Siriako Gobernuaren aurkako lehen eraso militarra egin dute AEBek
Siriako armadaren base bati misilez egin diote eraso AEBek. Donald Trumpen gobernuaren aldebakarreko erabakia izan da, Kongresuaren onarpenik gabe, Siriako armadak leku horretan arma kimikoak gorde eta erabili dituela argudiatuta.
Gerra-itsasontzi batetik jaurtitako bost dozena misilek Shayrat base militarra jo dute, Homs hiritik 30 kilometrotara dagoena. Momentuz, bost dira hildakoak. Siriako aire-armadak gerran sarri erabilitako gunea da Shayrat.
AEBen parte-hartzea gerran ez da berria, laguntza oparoa eskaini die Bashar al-Assaden gobernuaren aurkako indarrei, baina ostegunekoa da ofizialki egin duten lehen eraso zuzena, 2011n gerra piztu zenetik. Orain arte Estatu Islamikoa –Daesh– izan dute helburu estatubatuarren bonbek.
Eraso kimikoak
70 lagun hil ziren apirilaren 4an Jan Sheijún herrian izandako eraso kimikoan. Siriako Gobernuak ukatu egin du eraso horren erantzunkizuna, baina Trumpen gobernuak Shayratetik abiatutako Siriako armadako hegazkinak jo ditu erruduntzat. Errudunak zigortzeko eta "Amerikaren segurtasun nazionalaren hobe beharrez" egin dituela erasoak adierazi du AEBetako presidenteak. Arabiar hedabide gehienetan oso bestelakoa da Shayrat base militarreri egozten dioten funtzioa: Daeshen aurkako erasoak bideratzeko Siriako armadak gehien erabiltako gunea da.
Aldebakarreko erabakia
Gerra erasoa izan bada ere, Kongresuko ordezkarien iritzia kontuan hartu gabe hartu du erabakia AEBtako Gobernuak. Donald Trumpek 2013en aurreko presidente Barack Obama kritikatu zuen egun berak egin duena egitegatik, Kongresuaren onarpenik gabe Siria bonbardatzeagatik.
NBEko Segurtasun Kontseiluaren larrialdiko bilera eskatu du Errusiak erasoa ez duelako begi onez ikusi. “Herrialde burujabe baten aurka jo izanak kaltetuko du AEB eta Errusiaren arteko harremana" adierazi du. Turkiak eta Erresuma Batuak, aldiz, babesa adierazi diote Donald Trumpen gobernuari.
El Diario egunkari digitalak argitaratu du Ertzaintzaren txostena. Honela dio: “Espainiako Inteligentzia Zerbitzuak beraien Gasteizko langileak mobilizatu zituen ETA Al Qaedarekin lotu ahalko zuen informazio bila”. Dokumentuaren arabera, Italiako web orri bat... [+]
Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.
Irakurleak badaki 2015eko Parisko atentatu izugarrien auzia hurbiletik segitzen dudala, eskura dauzkadan prentsa baliabideei esker. 130 herritarren herioa eragin zuten komandoetatik bizirik ateratako kide bakarra Salah Abdeslam izan zen eta bere bizkar datza justizia egin... [+]
Urtarrilaren 20an Siriako Ipar eta Ekialdeko Autoadministrazioaren menpe dagoen Hasake hiriko espetxeari eraso diote auto suizidekin, milaka islamista askatzeko. YPGk kontrola berreskuratu arren, tiroketek jarraitzen dute, Daex-eko zenbait kide ezkutatu baita.
Jose Manuel Villarejo espainiar polizia ohiak adierazi ostean Espainiako inteligentzia zerbitzuek 2017ko atentatuak gerta zitezen utzi zutela, Kataluniako Gobernuak zer gertatu zen ikertzeko exijituko dio Espainiako Gobernuari. Halakorik egin ezean, auzia nazioarteko... [+]