Duela mende erdi frankismo gotorrenak bere aurkako ahotsak isilarazi nahi izan zituen ETAko eta FRAPeko bost militante hiltzen. 1975a zen, eta irailak 27 zituen. Baina alderantzizkoa lortu zuen, eta zenbaitek nahi luketenaren kontrara, askatasunaren aldeko borrokalari gisa iritsi dira guganaino. Xosé Humberto Baena Alonso, José Luis Sánchez Bravo, Ramón García Sanz, Angel Otaegi Etxeberria eta Jon Paredes Manot, Txiki. Hau da haien historia.