Ipar Euskal Herriko lesbiana, gay, bisexual eta transexualek osatzen duten Les Bascos elkarteak denentzako ezkontza eskubidearen aldeko kanpaina hasiko du. Eliza katolikoak eta eskuineko alderdiek sexu bereko pertsonen ezkontzen aurka hasitako kanpainari aurre egingo diote. “Ez dugu gatazkarik sortu nahi, baina argi erakutsi nahi dugu hor gaudela”, adierazi du Beñat Gachen Les Bascos elkarteko presidenteak.
Frantziako Ministroen Kontseiluak sexu bereko pertsonen ezkontza baimenduko duen lege proiektua onartu zuen azaroaren 7an. Eskuinak mobilizazioak antolatu ditu horren kontra. Gachenek “alde bakarreko ahotsak” bakarrik entzuten direla adierazi du eta “ahots guztiak entzuteko” hasiko dutela kanpaina: “Erakutsi nahi dugu sexu bereko pertsonen harremanak eta amodioa errealitate bat direla gizartean, eta ez dagoela gorde beharrik”.
Ezkontzeko eta adoptatzeko eskubidea izateko, berdintasuna bermatzeko, legea beharrezkoa dela adierazi du Les Bascos elkarteak. Orain arte, sexu bereko pertsonek ez dute legez haurrak adoptatzeko eskubiderik izan, bietako batek adoptatu behar zuen besteak haurrarengan inolako eskubiderik izan gabe. Aukera horren aurka ere egin du elizak.
Jarrera “atzerakoi” horien aurreko sostengua eskatu du Les Bascos elkarteak, horregatik herritarrak, alderdiak, sindikatuak eta elkarteak denentzako eskubideen aldeko mobilizazioetan parte hartzera deitu du. “Gizartean eskubide bat bermatzea lortzen denean, gizarte osoak lortzen du horren onura”.
Antolatutako mobilizazioak
Azaroak 17: elkarretaratzea Baionan. Kissing edo talde musukatzea egingo dute bertan.
Azaroak 22: Lehen bilkura publikoa Baionan. Informazioa, eztabaidak, mintzaldiak eta filmak ikusi ahal izango dira.
Azaroak 29: Les invisobles filma Baionako L´autre zinema aretoan. Film horren inguruan eztabaida handia izan zen Canneseko Zinemaldian (Frantzia).
Abenduak 1: Elkarretaratzea Miarritzen. Baionako apezpikuak bultzatutako Biziaren Aldeko Taldeak sexu bereko pertsonen aurkako kanpainaren barne antolatutako bilkuraren toki eta egun berean.
Abenduak 5: Bilkura Hazparneko Elgar zentroan
Abenduak 6: Bilkura Uztaritzen
Abenduak 12: Bilkura Maulen
Abenduak 19: Bilkura Donibane Garazin.
Urtarrilak 16: Bilkura Donapaleun
Ekitaldi gehiago antolatuko dituztela adierazi dute, baina datak zehaztu gabe daude oraindik.
Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.
Hasiera batean, lehenengo ideia izan zen ekonomia... [+]
Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]
Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]
Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]
10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]