanismo bat jarriko duela martxan.

- Formentera: Langile prekarioen talde bat halako alokairu irregularrak aurkitu eta salatzeko erreserba faltsuak egiten hasi da. Alokairu irregularrak aurkitzerakoan, instituzioen aurrean salatzen dituzte. “Urtez urte etxebizitzaren arazoa eta neurrigabeko alokairuak ordaintzeaz nazkatuta” daudela adierazi dute.

Kanal hauetan artxibatua: Turismo masiboa  |  Hirigintza

Turismo masiboa kanaletik interesatuko zaizu...
Turismo eredua hankaz gora
Nola bidaiatu piztia elikatu gabe?

Turismoa anabasa eta kaosa batzuentzat, aberastasun eta oparotasun iturri besteentzat. Egungo ereduak, baina, tarte txikia uzten du imajinazioarentzat: kontsumoa, masifikazioa eta gentrifikazioa eguneroko hiztegian sartu ditugun hitzak dira. Ba al da egoera honi buelta emateko aukerarik? Ba al daude oporrak kanpoan emateko beste modu batzuk? Egungo egoeraz eta bestelako eredu posibleez jardun gara hurrengo lerroetan.


2018-06-19 | ARGIA
Hasi da turismo denboraldia, baita protestak ere Bartzelonan: Güell parkean kateatu dira ekintzaileak

Bartzelonako Güell parkean Arran gazte erakundeko hainbat kide kateatu egin dira eta turismo masiboaren aurkako pankartak zintzilikatu dituzte.


Herri boteretik "Euskal Erregimena" borrokatuz

Maiatzaren 19tik 27ra Bizitza Da Handiena kanpaina gauzatu dute Donostian. 63 herri mugimenduk eta sindikatuk “borroka sozialen astearekin” bat egin dute, eta “herritarron kapitala” aldarrikatu dute. Lubaki desberdinek fronte bakarra osatu dute. Ozenen entzun den oihua turistifikazioaren aurkakoa izan da, izan ere, Turismoaren Mundu Erakundeak goi-bilera hirian egin behar zuen egunekin bat egin du mugimendu desobedienteak.


Citizens of Donostia to the World Tourism Organization: "We don't agree"

The Bizitza da handiena ('Life is the Greatest Thing') campaign was held in Donostia from 19th to 27th May. 63 citizens' movements and trades unions joined in with the "social struggle week" and proclaimed the need for a "citizens' capital". Different trenches have made up a single front. The anti-tourism protest got its message across, the World Tourism Organization holding its highest level meeting in city during the same week as the protest movement.


Botereari erronka

Batek sudur gorriak, besteak buruberoki makarra. Trikitixa eta pandero hotsek girotuta, Bizitza Da Handiena asteari bide eman diote. 60 herri mugimendu eta sindikatuk deituta “boteretik herritarren aurka egiten ari diren politikei” aurre egingo diete. Lehen ekintza indartsu gisa, hamasei urtez hutsik izan den zortzi solairuko eraikina okupatu dute Donostiako erdialdean, turistifikazio prozesu basatiaren erdian, 300 lagun kalean bizi diren hirian.  Munduko Turismo Erakundearen... [+]


Turismo-eredu blindatua herri boteretik ziztatzen

Donostiako Idiakez kaleko eraikin okupatuak, Bizitza Da Handiena kanpainako kideek "Herritarron Etxea" izenpetu dutena, zutik dirau, borroka sozialen astearen sinboloak tinko mantendu ditu zimenduak. Zutik dirau Bizitza Da Handiena kanpainak berak, ez baitu imintzio dardaratirik erakutsi hamasei identifikazio, beste hainbeste borra-kolpe eta bi atxilotu jasan izanagatik ere.


2018-05-24 | ARGIA
Azken txanpan sartu da Bizitza Da Handiena: pentsiodunen manifestazioa eta okupazioaren azken gaua

Maiatzaren 19tik 26ra Donostiako kaleetara ateratzeko dei egin du Bizitza da Handiena kanpainak. "Agintetik aurrera eramaten ari diren herritarron aurkako politiken aurka" eta "herritarron kapitalaren alde" egitea du helburu, eta hainbat sindikatu eta herri mugimenduk atxikimendua adierazi dute sare sozialetan. Turismoaren Mundu Erakundea asteartean iritsi da Donostiara, eta Bizitza Da Handienak ekimen ugari antolatu ditu horren kontra.


2018-05-20 | Xabier Letona
Iruñeko Alde Zaharra: turismo masiboaren atzaparretatik ihesi

Nor ez da turista gure Mendebaldeko gizartean? Gutxi batzuk. Nork ez ditu bisitatu nahi urruneko edo gertuko lekuak? Gutxik. Gero eta gehiago mugitzen gara, horra turismo masiboaren oinarria. Baina jakitun gara eta gero eta kontzientzia handiagoa dago turismo molde honen arazoaz. Iruñeko kasua aztertuko dugu hemen, arazoa larritzen ari da Alde Zaharrean eta bizilagunek eskatzen dute auzoa ostatu turistikoentzako eremu saturatua izendatzea.


2018-05-14 | Zuzeu
Norena da Donostiako Alde Zaharra

Oso txio kate adierazgarria plazaratu du asteon Xabi Muruak, udalak aurkeztutako dokumentu publikoetatik abiatuta, Donostia eta turismoaz mintzo garenean zertaz ari garen jabetzeko.


Azkenak
EGILEA
Eguneraketa berriak daude