Gipuzkoako AHT aurreikusi baino 247 milioi euro garestiagoa da jada
Euskal Y trenbidearen Gipuzkoako zatiak, Eusko Jaurlaritzaren esku dagoenak, 1.822 milioi euroko kostua izango du, aurreikusi baino 247 milioi –%15,6– handiagoa, Ingurumen eta Lurralde Antolaketako sailburu Ana Oregik jakinarazi duenez. Izapide guztiak legez egin direla nabarmendu du Oregik: "Ez gara irregulartasunez hitz egiten ari".
EH Bilduko legebiltzarkide Oskar Matuteren galdera bati erantzunez eman ditu azalpenak Ingurumen sailburuak. Gipuzkoako zatiko lanen "gainkostuaz" galdetuta, Oregik erantzun du ezin dela "gainprezioei buruz" hitz egin, eta gaineratu du aldaketa guztiak Kontratuen Legearen arabera egin direla.
Jaurlaritzak hiru hilean behin obren inguruko datuak plazaratuko dituela eta aldian behin lan-eremuetarako bisitaldiak antolatuko dituela adierazi du Oregik, "gardentasuna" helburu: "ETS sozietate publikoak egingo duen txostena Eusko Legebiltzarrera igortzeko konpromisoa hartuko dut. Txosten horretan jasota geratuko dira ETS zuzendaritza teknikoaz arduratzen den bide-zatien obretako eta aurrekontuaren gorabeherak".
Bestalde, sailburuak azpimarratu du AHTk "pertsonen abiadura handiko garraiorako eta salgaien garraiorako gure herrialdean, penintsulan bertan eta Europako hego-mendebaldean izango duen garrantzia eta eragin sozial, kultural eta ekonomikoa". Azaldu du Jaurlaritza bere zatia betetzen ari dela, "Estatuaren kudeaketa motelak atzerapenak besterik eragin ez diezazkigukeen arren".
EH Bildu: "Zalantzek bere horretan jarraitzen dute"
Oskar Matutek salatu du sailburuak ez duela "galdera bat bera ere erantzun". Dioenez, "inoiz baino arrazoi gehiago dugu uste izateko ingeniaritza finantzario kontraktuala egiten ari direla ingurumena erasotzen jarraitzeko".
Bestalde, nabarmendu du obrak bukatzen direnean "gainkostuen zifra" %30era iritsi daitekeela: "Azkenean, herritarraren kalterako da, guk guztiok ordaintzen baitugu gutxi batzuen poltsikora era irregularrean doan dirua".
EH Bildu koalizioak salatu duenez, Oregik ez du azaldu zer dela eta uzten zaien enpresa batzuei "praktika ilegalak" burutzea: "Azken finean, praktika horiek ahalbidetzen dira jarrera horrekin. Esate baterako, enpresa batzuek hormigoi planta ilegala sortzen dituzte zementoa merkeago ordaintzeko".
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Abiadura Handiko Trenaren kontrako plataformak astelehenean jakinarazi zuen Espainiako Gobernua eta Nafarroakoa egiten ari diren zundaketa kanpainak ez duela etenik. Izurdiagan eta Otsobin herri mugimenduak lortu zuen geldiaraztea legezkoak ez ziren eta baimenik gabe abiatu... [+]
Maiatzaren 16tik 18ra izango da kanpaldia, AHTk eta berriztagarrien proiektu batek "mehatxaturiko" Arabako Uribarri Jauregi herrian. "Desjabetu nahi dituzten eremuetan erresistentzia antolatzeko dugun gaitasuna erakutsi eta kaleak betetzetik mendiak hartzera pasako... [+]
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
.jpg)
EAE, Akitania Berria eta Nafarroak osatutako euroeskualdearen batzarra egin dute Iruñean martxoaren 25ean. AHT izan dute topaketaren ondoko agerraldiko aipagai nagusien artean eta Akitania Berriko ardatza Hego Euskal Herriko trenbidearekin lotzeko konpromiso politikoa... [+]
Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]
Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.
"Gasteiztik egin ezean, ez da egingo", adierazi du PSNren bozeramaile Ramón Alzorrizek. Kontra azaldu dira Geroa Bai, UPN eta PP.
2.000 milioi euroko kostua izango dute AHT Madrilekin eta AVE trenarekin lotzeko aurreneko lanek. Asteburuan egin dute manifestazio bat Iruñean, AHTa eraikitzeko obretako esklabotza-baldintzak salatzeko.
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]