Mailegatzailea epaitu ahal izango dute orduan, lukurreriazko maileguak modu profesionalean emateagatik. Abokatuek Patxi Zubiaurre 84 urteko donostiarraren etxegabetzea geldiarazi dute oraingoz.
Jose Maria Erauskin eta Maite Ortiz abokatuek ezin izan dute argudiatu epailearen aurrean enpresak gehiegizko klausulak aplikatu dituela, mailegu emaileak partikulartzat hartzen direlako, eta ez banku entitatetzat. Beste zenbait kasuren berri izan dute, bata Gipuzkoan eta besteak Bizkaian. Horien bidez, frogatu nahi dute Abacredit-ek modu profesionalean eman dituela mailegu lukurariak.
Patxi Zubiaurre etxetik botatzea eragotzi dute oraingoz, kaleratu behar zuten pertsonaren adina, zaurgarritauna eta osasuna kontuan hartzeko eskatuz. Donostiako epaile batek aintzat hartu du eskaria, eta maiatzera atzeratu du urtarrilaren 18an egitekoa zen etxegabetzea.
84 urte ditu Zubiaurrek, eta 40 inguru daramatza Donostiako Baleazaleen kaleko etxe batean bizitzen. %19,5ko interesdun 100.000 euro inguruko hipoteka zuen, eta hura ezin ordaindurik enkantean galdu zuen etxea. Haren jabetza Abacredit mailegu-enpresak bereganatu eta Zubiaurre kaleratzeko eskatu zion epaitegiari.
Abacredit 2011n sortu zen. Maria Pilar Doncel Prieto da enpresaren administratzaile bakarra, eta Jose Manuel Bilbao Gorordo ahalduna.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.