‘In’ salto mesedez
aurre egingo dieten hedabide independenteak
Katuzaldia
Ezezez
Autoekoizpena, 2023
----------------------------------------------------
Inoiz ez dut jakin oso ondo zein den “rollo british” musikan, sekula ez naizelako bereziki zalea izan, akaso. Ezezez entzutean, ordea, ez dut dudarik zer esaten duten. Soinuan eta melodian igartzen da, apur bat zikin, apur bat psikodeliko, apur bat retro, apur bat esperimental, apur bat kañero, apur bat jostari…
Hori da Ezezez taldearen Katuzaldia diskoa, gauza askoren apurrekin osatutako pieza freskoa. Lehen entzunaldian dena ematen dizuten kanta batzuk diruditenak, hainbat geruza dituztela erakusten dute, nabari baita ekoizpenari emandako denbora.
Taldean sortzearen aldea da horixe. Unai Madariagak sortu zuen proiektua orain urte batzuk, eta lehen diskoa bakarlari gisa egin zuen arren, taldekideak batu eta sortu da Ezezez, marxistek esango luketen ukapenaren ukapenaren ukapenaren osteko sintesia. Eneko Ajangiz gitarra jotzaileak, Mikel Irigoien baxu jotzaileak eta Alvaro Olaetxea bateria jotzaileak osatu dute laukotea.
Talde izaera horrek jarrera punka ekarri die, eta beste gauza nabarmen bat: ingeles hutsez kantatzetik, euskara hutsean kantatzera, vulkizazio dei dakiokeen prozesuan. Madariagak azaldu duenez, jolasa ekarri dio euskarak, hitzen xarma bilatuz, eta ekarri dio Marmitako eta txipiroi gisako kanta orijinal bat eraikitzea, amonaren omenez.
Surfa ere badu diskoak Dutxita kanta dibertigarriarekin. The Uski's-en kanta mitiko hura gogora etortzea ezinezkoa den arren, honek badu memetik haragoko esentziarik. Kanta dibertigarria da, kontrapuntua, orokorrean frenetikoa den diskoan.
Mutiko I eta Mutiko II kantekin ere, diskoa beste leku batera eraman dute, emozioekin jolastea posible dutela erakutsiz. Iñigo Astizek Sandro Penna poeta italiarrari hartutako poema da kanta, bi zatitan eraikia. Naretasuna lehenik, erritmoa ondoren. Madariagaren ahotsa hor, urrunean disko osoan nola.
Denbora gutxian, proposamen interesgarri ugari ematen ari da Bilbo ingurua. Izan daiteke, besteak beste, espazio eta kolektibo undergroundek ereduak jarri dituztelako, mugimenduak mugimendua dakarrelako beti. Eta Ezezez bultzada bat gehiago izango da, ziur: “Gurea psikologo lana ezta / baia eztau ardura / Problema guztiak geure alboan eskapako jatzuz arineketan / Ezezez beti prest / erdu zatez / ta in salto mesedez!”.
Goizegi Hiltzeko
Ødei
Autoekoizpena, 2025
53 min.
Ulertzen nauten herrian ez da musika hau entzuten. Rap musikak akaso urte okerragoak izan ditu Euskal Herrian, baina oraindik ez da beste batzuen altuerara heldua. Denentzat ditu koplak Odei Barroso urruñarrak:... [+]
Zatitxu 7
Zikin
Mendeku diskak, 2025
-------------------------------------------------------------
Aurten ere, udarekin batera dator Zikinen lan berria, esanez bezala: berdin zait oporrek hartzen bazaituzte Elantxoben, Belaguan edo Copacabanan. Eguraldi onak ez du egoera... [+]
Alegoría del mal
Rat-zinger
Kasba Music, 2025
--------------------------------------------------------------
Apokalipsiaren aurreko garai ustel hauetan, non eskuin atzerakoienak lortu duen bere diskurtsoa erdian jartzea, erabat ezabatuta dagoen gizarte batean,... [+]
C.R.I.N.G.E
Azuleja
Le Royale, 2024
--------------------------------------------------------------------
Bai, ia beti euskal taldeak dira lerro hauetan intereseko. Guretzat, eta zuentzat. Baina pixka bat epifania moduan, Amabirjina ikusi duenak nola, hala daukat... [+]
Norabide bakarrean
721-Gogor Gabiltza
Autoekoizpena, 2025
---------------------------------------------------------
Askotan, guraso garenon kezka bat da ea seme-alabek gure aholku edo "txapak" aintzat hartuko dituzten, jakitun izanda, era berean, guri kontra... [+]
Miruenea
Mirua
Oso polita, 2025
--------------------------------------------------------------
Bi urtez egon dira lanean Miruakoak “inoiz egin duten proiektu garrantzitsuena” aurkezteko: Miruenea. Eta, egia da, gaur egun artista guztiek dioten arren... [+]
Dirudienez
Karma
Autoekoizpena, 2025
--------------------------------------------------------
Mugatzat ez badugu ere, muga da askotan Bidasoa; kulturala, informazioarena… Eta beste aldekoa urrun gelditzen zaigu. Bada, gogoa eta laguntasuna dira muga apurtzaile... [+]
XAK
Xak
Mukuru, 2025
---------------------------------------------------------------
Entzun baduzu eta ez bazaizu sobera sartu, esango nizuke: entzun berriro. Nire urteko disko kutunena izango dena egin berri du Paxkal Irigoyen baxenabartarrak, oraingo honetan, XAK... [+]
It's on
JOHN DEALER & COCONUTS
Ghost Highway, 2025
------------------------------------------------------
Adin batetik aurrera kontzertuak, diskoak eta kantuak bizkarrean eta burmuinean pilatuta, eta musika entzuteko denbora murritzagoa bilakatuta, taldeak bilatu... [+]
Esperoan
Hiuzz
Autoekoizpena (egun motelak kolektiboa), 2024
Ohartu gabe igarotzen diren taldeen multzoa gero eta handiagoa da, edo inoiz baino handiagoa, behintzat. Hiuzz taldearen Esperoan lanak hilabete batzuk... [+]
Obducción de la Amenaza / Zirt Zart (Split-ep)
2024
---------------------------------------------------
Musika panorama erraldoia da, helduezina. Horien artean badira foku guztiak bereganatzen dituzten talde handi gutxi batzuk; horren nahian diharduten beste asko,... [+]
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]