Eklipsea
Dragoiak eguzkia IRENTSI zuenekoa
Aksinja Kermauner
Alberdania, 2024
-------------------------------------------------------
Hamarnaka liburu idatzi ditu Aksinja Kermauner idazle esloveniarrak. Euskaraz plazaratutako lehenengoa dugu hau, Patxi Zubizarretak itzulia eta Alberdaniak argitaratua. Argitaletxearen webgunean esatean da egileak haur, gazte eta helduentzat idazten duela; horretaz gain, zentzumen urritasuna duten haurrentzat ere idatzi duela zehazten da, ukimenezko liburu ilustratuak adibide. Gaiarekiko sentsibilitatea du, ikusmen urritasuna duten gazteekin lanean aritutako emakumea da Kermauner. Dragoiak eguzkia jan zuenekoa liburuko protagonista ia itsua da, eta bere ahotik jakingo dugu ikasle eta irakasle talde batek Txinara egiten duen bidaiaren berri.
Bidaia liburu batek dituen ezaugarriak jasotzen dira: turismo gidaria den Laurak kontatuko dizkigu herrialdeko xehetasun mitologikoak (izenburuko dragoia, adibidez) eta historikoak/geografikoak, edo monumentu garrantzitsuenen detaileak.
Afera linguistikoak ere kontuan hartu ditu idazleak eta egituran eragina du horrek. Kapituluen izenburuak euskaraz, txineraz eta Pinyinez (idazketa fonetikoan) idatzita baitaude. Taldeak dastatzen dituen jakien errezeta pare bat ere aurkituko dugu. Akaso zehatzegia eta luzeegia ere baden bidaiaren egunerokotasuna kontatzen digu, finean.
Ez da, ordea, liburuan kontatzen den bidaia bakarra. Pertsonaia guztiek baina bereziki Suncan protagonistak duten barne bidaiaren kontakizuna garrantzitsua da intriga, jakin-mina eta irakurtzeko gogoa piztuta mantentzeko. Bere irakaslea eta aita dena egoskorra da, hitzak esatea kostatzen zaio eta gordetzen dituen sekretuak jakiteko liburu osoa behar du. Bidaia horretan gauza asko deskubrituko ditu Suncanek bere buruaz, bere familiaz eta bere jatorriaz ere bai.
Norbaitek pentsa lezake ia ikusten ez duen Suncan protagonistak kostata egingo digula bidaiaren erretratu erreala, sinesgarria. Baina irakurtzen hasi besterik ez dago zentzumen guztiak piztu eta liburua irakurri ahala entzun, usaindu, ukitu eta dastatzen hasteko. Protagonistak berak horrela erantzuten dio berarekin ikusi aditza erabiltzen duen ikaskide bati (75.orria): “Bai, erabili lasai ikusi aditza. Geraturen sinonimoa da. Gainera, nola edo hala ikusten dut nik: urrunetik belarrien bitartez eta hurbiletik eskuen bitartez”. Dragoiak eguzkia irensten duenean eklipsea gertatzen da eta (ez)argi horretan hobeto ikusten da sarri. Ariketa zinez interesgarria egileak proposatzen duena.
Lautadako mamua
Xabier Montoia
Elkar, 2024
112 orrialde
Eleberri labur honetan egileak XIX. mendeko Euskal Herrira garamatza, sekulako sona hartu zuen Juan Diaz de Garaio hiltzailea duela protagonista. Arabako landa guneko jendarte tradizional eta giro hotzean barneratzen... [+]
Kanbodiako enbaxada
Zadie Smith
Itzulpena: Garazi Ugalde
Igela, 2022
-----------------------------------------------------
Batek baino gehiagok askatu ezin duen ideia faltsua da Europa jende berdinez soilik dagoela eraikita. Eta ez bakarrik faxistek. Egiatan, gutako... [+]
Carmilla
J. T. Sheridan Le Fanu
Itzulpena: maialen berasategi
Erein, 2025
------------------------------------------------------------------------
Literatura unibertsala bilduman argitaratu berri dute J. T. Sheridan Le Fanu irlandarraren 1872ko Carmilla. Maialen... [+]
Agur Karibu
Marian Porcel
Elkar, 2025
SIMULAKRO BAT
Leire Ugadi
Elkar, 2025
---------------------------------------------------------------------
Hitzak hautsi egin dezake, kolpatu, arrakalatu eta apurtu. Simulakro bat (Elkar, 2025) izendatu du Leire Ugadik (Urduña, 1996) simulakro hutsetik harago... [+]
Zoriona, edo antzeko zerbait
Karmele Mitxelena
Elkar, 2024
------------------------------------------------------------------
Helduentzat bigarren liburua du Karmele Mitxelenak. Lehenengoa ipuin liburua izan zen, eta honetan ere nabari zaio ipuingile eskua; izan ere,... [+]
Lur jota Parisen eta Londresen
George Orwell
Igela, 2025
George Orwell Abereen etxaldea (Animal farm, 1945) eta 1984 (1949) eleberriengatik ezagutzen dugu, euskarara itzuliak biak. Baina horien aurretik Down... [+]
Antzinako berri-berriak
Kae Tempest
Igela, 2022
-----------------------------------------------------------------
This poem was written to read aloud / Poema hau ozen irakurtzeko idatzi zen.
Horrela hasten da Kae Tempesten Antzinako berri-berriak liburua, lehen... [+]
Txori Gorri. Andre siux baten idazlanak
Zitkala- Sa
Testu zaharrak, 2022
Zitkala-Sa hegoaldeko Dakoten erreserban (AEB) jaio zen 1876an. Eskolan asimilazioan oinarritutako hezkuntza jaso zuen, eta horren... [+]
TARTARO
Testuak: Xantal Barnetxe
Ilustrazioak: Leire Perret
Ikas, 2025
--------------------------------------------------------------------
Tartaro infernuaren antzeko tokia dugu antzinako Grezian, baita pertsonaia mitologikoa ere, Virgiliok aipatua aspaldian eta... [+]
Amaieratik hasi. Euskal feminismoa, aldaketarako paradigma
Naia Torrealdai Mandaluniz
Txalaparta, 2025
-----------------------------------------------------------
Naia Torrealdai Mandalunizek Amaieratik hasi. Euskal feminismoa, aldaketarako paradigma saiakera argitaratu... [+]
hezur berriak
Ane Labaka Mayoz
Susa, 2025
Tapakia
Maite gurrutxaga
Erein, 2025
-----------------------------------------------------------
Tapakia liburu honen azala ikusten badugu, bertan sagu pipertu bat ikus dezakegu lehortzen ari den tapaki zuri-zuri baten ondoan. Gero, normalean kasu gutxi egiten diegun... [+]
Zuzi iraxegia. euskal emakume idazleak eta literatura klasikoa
Amaia Alvarez Uria
Testu zaharrak, 2024
----------------------------------------------------------------
Liburua esku artean izan aurretik ere arnas luze bat atera zitzaidan barru- barrutik: “ze... [+]
Martin Martina eta urrezko orraziaren misterioa
Amancay Gaztañaga
Elkar, 2024
-----------------------------------------------------
Amancay Gaztañagak Martin Martina eta urrezko orraziaren misterioa kaleratu du Alain Martinezen ilustrazioek lagunduta... [+]