Larunbatean Bilbon Amnistiaren Aldeko eta Errepresioaren Kontrako Mugimenduak deitutako manifestazio nazionalean 1.500 pertsona batu ziren, Gara-ren arabera.
Amnistia osoa eskatu eta preso bakar bat ere “bakarrik geratuko ez dela” argi uzteko egin zuten manifestazioa. Manifestazioari atxikimendua adierazi zioten hamar euskal preso politikok eta euren argazkiak izan ziren ibilbide osoan zehar: Emilio Marigorta, Jon Kepa Preciado, Ibai Aginaga, Dani Pastor, Asier Guridi, Oskar Barreras, Igor Gonzalez Sola, Saioa Sanchez, Mikel San Sebastian eta Patxi Ruiz, presoak hain zuzen.
Bereziki, Iñaki Bilbao “Txikito” izan zuten gogoan, larunbatean 27. eguna bete zuen gose greban “independentzia eta sozialismoaren alde”. 16 kilo galdu ditu dagoeneko, eta jakinarazi zuteneran arabera edaten duen ura asimilatzeko zailtasunak izaten ari da bere gorputza.
Herri Norte Taldeko kideak elkartasunez gose greba txandakatua egiten ari dira, eta hauekiko elkartasun keinuak izan ziren ere.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.